MIKAH 4:12 - BUKUIT NE TILIL

¹² Ago manaei kabwatutikab Jehovah, ama iguitos kiruogennyi: amu kigoyum ichek ko u ye kiyumjin ratutikab bek ruanyut ne kiborse.

Bukuit Ne Tilil

¹² Ago ma naei kabwaatutigap Kamuktaindet ne Toroor, ama iguitos kirwoogennyi; amu ki koyum icheek ko uu ye kiyumjin ratuutigap peek rwanyut ne kiboorsee.

BUKUIT NE TILIIL Sireet ne Dutero Kanon

¹² Ago ma naei kabwaatutigap Kamuktaindet ne Toroor, ama iguitos kirwoogennyi; amu ki koyum icheek ko uu ye kiyumjin ratuutigap peek rwanyut ne kiboorsee.

MIKAH 4:12 ပူးပေါင်းရင်းမြစ်များ

TIENWOGIKAL 147:19

Iborjin Jakobo ng’olyondennyi, Iborjin Israel ng’atutikyik ak kiruogutikyik.

TIENWOGIKAL 147:20

Ma yachin bororiet age tugul ko u noto: Ama nai ichek kiruogutikyik. Olosu Jehovah.

ISAIAH 10:7

Ago maibwati ko u noto, ama mi muguleldanyi ko u noto; ago machei muguleldanyi kong’emis, ak kowong’ bororiosiek che chang’.

ISAIAH 21:10

Ee inye, kesisiennyu, ak bek che bo ole kituisie: kaamwawok che kiagas eng’ Jehovah ne bo lugosiek, Kamuktaindetab Israel.

ISAIAH 29:7

Ak kogergeit karuotitoet, ne ng’ang’utiet ne bo kemoi, ak chang’indab bororiosiek tugul che baregei ak Ariel, agot ichek tugul che baregei ak inendet ak irimennyi, ak che inyalili inendet.

ISAIAH 55:8

Amu ma chekwok kabwatutikyuk, ama chechuk ortinwekwok, mwaei Jehovah.

JEREMIA 29:11

Amu angen kabwatutik che abwati agobo okwek, mwaei Jehovah, kabwatutikab kalyet, ma che bo yaitiet, si agonok kamang’unet eng’ betusiekwok che bo let.

JEREMIA 51:20

Inye ko i aiywennyu ne bo boriet, ak karikab luget: ak atonatoni bororiosiek eng’ inye; ak abar bounatosiek eng’ inye;

JEREMIA 51:33

Amu mwaei Jehovah ne bo lugosiek, Kamuktaindetab Israel, ko u ni kole: u cheptab Babulon ruanyut ne kiborse eng’ betut ne kitiechei; tomo kitigin, si konyonji betutab kesisiet.

JOEL 3:2

ak amut ichek koba atebwetab Jeosapat; ak aruokyi ichek eng’ oloto amu bikyuk ak amu borotennyu Israel, che kigoseerji bororiosiek, ak kopchei emennyu.

LUKA 3:17

tinyei keibet eng’ eunnyi, ak kotilili komie ruanyut, ak koyumji nganok chogennyi; ago beelei metetek eng’ mat ne ma misoksei.