MIKAH 3:7 - BUKUIT NE TILIL

⁷ Ak kolilanso keerik, ak kotoptobenso bik che ng’orsei, ee, ak kagonamgei kut tugul: amu mami wolunet ne bunu Kamuktaindet.

Bukuit Ne Tilil

⁷ Ak kolilaanso keerik, ak kotoptobenso piik che ng'oorsei; ak kagonamgei kuut tugul, amu ma mi waluunet ne punu Kamuktaindet.

BUKUIT NE TILIIL Sireet ne Dutero Kanon

⁷ Ak kolilaanso keerik, ak kotoptobenso piik che ng'oorsei; ak kagonamgei kuut tugul, amu ma mi waluunet ne punu Kamuktaindet.

MIKAH 3:7 ပူးပေါင်းရင်းမြစ်များ

TIENWOGIKAL 74:9

Magigeere kaborunoikyok; Ma komi maotiondo; Ama mi kwenunnyo age tugul ne ingen kole tianitu.

KOMONG'U 9:11

Ak kima imuch kotononso bik che ng’omen che ng’orsei eng’ taitab Musa amu ondirichoto; amu kinam ondirik bik che ng’omen che ng’orsei, ak Misrik tugul.

ISAIAH 44:25

Ne walei kaborunoikab kiplembechonik koek buch, ak kogochin che ng’orsei koiiywenso; ne weechi bik che ng’omen koba let, ak koyaei naenywa koek berberindo:

JEREMIA 18:18

Kimwa anyun kole, Obwa kechob kit ne kiitoi Jeremia; amu mabetei ng’atutiet eng’ tisiindet, ama betei kiruoget eng’ chito ne ng’om, ama betei ng’olyot eng’ maotiot. Obwa, kebire ng’elyepta, amat ongeepchi it agot ng’olyot agenge eng’ ng’alekyik.

EZEKIEL 24:17

Tigen, ago ma mising’; ametechi che kigobek, taae meting’ung’ anget, ak ilaach kweoniguk, ametuch kuting’ung’, ameam amitwogikab bik.

EZEKIEL 24:22

Ak tun oyae ko u ye koayai: motuche kutuswekwok, anan oam amitwogikab bik.

ATEPTAP LAWIK 13:45

Kibetei ngoroikab ne amei mogondosik, chichoto tinyei koroito, ak kiyatei metinnyi, ak kotuch kutit ne bo barak, ak koboloti kolen, A ng’wan, a ng’wan.

AMOS 8:11

Mwaei Kiptaiyat Jehovah kole, Ogeero, bwanei betusiek che ayokyini emet rubet, ma ne bo amitwogik, anan ne bo meleldab beek, ago rubet ne bo kasetab ng’alekab Jehovah.

MIKAH 3:4

Ye ibata korirji Jehovah, ago mawoljin: ee, ung’e togennyi ichek eng’ betusiechoto, ko u ye kiyai yaitiet eng’ boisionikwak.

MIKAH 7:16

Keerei bororiosiek ak kolilanso amu kimnatenywa tugul: kere eunekwak kutuswekwak, ak kotimogis itikwak.

SEKARIA 13:4

Ak tun ililandos maotik eng’ betunoto, ililani age tugul agobo ng’ang’utiennyi, ye kamaoten; ama kolaachi ngoriet ne sabul si kobiit koberber bik:

1 SAMUEL 14:37

Ak kiteebe Saul Kamuktaindet kit ne yaei, kole, Achortege asub Pilistik? Tos indoi ichek eutab Israel? Ago ma wolji inendet eng’ betunoto.

1 SAMUEL 28:15

Ak kimwachi Samuel Saul kolenji, Amu nee si iima, imutwa atogos? Ak kiwolji Saul kolenji, Atinye nyalilda ne ng’wan; amu kabwa Pilistik kebarge, ak kogometa Kamuktaindet, ama kowolwa kiy, eng’ maotik, anan eng’ karuotitaosiek: noto anyun kaguurin, si kobiit iborua kit ne ayae.

1 SAMUEL 28:6

Ak ye kingolen koteebe Saul Jehovah, ko ma kowolji Jehovah, eng’ karuotitaosiek, anan eng’ Urim, anan eng’ maotik.

1 SAMUEL 9:9

(Kingowa chi keny eng’ Israel, kwo koteebe Kamuktaindet ng’olyo, komwaei ko u ni kole, Obwa kebe gab keerindet: amu inendet ne kiguure Maotiot nguno ko kigiguure keny Keerindet.)