MIKAH 2:3 - BUKUIT NE TILIL

³ Mwaei anyun Jehovah ko u ni kole: Ogeero, achobe yaitiet agobo goi, ne moistoe kaatwekwok anan obendate menotet; amu yaachen betusiechoto.

Bukuit Ne Tilil

³ Mwaei anyun Kamuktaindet ne Toroor kole: Ogeero, achobe yaityet agobo kooi, ne moistoe kaatwekwok anan obendate menoteet; amu yaacheen peetuusyechooto.

BUKUIT NE TILIIL Sireet ne Dutero Kanon

³ Mwaei anyun Kamuktaindet ne Toroor kole: Ogeero, achobe yaityet agobo kooi, ne moistoe kaatwekwok anan obendate menoteet; amu yaacheen peetuusyechooto.

MIKAH 2:3 ပူးပေါင်းရင်းမြစ်များ

ISAIAH 29:20

Amu kiyaei inendet ne imuisei koek buch, ak kosis sasindet, ak keisto bik tugul che igeni yaitiet:

ISAIAH 3:16

Kimwa kogeny Jehovah kole, Amu menioti tibikab Sion, ak kobendoti ko chuulotin kaatwekwak, koberberisiote konyekwak, kobendi ak kokwaisoti, ak kocheiyoti kelyekwak:

ISAIAH 5:19

che mwaei kole, Ingochakta inendet, kochokyi boisiennyi, si kobiit kegeer: ak ingorik konyo kiruogetab Inendet ne Tilil ne bo Israel, si kobiit kenai!

JEREMIA 18:11

Ara anyun, ui ng’alalji bikab Juda, ak bik che menyei Jerusalem, ilenji, Mwaei Jehovah ko u ni kole: Ogeero, achobe yaitiet agobo okwek ak achobe kit ne aitook: ingoweeigei age tugul eng’ okwek, kometo orennyi ne ya, ak olitit ortinwekwok ak boisionikwok.

JEREMIA 27:12

Ak kiang’alalji Sedekia laitoriatab Juda ko u ng’alechuto tugul, alenji, Onde kaating’wong’ chogitab laitoriatab Babulon, ak oot inendet ak bikyik, si osopche.

JEREMIA 34:17

Mwaei anyun Jehovah ko u ni kole: Ma oepcha it, si omwaite katiaget, eng’ chi age tugul eng’ tupchennyi, ak eng’ chi age tugul eng’ chitab kokwennyi: ogeero, amwawok katiaget, mwaei Jehovah, ne bo rotwetab chok, ne bo koroito, ak ne bo rubet; ak agoitook kewirjok komosi ak komosi eng’ bounatosiek tugul che bo ng’ony.

JEREMIA 36:23

Ak kingo kagosoman Jeudi kartasisiek somok anan ang’wan, kotil laitoriat eng’ rotwet, ak kowirji maata kimi kisigirit, agoi kolal bukuit komugul kogesgei eng’ maata.

JEREMIA 43:2

komwa anyun Asaria weritab Hosaia, ak Johanan weritab Karea, ak bik tugul che meniotin, kolenji Jeremia, Imwae lembech: ma iyogun Jehovah Kamuktaindennyo inyo imwa ile, Mobendi Misri otebe oloto:

JEREMIA 8:3

Ak kolewen meet kosiir sobet bik tugul che ng’etu, che ng’etune goito ya, che ng’etu eng’ komoswek tugul che kiaonji, mwaei Jehovah ne bo lugosiek.

RIREKAB JEREMIA 1:14

Kirat eunnyi chogitab bistaosiekyuk: Kigonamgei tugul, kigoit kaatinnyu; kigoges kimnatennyu: Kigondea Kiptaiyat eunekwak, ne ma amuchi atonon agirinda.

RIREKAB JEREMIA 2:17

Kigoyai Jehovah noto kigochob; Kagoyai ng’olyondennyi kosulda ne kiga ng’at eng’ betusiek che bo keny; Kagowirta kwo ng’ony, ama rire; Ak kagogochi bunyot koboiboitunenen, Kagotoror kuinetab buniguk.

RIREKAB JEREMIA 5:5

Negit konamech kaatit bik che onatech: Kigeng’etye ama kitinye kamuung’et.

DANIEL 4:37

Alosu anyun ane Nebukadnesar, ak atorori ak agonyiti Laitoriatab kipsengwet; amu bo iman boisionikyik tugul, ak ko bo kiruoget ortinwekyik: ak imuchi koming’in ichek che bendoti eng’ menotet.

AMOS 2:14

Ak kobetyi chepchebindo che mweei, amaigimiti che kimen kimnatenywa, ama sorugei ne nyigan:

AMOS 3:1

Ogas ng’olyondoni kagomwa Jehovah agobo okwek, ee lagokab Israel, agobo got komugul ne bo Israel ne kiamutu kotogos eng’ emetab Misri, kole,

AMOS 3:2

Okwege kityo che angen eng’ ortinwek tugul che bo ng’ony: aiitwok anyun biret amu tengekwogikwok tugul.

AMOS 5:13

Sisei anyun ne ng’om eng’ betusiek che u choto; amu yaachen betusiechoto.

MIKAH 2:1

Bwa eng’ ichek che chobei tengekto ak kotilei eng’ itogusiekwak ole yaitoi yaitiet! Ye kagoeech koyaei, amu tinyei kimnatet koyai.

ROMANIK 16:4

che ki chobotin kogoito sobonwekwak agobo sobondanyu; che mamwachini kongoi anege, ago koboto kanisosiek tugul che bo Bororiosiek agichek:

EPESOEK 5:16

oboisie saisiek komie, amu yaachen betusiek.

NG'ATUTIK 28:48

iote anyun buniguk che imutun Jehovah kong’eetyin, eng’ rubet, ak eng’ melelda, ak eng’ ach ngorit, ak eng’ rarunetab tuguk tugul: ak konde chogitab karnet kaating’ung’, agoi kobarin.

JAKOBO 2:13

Amu matinyei kiruoget rirenetab ge eng’ inendet ne ma ibor rirenetab ge: itororegei rirenetab ge kogirindoi kiruoget.