MIKAH 2:11 - BUKUIT NE TILIL

¹¹ Ngot komwa lembech chito ne wendoti eng’ usonet ak lembechek, kole, Amaotenun agobo divaik ak maiyek; koegu inendet maotiotab bichu.

Bukuit Ne Tilil

¹¹ Ngot komwa lembech chiito ne wendoti eng' usoonet ak lembechek, kole amaotenun agobo divaik ak maiyek; koegu ineendet maotyotap pichu.

BUKUIT NE TILIIL Sireet ne Dutero Kanon

¹¹ Ngot komwa lembech chiito ne wendoti eng' usoonet ak lembechek, kole amaotenun agobo divaik ak maiyek; koegu ineendet maotyotap pichu.

MIKAH 2:11 ပူးပေါင်းရင်းမြစ်များ

1 LAITORINIK 13:18

Ak kilenji inendet, A maotiot agane ko u inye; ak kang’alalwa malaikaiyat eng’ ng’olyotab Jehovah kole, Imutu inendet konyo gong’ung’, si koamis ak koee beek. Ago kimwachi lembech.

1 LAITORINIK 22:6

Koyum anyun laitoriatab Israel maotik, olo bo bik bogol ang’wan, ak kolenji ichek, Awe kebarge ak Ramot-Gilead, anan atebi? Ak kilenji, Togoste; amu indoi Kiptaiyat eutab laitoriat.

Kitabuutap JOB 31:5

Ngot ko kiawendote tangoita, Ak kochakta keldanyu kwo ole mi ng’alset;

KALEWANAIK 25:14

U bolik ak usonet ne matinyei ropta, Ne ilosunegei konunoikyik eng’ lembech.

ISAIAH 28:7

Ago kigochilil chuto agichek amu divaik, ak kigomasta amu maiyek; kigochilil tisiindet ak maotiot amu maiyek, kigomaluuch divaik ichek, kigomasta amu maiyek; ichiliili eng’ ng’ang’utiet, ibutos eng’ kiruoget.

ISAIAH 9:15

Metit ko boiyot ne konyitot; ak katutiet ko maotiot ne ineti lembechek.

JEREMIA 14:14

Kilenja anyun Jehovah, Maoteni maotik lembechek eng’ kainennyu: ma ayokte ichek, ama ang’at ichek, anan ang’alalji: maotenwok ng’ang’utiet ne bo lembech, koboto ng’orset, ak kit ne bo buch, ak kaberberisietab mugulelwekwak.

JEREMIA 23:14

Kiageerji maotikab Jerusalem agichek kit ne samis mising’; yaei ibetab ge, ak kobendote lembechek, ak kogimit eunekab yaikab yaitiet, kot ko mami chi ne weeksei eng’ yaitiennyi: kaigei ichek tugul Sodom eng’ ane, ak kaigei che menyei yoto, Gomora.

JEREMIA 23:17

Mwachin ichek kotugul bik che sasa, kolenjin, Kamwa Jehovah kole, Onyoru kalyet; ak komwachi chi age tugul ne wendote uuindab muguleldanyi, kolenjin, Manyonjinin yaitiet age tugul.

JEREMIA 23:25

Kiagas kit ne kimwa maotik, che maoteni lembechek eng’ kainennyu kole, Koaruotyi, koaruotyi.

JEREMIA 23:32

Mwaei Jehovah kole, Ogeero, agirindoi ichek che maoteni karuotitaosiekab lembech, komwaita, ak kogochi bikyuk kolel amu lembechekwak, ak eng’ kachaunenywa bo ge ne bo buch: ago ma ayokte, anan ang’at ichek; ama toreti bichu agot kitigin, mwaei Jehovah.

JEREMIA 28:15

Yeityo komwachi maotiot Jeremia maotiot Hanania, kolenji, Kaso, Hanania. Ma iyogun Jehovah; ago igochini bichu komang’ lembeita.

JEREMIA 5:31

Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

RIREKAB JEREMIA 2:14

Kigogeer maotiguk ng’ang’utik agobo inye che bo tangoita ak berberindo; Ak tom kong’any tengektang’ung’, kotook, si koweechin kogeny eng’ ole kigiluuljin: Ago kigogeer agobo inye lautik che bo buch ak ng’alek che bo onset.

EZEKIEL 13:22

Amu kiogochi muguleldab chi ne bo iman koarogen eng’ lembechek, chito ne ma agochi koarogen; ak ogimit eunekab kiptengekyot, si maweek kometo orennyi ne ya, ak kesor kosob:

HOSEA 7:14

Ama rirja eng’ mugulelwekwak, ago iteitos eng’ itogusiekwak: iyumegei agobo bek ak divaik; ingeleljina.

MIKAH 3:11

Iruochi kandoik amu tuguk che kigoigoisie ak inetisiei tisiik amu melekto, ak kong’orsei maotikyik amu siling’isiek: nganda u noto kotiiegei Jehovah ak kolen, Tos mami Jehovah kwenunnyo? Mami yaitiet ne nyonjinech.

MIKAH 3:5

Mwaei Jehovah ko u ni agobo maotik che igochin bikyuk kolel; che susisiei eng’ kelekwak ak kowaachei kole, Kalyet; ak age tugul ne mabaei ichek kochobei luget agobo inendet:

ROMANIK 16:18

Amu icheget che u choto, ko maotei Kiptaiyandennyo Kristo, ago otei mootinwekwak; ak kong’alei mugulelwekab che libwoben eng’ ng’alekwak che tangusen ak che bo chemwaikutnatet.

PILIPIK 3:19

ne kagesunenywa ko luset, ne cheptalelinywa ko moet, ne kalosunenywa ko tewernatenywa, che ibwati tugukab ng’ony.

1 JOHANA 4:1

Chamanichu, amoyan tamirmiriet age tugul, ago otiem tamirmirik, ngo bo Jehovah: amu kigomong’ji ng’ony maotik che chang’ che bo lembech.