MIKAH 1:7 - BUKUIT NE TILIL

⁷ Ak kebir ketuatui kanamonikyik tugul che kigiwai, ak kebeel melekwekyik tugul, ak ang’em kanamonikyik tugul: amu kiiyumune choto melektab kugoinatet, ak koweekyigei melektab kugoinatet.

Bukuit Ne Tilil

⁷ Ak kebir ketuatui kanamonikyik tugul che ki kiwai, ak kebeel melekwekyik tugul, ak ang'em kanamonikyik tugul: amu ki iyumune chooto melektap kugoinatet, ak koweekyigei melektap kugoinatet.

BUKUIT NE TILIIL Sireet ne Dutero Kanon

⁷ Ak kebir ketuatui kanamonikyik tugul che ki kiwai, ak kebeel melekwekyik tugul, ak ang'em kanamonikyik tugul: amu ki iyumune chooto melektap kugoinatet, ak koweekyigei melektap kugoinatet.

MIKAH 1:7 ပူးပေါင်းရင်းမြစ်များ

2 ATEPTAP PEETUUSYEK 31:1

Kingo kagogesgei chuto tugul, koba nganasokab Juda Israel tugul che kimi, koba kobut tolochik, ak koeb Aserik, ak kobut komoswek che tororen ak kapkorosusiek eng’ Juda tugul ak Benjamin, eng’ Epraim agine ak Manase, kot kong’em tugul. Koweek anyun lagok tugul che bo Israel, kwo chi tugul ole mi tugukyik, eng’ nganasokwak.

ISAIAH 2:18

Ak igesugei kanamonik.

ISAIAH 23:17

Ak ye ibata kenyisiek tamanwogik tisabu, koityi Jehovah biret Turo, si koweek konyor mung’arennyi, si koyai kugoinatennyi koboto bororiosiek tugul che bo ng’ony eng’ emet.

ISAIAH 27:9

Tun kiundoi anyun eng’ nito yaitietab Jakobo, ak chuto ko logoek tugul che kiistoe tengektanyi; ye kagoyai koik tugul che bo kaptisisiet kogergeit ak tartarik che kigitui, kot ko ma kong’eetos kogeny Aserik ak itonwekab asista.

EZEKIEL 6:6

King’emei nganasok eng’ meng’otosiekwok tugul, ak koek karatwek komoswek che tororen; si kobiit keng’em kapkorosusiekwok ak keyai koek karatwek, ak ketui kanamonikwok kobetyo, ak keeb kanamonikwok che bo asista, ak kiges boisionikwok.

HOSEA 2:12

Ak ang’em ketikyik che bo sabibuk, ak mogoonikyik, che kigomwa kole, Chu ko tuguk che kialena chamanikyuk: ak ayai tuguchoto koek osnet, ak koam tiong’ikab timin.

HOSEA 2:14

Noto anyun, ogeero, agaigai inendet, ak amut inendet kwo ong’atet, ak amwachi ng’alek che agaigae.

HOSEA 2:5

Amu kiyaei kamet kugoinatet: kiyai inendet ne kimanachi ichek, tewernatet: amu kimwa kole, Asuboti chamanikyuk, che kona amitwogikyuk ak beekyuk, koboto kororikyuk che bo kechirek, ak mabutekyuk, mwanikyuk ak tuguk che aee.

HOSEA 8:5

Kigometo moitang’ung’, ee Samaria, kagolalyo neregekyuk agobo ichek: tianitu si koek bik che matinyei tengek?

HOSEA 8:6

Amu kibunu nito Israel; kiyaei musogindet, ama Kamuktaindet: ee, kitonatoni moitab Samaria.

JOEL 3:3

Ak kigoser barbarek agobo bikyuk: ak kigogoito ng’etet agobo chepkugoniot, ak kialda chepto agobo divaik, si kobiit koee.

ATEPTAP LAWIK 26:30

Ak ang’eme awong’u komoswekwok che tororen, ak aluul kanamonikwok che bo asista, ak awirji muswekwok ole mi muswekab kanamonikwok; ak kowechok sobondanyu.

NG'ATUTIK 23:18

Ameibu melektab chepkugoniot, anan che kiale seset kobwa gotab Jehovah Kamuktaindeng’ung’ eng’ kaarorunet age tugul: amu wechei Jehovah Kamuktaindeng’ung’ choto tuwai.

NG'ATUTIK 9:21

Kiaib anyun tengektang’wong’, moita ne kiga oyai, abeel, atui, ang’a komengegitu, agoi kotambululitu: yeityo arong’ji kererut ne rootune tulwet.

NG'ANG'UTYET 18:3

Kagobutyo bororiosiek tugul amu divaikab koromnatetab soksennyi; ak kisokso laitorinikab ng’ony ak inendet, ak kiek magorek chemung’arainikab ng’ony eng’ kimnatetab kaseretab tugukyik.

NG'ANG'UTYET 18:9

Ak rirtos ak koteeitos agobo inendet laitorinikab ng’ony, che kisokso ak kotebyei koboto inendet eng’ kaseretab tuguk, ye keer iyetab lalennyi,

1 SAMUEL 5:4

Ak kingong’eetyo karon inne eng’ betutab somok, ogeero, kogolul Dagon kosieb mo eng’ taitab moingetab Jehovah; ak king’et metitab Dagon ak rubeiywekab eunekyik tuwai, ak kimi kurgat; king’et kebeberta kityo ne kogomutak ne bo Dagon.