MIKAH 1:1 - BUKUIT NE TILIL

¹ Ng’olyotab Jehovah ne kinyonji Mika Morastindet eng’ betusiekab Jotam, Ahas, ak Hesekia, laitorinikab Juda, ne kigeer agobo Samaria ak Jerusalem.

Bukuit Ne Tilil

¹ Ng'olyootap Kamuktaindet ne Toroor ne ki nyoonji Mikah meng'iindetap Moresheth eng' peetuusyegap Jotham, Ahaz, ak Hezekiah, laitorinigap Judah, ne ki keer agobo Samaria ak Jerusalem.

BUKUIT NE TILIIL Sireet ne Dutero Kanon

¹ Ng'olyootap Kamuktaindet ne Toroor ne ki nyoonji Mikah meng'iindetap Moresheth eng' peetuusyegap Jotham, Ahaz, ak Hezekiah, laitorinigap Judah, ne ki keer agobo Samaria ak Jerusalem.

MIKAH 1:1 ပူးပေါင်းရင်းမြစ်များ

2 LAITORINIK 15:32

Kitoi kolaitoran Jotam weritab Usia laitoriatab Juda eng’ kenyitab aeng’ ne bo Peka weritab Remalia laitoriatab Israel.

2 LAITORINIK 15:5

Ak kibir Jehovah laitoriat, ak kinam mogondosik agoi betutab meennyi, ak kimeny got ne itabanat. Ak kibou got Jotam weritab laitoriat, koruokyin bik eng’ emet.

2 LAITORINIK 16:1

Kitoi kolaitoran Ahas weritab Jotam laitoriatab Juda eng’ kenyitab taman ak tisab ne bo Peka weritab Remalia.

2 LAITORINIK 18:1

Kitoi kolaitoran Hesekia weritab Ahas laitoriatab Juda eng’ kenyitab somok ne bo Hosea weritab Ela laitoriatab Israel.

2 ATEPTAP PEETUUSYEK 28:1

Ki bo Ahas kenyisiek tiptem ye kitau kolaitorani; ak kilaitoran kenyisiek taman ak lo eng’ Jerusalem: ak kima yai ne mie eng’ taitab Jehovah, ko u Daudi kwandanyi:

2 ATEPTAP PEETUUSYEK 29:1

Kitau Hesekia kolaitorani ko bo kenyisiek tiptem ak mut; ak kilaitoran kenyisiek tiptem ak sogol eng’ Jerusalem: ak kigiguure kamennyi Abija cheptab Sekaria.

ISAIAH 1:1

Ng’ang’utietab Isaia weritab Amos, ne kigeer agobo Juda ak Jerusalem, eng’ betusiekab Usia, Jotam, Ahas ak Hesekia, laitorinikab Juda.

ISAIAH 1:2

Ogas, ee kipsengwetisiek, ak oeb it, inye ng’ony, amu kagotwek Jehovah, kole: kiagu lagok, ak kianet, ak kigongelelja.

ISAIAH 7:1

Eng’ betusiekab Ahas weritab Jotam, weritab Usia, laitoriatab Juda, kotogosta Resin Jerusalem laitoriatab Suria, ak Peka weritab Remalia, laitoriatab Israel, kolen kobargei; ago ma imuch koterter.

ISAIAH 7:9

ak metitab Epraim ko Samaria, ak metitab Samaria ko weritab Remalia. Ngot ko moyan, ko magigimitok iman.

JEREMIA 26:18

Kimaoten Mikaia Morastindet eng’ betusiekab Hesekia laitoriatab Juda; ak king’alalji bik tugul che bo Juda kolenji, Kamwa Jehovah ne bo lugosiek ko u ni kole: Kibati Sion ko u ye kibati mbaret, ak koek Jerusalem karurugutik, ak koigei tulwetab got komoswek che tororen che bo osnet.

HOSEA 1:1

Ni ng’olyotab Jehovah ne kinyonji Hosea weritab Beri, eng’ betusiekab Usia, Jotam, Ahas, ak Hesekia, che ki laitorinikab Juda, ak eng’ betusiekab Jeroboam weritab Joas, laitoriatab Israel.

HOSEA 4:15

Agot ngiyae inye Israel kugoinatet, ko mat koyai Juda; amobwa Gilgal, anan otogoste Bet-aben, anan oyosie ole, Ko u ye sobei Jehovah.

HOSEA 8:14

Amu kigoutie Israel Yaindennyi, ak koteech gorikab laitorinik; ak kigotes Juda nganasok che ng’ototin: ago ayokyini mat nganasokyik, ak kobeel irimoikyik.

AMOS 1:1

Ng’alekab Amos, ne ki agenge eng’ mestowekab Tekoa, che kigeer agobo Israel eng’ betusiekab Usia laitoriatab Juda, ak eng’ betusiekab Jeroboam weritab Joas laitoriatab Israel, eng’ kenyisiek aeng’ kotom kobotan emet.

AMOS 6:1

Bwa eng’ ichek che mi kalyet eng’ Sion, ak eng’ ichek che ribotin che mi tulwetab Samaria, bik che toogunotin che bo che eechen eng’ bororiosiek, che bwanjin gotab Israel!

MIKAH 1:5

Biitu chuto amu bistoetab Jakobo, ak amu tengekwogikab gotab Israel. Nee bistoetab Jakobo? Tos ma Samaria? Ak nee komoswek che tororen che bo Juda? Tos ma Jerusalem?

MIKAH 3:9

Asomok anyun ale ogas nito, okwek kandoikab gotab Jakobo, ak bounikab gotab Israel, che oweche kiruoget, ak omaasi imanda tugul.

HABAKUK 1:1

Lautiet ne kigeer maotiot Habakuk.

2 PETERO 1:21

Amu mami maoinatet ne kigobiit eng’ magetab chi: ago king’alali bik eng’ Jehovah, kondochin Tamirmiriet ne Tilil.