MATAYO 9:2 - BUKUIT NE TILIL

² Ak ogeero, kigimutyi inendet chito ne miani, ne meat borto, korue itogut: ak ye kigeer Jesu kayanenywa, kolenji ne meat borto, Weri, nyiganitu; kagenyoun kaat tengekwogiguk.

Bukuit Ne Tilil

² Ak ogeero, ki kimutyi ineendet chiito ne myani, ne meat poorto korue itoogut: ak ye kingo keer Jeso kayanennywa, koleenji ne meat poorto, Weeri, nyiganitu; kagenyoun kaat tengekwogiguk.

BUKUIT NE TILIIL Sireet ne Dutero Kanon

² Ak ogeero, ki kimutyi ineendet chiito ne myani, ne meat poorto korue itoogut: ak ye kingo keer Jeso kayanennywa, koleenji ne meat poorto, Weeri, nyiganitu; kagenyoun kaat tengekwogiguk.

MATAYO 9:2 ပူးပေါင်းရင်းမြစ်များ

AMDOINDET 9:7

Ui oldang’ung’, am amitwogiguk eng’ boiboiyet, ak iee divaiguk eng’ muguleldo ne baibai; amu kigocham Kamuktaindet boisioniguk.

ISAIAH 44:22

Kiaiste bistaosieguk, ko u boldet ne o, ak kiaiste tengekwogiguk, ko u boldet: weekyage; amu kiatiachin.

MATAYO 14:27

Ago king’alalji Jesu ichek eng’ yoto kolenji, Onyiganitu; ane; amoiyweisie.

MATAYO 4:24

Ak kiyesta ng’alek agobo inendet eng’ Suria komugul, ak kigimutyi inendet bik tugul che miandos, che kinam korotwek ak ng’woninwek che terotin, ak che kitinyei oik, ak che kitanuitos, ak che ki meiyotin borwek; ak kiisoob ichek.

MATAYO 6:12

Ak inyoiywech kaat lelutikyok, ko u ye kinyochini kaat che lelwech.

MATAYO 8:10

Ak ye kingogas Jesu, kokwong’, ak kolenji ichek che kiisubi, Amwawok, iman, ale, Tom anyoru kayanet ne te ni agot eng’ Israel.

MATAYO 8:16

Ak ye kimachei koimen, komutyi ichek che chang’ che tinyei oik: ak koon tamirmirik eng’ ng’olyot, ak kosoob tugul che kimiandos:

MATAYO 9:22

Ago kiwelelgei Jesu kogeer inendet, ak kole, Chebi, nyiganitu; kagosoobin kayaneng’ung’. Ak kisob kobogoriot koboch sainato.

MATAYO 9:5

Amu, nee ne nyamnyum, ngemwa kele, Kagenyoun kaat tengekwogiguk; anan ngemwa kele, Ng’eet, ak iwendote?

MATAYO 9:6

Ago si onai ole tinyei kimnatet Weritab chi eng’ ng’ony konyochi kaat bik tengekwogik (kolenji anyun ne meat borto), Ng’eet, ib itogung’ung’ ak iwe gong’ung’.

MARIKO 1:32

Ak koskoleny, ko karorokto asista, komutyi inendet tugul che kimiandos, ak che kitinyei oik.

MARIKO 10:49

Ak kitonon Jesu, ak kole, Oguur inendet. Ak keguur kipkoratiandanato, kelenji, Baibaitu: ng’eet, kuurin inendet.

MARIKO 5:34

Ak kilenji inendet, Chebi, kagosoobin kayaneng’ung’; ui eng’ kalyet, ak isob eng’ miandang’ung’.

MARIKO 6:50

amu kigeer ichek tugul inendet, ak kiiyweis. Ak ngunoto anyun kotwekyi ichek, kolenji, Onyiganitu: a inendet; amoiyweisie.

JOHANA 16:33

Kaamwawok tuguchu, si kobiit onyorunena kalyet. Otinye nyalilda eng’ ng’ony: ago onyiganitu; amu kaaterter ng’ony.

JOHANA 2:25

ak amu kima komage kiy chi ne baoriani agobo chi age; amu kiingen inendet kit ne mi chi orit.

JOHANA 21:5

Kolenji Jesu anyun, Lagochu, otinye kiy ne oame? Kowolji kolenji, Achicha.

POISYONIGAP CHE KIYOKTOI 14:9

Kigas chichoto Paulo kong’alali: ak kingochiilji kong’ inendet chichoto, ak kogeer kole tinyei kayanet ne kimuchi kisoob,

POISYONIGAP CHE KIYOKTOI 19:12

kot keipchi che miandos kitambaok ak angok che kiga kotiiny bortanyi, ak kiistogei mainwek eng’ bichoto, ak kimanda tamirmirik che yaachen eng’ ichek.

POISYONIGAP CHE KIYOKTOI 23:11

Ak eng’ kemout ne kiisubi noto kotonon Kiptaiyat eng’ ye negite inendet ak kolenji, Nyiganitu: amu ko u ye kiibaorianja eng’ Jerusalem, ko u noto kanyol ibaorian eng’ Rom agine.

ROMANIK 5:11

Ak ma u noto kityo, ago kiboiboi agachek eng’ Jehovah eng’ Kiptaiyandennyo Jesu Kristo, amu kigenyoru eng’ inendet katuiyet.

JAKOBO 2:18

Ago imuchi komwa chito kole, Itinye inye kayanet, atinye ane boisionik: iborua kayaneng’ung’ ne matinyei boisionik, si aborun boisionikyuk eng’ kayanet.