MATAYO 7:7 - BUKUIT NE TILIL

⁷ Osom, si kegonok; ocheng’, si onyoru; ogongony, si keyatwok:

Bukuit Ne Tilil

⁷ Osoom si kegoonok; ocheeng' si onyooru; ogonygony si keyatwok.

BUKUIT NE TILIIL Sireet ne Dutero Kanon

⁷ Osoom si kegoonok; ocheeng' si onyooru; ogonygony si keyatwok.

MATAYO 7:7 ပူးပေါင်းရင်းမြစ်များ

TAUNET 26:32

Ak eng’ betunoto anyun, kobwa otwogikab Isak, kobwa komwachi agobo keringetab beek ne kiga kobal, kolenji, Kagenyoru beek.

1 LAITORINIK 3:5

Kimong’ji Jehovah Solomon eng’ Gibeon eng’ karuotitoet kemoi: ak kile Kamuktaindet, Som kit ne imache agonin.

TIENWOGIKAL 10:17

Kiigas inye, Jehovah, magetab che taloen: Ichobe mugulelwekwak, igochini itiguk kogas;

TIENWOGIKAL 10:4

Len kiptengekyot eng’ menotennyi, Mamage kiy: Len eng’ kabwatutikyik tugul, Mami Kamuktaindet.

TIENWOGIKAL 119:12

Iberurot inye, ee Jehovah: Ineta ng’atutiguk.

TIENWOGIKAL 27:8

(Ye kiile,) Ocheng’ togennyu; kilenjin muguleldanyu, Ee Jehovah, acheng’e togeng’ung’.

TIENWOGIKAL 34:4

Kiacheng’ Jehovah ak kiwolwa, Ak kisorua eng’ kaiyweisiosiekyuk tugul.

TIENWOGIKAL 37:4

Baibaitune Jehovah; Ak kogonin somutikab muguleldang’ung’.

TIENWOGIKAL 50:15

Ak iguura eng’ betutab nyalilda; Asi asorun, ak iloswa.

TIENWOGIKAL 69:32

Kagogeer che taloen, ak kogasgei: Ingosopcho mugulelwekwok, okwek che ocheng’e Kamuktaindet.

TIENWOGIKAL 70:4

Ingoboiboitu ichek tugul che cheng’in, ak kogasgei eng’ inye; Ak ingomwa kotugul ichek che chamei yetuneng’ung’, Kole, Ingitoror Kamuktaindet.

TIENWOGIKAL 86:5

Amu i mie inye Kiptaiyat, ak i chobot inyochi kaat, Ak itinye chang’indab rirenetab ge eng’ ichek che kuurin.

KALEWANAIK 8:17

Achame che chama; Ak nyorua che cheng’a eng’ kagiiletab ge.

TYENDO NE SIIREI TUGUL 3:2

Kiale, Ang’eete nguno ak awendote nganaset, Eng’ ortinwek ak eng’ ortinwek che baraen, Acheng’e inendet ne chamei sobondanyu: Kiacheng’, ago ma anyoru.

ISAIAH 30:19

Amu menyei bik Sion eng’ Jerusalem: ma irire kogeny; iborun iman mieindo ye kas rireguk; ye kas kowolun.

JEREMIA 33:3

Kuura, si awolun, ak aborun tuguk che eechen, ak ko uuen, che mengen.

AMOS 5:4

Amu mwachin Jehovah gotab Israel ko u ni kole, Ocheng’a, si osopche:

MATAYO 18:19

Amwawok kogeny, ale, ngo chamnyechi aeng’u eng’ okwek eng’ ng’ony agobo kiy age tugul ne somei, koyachin Baba anyun ne mi kipsengwet.

MATAYO 21:22

Ak tuguk alak tugul che osome eng’ saet, oyani, otaache.

MATAYO 6:33

Ago ocheng’ korok bounatennyi, ak imandanyi; si keteswok tuguchu tugul.

MATAYO 7:11

Ngot ongen okwek anyun, che o yaach, ogochi lagokwok kagochinoik che miach, ko tos siirei mising’ ne tia Kwandang’wong’ ne mi kipsengwet, tos maigochin che somei inendet tuguk che miach?

MATAYO 7:8

amu age tugul ne somei, kigonin; ak ne cheng’ei, konyoru; ak inendet ne igongonyi, keyatyin.

MARIKO 11:24

Noto anyun amwawok ale, Tuguk alak tugul che osome eng’ saet, oyan ole kaotaach, ak onyoru.

LUKA 13:25

Ak ye tun kang’eet chitab kobo got, ak koger kurget, ak otau anyun otononse eng’ sang’, ak ogongony kurget, ole, Kiptaiyandani, yatwech; ak kowolwok inendet kole, Mangenok, ak ole obunu;

LUKA 18:1

Kimwachi anyun kalewenet kole, Kanyol kosa betusiek tugul, amat chorirenso;

JOHANA 15:16

Kima olewena, ago kialewenok, ak kiandeak, ale obe ak oii logoek, si kobiit kotebi logoekwok: si kobiit kogonok Kwanda kit age tugul ne osome eng’ kainennyu.

JOHANA 15:7

Ngot omenya, ak komenyok ng’alekyuk, osom anyun kiy age tugul ne omache, si keyaiywok.

JOHANA 4:10

Kowolji Jesu kolenji, Nda kengen konunetab Jehovah, ak inendet ne kalenjin, Inaga beek aee; ta kaisom inendet, ak ta kagogonin beekab sobon.

ROMANIK 2:7

igochin sobondab koigeny ichek che cheng’ei eng’ muitaet ak eng’ boisionik che miach, torornatet ak teegisto ak che ma ng’emaksei;

ROMANIK 3:11

Mami ne iguitos, Mami ne cheng’ei Jehovah;

HEBRANIK 11:6

ak ngo mami kayanet ko ma imugaksei kibaibai inendet: amu inendet ne rikyin Jehovah konyoljin koyan kole mi inendet, ak kole igochin melekto icheget che cheng’ei inendet.

JAKOBO 5:15

ak kosoob saetab kayanet inendet ne miani, ak kong’eet Kiptaiyat inendet; ak ngot ko kigoyai tengekwogik, kenyochi kaat.

1 JOHANA 3:22

ak kiy age tugul ne kisome, kenyoru eng’ inendet, amu kiribe ng’atutikyik, ak keyae tuguk che chamaksei eng’ tainnyi.