MATAYO 7:15 - BUKUIT NE TILIL

¹⁵ Oribege maotik che bo lembech, che bwanjinok eng’ ngoroik che bo kechirek, ago suik che amei bich.

Bukuit Ne Tilil

¹⁵ Oriibegei maotik che po lembech, che pwonjinok eng' ngoroik che po keechiirek nga suik che amei piich.

BUKUIT NE TILIIL Sireet ne Dutero Kanon

¹⁵ Oriibegei maotik che po lembech, che pwonjinok eng' ngoroik che po keechiirek nga suik che amei piich.

MATAYO 7:15 ပူးပေါင်းရင်းမြစ်များ

1 LAITORINIK 13:18

Ak kilenji inendet, A maotiot agane ko u inye; ak kang’alalwa malaikaiyat eng’ ng’olyotab Jehovah kole, Imutu inendet konyo gong’ung’, si koamis ak koee beek. Ago kimwachi lembech.

JEREMIA 29:21

Mwaei Jehovah ne bo lugosiek, Kamuktaindetab Israel, agobo Ahab weritab Kolaia, ak Sedekia weritab Maaseia, che maotenwok lembeita eng’ kainennyu, ko u ni kole: Ogeero, andoi ichek eutab Nebukadresar laitoriatab Babulon; ak kobar ichek eng’ taing’wong’;

JEREMIA 29:32

noto anyun, mwaei Jehovah ko u ni kole, Ogeero, abire Semaia Neelamindet, ak iyotennyi; masichei chi ne menyei koboto bichu, ama keerei mieindo ne ayachini bikyuk, mwaei Jehovah: amu kimwa ngelelnatet kongelelji Jehovah.

EZEKIEL 13:16

choto ko maotikab Israel che maoteni agobo Jerusalem, ak kogeerei ng’ang’utikab kalyet agobo nganasanato, ama mitei kalyet, mwaei Kiptaiyat Jehovah.

EZEKIEL 13:22

Amu kiogochi muguleldab chi ne bo iman koarogen eng’ lembechek, chito ne ma agochi koarogen; ak ogimit eunekab kiptengekyot, si maweek kometo orennyi ne ya, ak kesor kosob:

EZEKIEL 22:25

Mitei kwenunnyi chaamset ne bo maotikyik, ne u ng’etundo ne boriseni kobarisiei: kigobar sobonwek; ibei konoraik ak tuguk che bo kamanutiet ne o; kigotes mosogik eng’ kwenunnyi.

EZEKIEL 22:27

Kaigei bounikyik eng’ kwenunnyi suik che barisiei; si kotumda korotik, ak kong’em sobonwek, si kobiit konyor borotet ne ma bo iman.

DANIEL 11:34

Ye kagobutyo anyun, ketoreti eng’ toretet ne matia: ago namegei che chang’ ak ichek eng’ mwaikutnatet.

MIKAH 3:11

Iruochi kandoik amu tuguk che kigoigoisie ak inetisiei tisiik amu melekto, ak kong’orsei maotikyik amu siling’isiek: nganda u noto kotiiegei Jehovah ak kolen, Tos mami Jehovah kwenunnyo? Mami yaitiet ne nyonjinech.

SEKARIA 13:4

Ak tun ililandos maotik eng’ betunoto, ililani age tugul agobo ng’ang’utiennyi, ye kamaoten; ama kolaachi ngoriet ne sabul si kobiit koberber bik:

MATAYO 10:17

Ago oribege bik: amu imutyinok kapkiruoget, ak kobirenok kipcharitisiek eng’ sunagogisiekwak;

MATAYO 16:11

Lyon si monai ole mang’alalwok agobo makatinik? Ago oribege mermerek che bo Parisaik ak Sadukaik.

MATAYO 16:6

Ak kilenji Jesu, Oeb it, oribege mermerek che bo Parisaik, ak Sadukaik.

MATAYO 24:11

Ak tun ng’eetos maotik che chang’ che bo lembech, ak kobeet che chang’.

MATAYO 7:14

Amu marich kurget, ak ko bichii oret, ne wendi sobondo, ak ng’ering’ che nyoru.

LUKA 12:15

Ak kilenji ichek, Ogeer, ak oripge eng’ kasetab miat tugul: amu matebyei sobondab chi eng’ chang’indab tuguk che tinyei.

LUKA 6:26

Bwa okwek, ye mwaei bik tugul che miach agobo okwek! Amu kigoyachi ko u noto kwanisiekwak maotik che bo lembech.

JOHANA 10:12

Ago inendet ne otwogin, ne ma mestowot, ne ma chitab kobo kechirek, kogeerei konyonei suiyot, ak kobagakta kechirek, ak komwei, ak konam anyun suiyot ichek, ak koiyesta:

POISYONIGAP CHE KIYOKTOI 13:40

Oripge anyun, si manyonjok ne kigimwa eng’ maotik; kele,

POISYONIGAP CHE KIYOKTOI 13:6

Ak kingo kagobun emet komugul ne kiikwen beek agoi koit Papos, konyorji oloto bonin, maotio ne bo lembech, ne Yahudiot, ne kigiguure Bar-Jesu;

GALATYEK 2:4

amu tupchosiek che bo lembech che kigimut kobwa orit eng’ ung’ot, che kimong’ eng’ ung’ot kosegei katiagennyo ne kitinye eng’ Kristo Jesu, si kobiit kondeech otwoknatet:

EPESOEK 4:14

si mata keegu lagok, che kitoortoi koba komosi ak komosi ak kiiboti eng’ usonet age tugul ne bo konetisiet, eng’ ng’alsetab bik, eng’ ng’omkong’natet, eng’ kaberberisiosiekab lelutiet;

EPESOEK 5:6

Amat koberberak chi eng’ ng’alek che manamegei ak kiy: amu nyonjin nereknatet ne bo Jehovah werikab ngelelnatet amu tuguchuto.

PILIPIK 3:2

Oribege sesenik, oribege yaikab yaitio, oribege ichek che tilegei:

KOLOSAIK 2:8

Oripge si maluulok chi age eng’ ng’omnatennyi ak kaberberisiet ne bo buch, eng’ bitonwekab bik, eng’ konetisiosiek che bo tai che bo ng’ony, ak ma eng’ Kristo:

2 TIMOTEO 3:13

Ago tesoksei kiptengeginik ak kenik eng’ yaitiet, koberberisiei ak kiberberi.

2 TIMOTEO 4:3

Amu nyonei betut ne ma tun epchin it agot kitigin konetisiet ne bo imanit; ago, tinyei itik che iututos, iyumjingei konetik che isubi magutikwak;

2 PETERO 3:17

Ko okwek anyun, chamanichu, amu kaosib onai tuguchuto, oripge, si maichuutok kachiliiletab bistoik, ak obutye eng’ tononeng’wong’.

1 JOHANA 4:1

Chamanichu, amoyan tamirmiriet age tugul, ago otiem tamirmirik, ngo bo Jehovah: amu kigomong’ji ng’ony maotik che chang’ che bo lembech.

JUDA 1:4

Amu mi bik alak che kichut orit eng’ ung’ot, ichek che kigichopchi kiruogoni koboch keny, bik che maiywei Jehovah, che walei mieindab Jehovah nenyo koek maget ne ya, ak koesioi Laitoriandennyo, ne inegei, ak ko Kiptaiyandennyo Jesu Kristo.

NG'ANG'UTYET 16:13

Ak kiageer tamirmirik somok che muruonen che u mororochik, komong’une kutitab maswetit, ak eng’ kutitab tiondo, ak eng’ kutitab maotiot ne bo lembech:

NG'ANG'UTYET 17:6

Ak kiageer kwonyoto ko kagobogit eng’ korotikab bik che tililen, ak eng’ korotikab baorinikab Jesu. Ak ye kingageer inendet, akwong’ eng’ kwong’et ne o.

NG'ANG'UTYET 19:20

Ak kiginam tiondo, koboto maotiondonoto ki bo lembech ne kiyaei kaborunoik eng’ tainnyi, ne kiiberberi che kiga kinde berutietab tiondo, ak ichek che kiilosu kanamwennyi: kigiwirji choto tuwai kosoptos araraita ne bo mat ne lalei eng’ koik che laldos:

NG'ANG'UTYET 20:10

Ak kigiwirji oindet ne kiiberber ichek araraitab mat ak koik che laldos, ole mitei agichek tiondo ak maotiot ne bo lembech; ak kinyalili bet ak kemoi agoi koigeny ak koigeny.