MATAYO 7:14 - BUKUIT NE TILIL

¹⁴ Amu marich kurget, ak ko bichii oret, ne wendi sobondo, ak ng’ering’ che nyoru.

Bukuit Ne Tilil

¹⁴ Mariich kurgeet ak ko pichiy ooreet ne wendi saboon ak ng'ering' che nyooru.

BUKUIT NE TILIIL Sireet ne Dutero Kanon

¹⁴ Mariich kurgeet ak ko pichiy ooreet ne wendi saboon ak ng'ering' che nyooru.

MATAYO 7:14 ပူးပေါင်းရင်းမြစ်များ

TIENWOGIKAL 16:11

Iborua oretab sobondo: Mi kagasetab ge taing’ung’ ne nyiitat; Mi eung’ung’ ne bo tai che kechamei agoi koigeny.

KALEWANAIK 8:20

Awendote oretab imanda, Eng’ kwenutab ortinwekab kiruoget:

ISAIAH 30:21

Ak igas ng’olyot ne mi let eng’ inye, ne mwaei kole, Oret ni, oba orani; ye komaste obe eutab tai, ak ye komaste obe eutab katam.

ISAIAH 35:8

Ak kobiit oret ne o eng’ oloto, ak oret, ak kiguure oranato Oretab Tililindo; mabunei oranato che muruonen ago bunjin bichoto; ama betos eng’ oranato kiprutoinik, agot ngo berber.

ISAIAH 57:14

Ak mwaei inendet kole, Oyai, oyai, ochob oret, oiste kanagutiet eng’ oretab bikyuk.

JEREMIA 6:16

Mwaei Jehovah ko u ni kole, Otononie eng’ ortinwek ak ogeer, ak oteeb ortinwek che bo keny, ole mi oret ne mie, ak obendate noto, si osich kamuung’et eng’ sobonwekwok: ago kile, Magibendote ortinwechoto.

MATAYO 20:16

Egu anyun che bo let che bo tai, ak egu che bo tai che bo let.

MATAYO 22:14

Amu kiguurei che chang’, ago kileweni che ng’ering’.

MATAYO 7:13

Obun okwek kurget ne mariich: amu kurget ne baraa, ak oret ne tebees, noto ne wendi ng’emisiet, ak chang’ che bunei noto kot koit oloto.

MATAYO 7:15

Oribege maotik che bo lembech, che bwanjinok eng’ ngoroik che bo kechirek, ago suik che amei bich.

MARIKO 8:34

Kiguur anyun tuiyet koboto alamalyennyi kobwa ole mi inendet, ak kolenji ichek, Ngo machei chi age tugul kosubwa, koesiogei, ak kosut kimurtoiyondennyi, ak kosubwa.

LUKA 12:32

Amoiywei, okwek akwet ne ming’in; amu baibai Kwandang’wong’ kogonok bounatet.

JOHANA 16:2

Onok eng’ sunagogisiek: ee, nyonei sait, ne ibwati chi tugul ne barok kole, Ayachini Jehovah boisiet.

JOHANA 16:33

Kaamwawok tuguchu, si kobiit onyorunena kalyet. Otinye nyalilda eng’ ng’ony: ago onyiganitu; amu kaaterter ng’ony.

POISYONIGAP CHE KIYOKTOI 14:22

kogimitoti sobonwekab alamalyet, kogiili koba tai eng’ kayanet, ak kolenji, kanyol keit bounatetab Jehovah eng’ nyalilwogik che chang’.

ROMANIK 12:2

Amoyaniege ateptab betusiechu: ago ingewalak eng’ kaleelitetab kabwatutikwok, si kobiit onai komie maget ne mie, ne tachaksei ak kogesunotgei, ne bo Jehovah.

ROMANIK 9:32

Amu nee? Amu kima cheng’ eng’ kayanet, ago ko u eng’ boisionik. Kiriich ichek koita ne riichei bich;