MATAYO 6:9 - BUKUIT NE TILIL

⁹ Noto anyun osa ko u ni: Kwandanyo ne mi kipsengwet, Ingotililit kaineng’ung’.

Bukuit Ne Tilil

⁹ Nooto anyun osaa ko uu ni: “Kwandanyo ne mi kipsengwet; Ingoloosunok kaineng'ung'.

BUKUIT NE TILIIL Sireet ne Dutero Kanon

⁹ Nooto anyun osaa ko uu ni: “Kwandanyo ne mi kipsengwet; Ingoloosunok kaineng'ung'.

MATAYO 6:9 ပူးပေါင်းရင်းမြစ်များ

2 SAMUEL 7:26

Ak ingitoror kaineng’ung’ koigeny, kele, Jehovah ne bo lugosiek ko Kamuktaindet ne bou Israel: ak kigimiti koigeny gotab otwogindeng’ung’ Daudi eng’ taing’ung’.

1 LAITORINIK 8:43

igas eng’ kipsengwet oldang’ung’ ole imenye, ak iyai ko u tuguk tugul che kaguurjin chichoto bo bororiosiek; si kobiit konai kaineng’ung’ bik tugul che bo ng’ony, koiywein, ko u ye iywein biguk Israel, ak si kobiit konai kole goi kiateech kemwaitoe kaineng’ung’.

1 ATEPTAP PEETUUSYEK 17:24

Ak ingogimit kaineng’ung’, ak kotororit koigeny, kele, Jehovah ne bo lugosiek ko Kamuktaindetab Israel, inendet Kamuktaindet eng’ Israel: ak kigimiti gotab Daudi otwogindeng’ung’ eng’ taing’ung’.

2 ATEPTAP PEETUUSYEK 20:6

ak kile, Ee Jehovah, Kamuktaindetab kwanisiekyok, tos ma i Kamuktaindet eng’ kipsengwet? Ak tos ma i bounindet ne bou bounatosiek tugul che bo bororiosiek? Ak mi eung’ung’ kimnatet ak kamuktaet, ne mami ne imuchi kogirinden.

NEEMIA 9:5

Yeityo komwa Lawik, Jesua, Kadmiel, Bani, Hasabeneia, Serebia, Hodia, Sebania, ak Petaia, kole, Otononie ak olosu Jehovah Kamuktaindeng’wong’ koboch koigeny agoi koigeny. Ingoberurok kaineng’ung’ ne bo torornatet, ne itororot kosiir kaberuret tugul ak kalosunet.

TIENWOGIKAL 111:9

Kigoyokyi bikyik katiaget; Kigong’at kayomisennyi kobunji koigeny: Tilil kainennyi ne kiywei.

TIENWOGIKAL 115:3

Ago mitei Kamuktaindennyo kipsengwetisiek: Kigoyai inendet kiy age tugul ne kimachei.

TIENWOGIKAL 72:18

Iberurot Jehovah Kamuktaindet, Kamuktaindetab Israel, Ne inegei ne yaei tuguk che bo kwong’et:

ISAIAH 37:20

Ara anyun, ee Jehovah Kamuktaindennyo, soruech eng’ eunnyi, si konai bounatosiek tugul che bo ng’ony kole i Jehovah, inye inyege.

ISAIAH 57:15

Amu mwaei ko u ni Inendet ne mi barak ak ko toror ne menyei koigeny, ne Tilil kainennyi, kole, Amenye ole toror, ak ko tilil, koboto inendet agine ne kigonyeratgei eng’ tamirmiriet, ak koming’ingei, si kobiit kisoob tamirmirietab ne iming’inegei, ak kisoob mugulelwekab che inyeratigei.

ISAIAH 6:3

Ak kitwekyi age age kolenji, Tilil, tilil, tilil, Jehovah ne bo lugosiek: nyiitat ng’ony komugul torornatennyi.

ISAIAH 63:16

Amu i kwandanyo, agot ngo maingenech Abraham, ama naech Israel; ee, Jehovah, inye ko i kwandanyo; kaineng’ung’ ko katiagindennyo koboch keny.

ISAIAH 64:8

Ara anyun, ee Jehovah, i kwandanyo; ki menet, ak ko i mimiindennyo; ak ki boisionikab euneguk achek tugul.

ISAIAH 66:1

Mwaei Jehovah ko u ni kole, Kipsengwet ko ng’echerennyu ne bo laitornatet, ak ng’ony ko ng’echeretab kelyekyuk: oteekwa got ne u nee? Ak komosta ano ole amuung’e?

EZEKIEL 36:23

Ak ataban kainennyu ne o ne kigimuruon eng’ kwenunywa; si konai bororiosiek kole a Jehovah, mwaei Kiptaiyat Jehovah, ye aegu ne kitabanat eng’ okwek eng’ tainywa.

EZEKIEL 38:23

Ak atororge, ak atabange, ak abartege eng’ taitab bororiosiek che chang’; si konai ichek kole a Jehovah.

ATEPTAP LAWIK 10:3

Kilenji Musa anyun Aron, Ni kit ne kimwa Jehovah, kole, Aegu ne tilil eng’ ichek che rikyina, ak anyoru torornatet eng’ taitab bik tugul. Ak kisis Aron.

HABAKUK 2:14

Amu nyiiei ng’ony naetab torornatetab Jehovah, ko u ye nyiiei beek nyanjet.

SEKARIA 14:9

Ak koek Jehovah laitoriatab ng’ony komugul: egu agenge Jehovah eng’ betunoto, ak koek agenge kainennyi.

MALAKI 1:11

Amu o kainennyu eng’ Bororiosiek koboch ole chorune asis agoi ole roroktoe; ak kigoitoi eng’ komosta age tugul nyamdutik che kibeelei agobo kainennyu, koboto kagochinet ne tilil: amu o kainennyu, eng’ Bororiosiek, mwaei Jehovah ne bo lugosiek.

MATAYO 10:29

Magialdae taritik aeng’ che mengechen kebebertab taman ne bo denarit? Amaibutyin ng’ony agenge eng’ ichek ama chamji Kwandang’wong’:

MATAYO 23:9

Amoguure chi eng’ ng’ony, baba: amu agenge Kwandang’wong’, inendet ne mi kipsengwet.

MATAYO 26:29

Ago amwawok ale, koboch nguno ko ma aee che bo logoechu bo sabibuk, agoi betunoto ne aee che leelach kobotok eng’ bounatetab Baba.

MATAYO 26:42

Kiwa kogeny ne bo aeng’, ak kisa, kole, Ee Baba, ngo ma chamdaat kosiirtoena kikombani, ama aee, ingoyaak anyun mageng’ung’.

MATAYO 5:16

Ongoluu lapkeiyeng’wong’ ko u noto eng’ taitab bik, si komuch kogeer boisionikwok che miach, si kolos Kwandang’wong’ ne mi kipsengwet.

MATAYO 5:48

Noto anyun, oegu okwek che igesunotgei ko u ye igesunotgei Kwandang’wong’ ne bo kipsengwet.

MATAYO 6:14

Amu ngonyochini kaat bik kachiliilutikwak, konyoiywok kaat agine Kwandang’wong’ ne bo kipsengwet.

MATAYO 6:6

Ago inye, ye imache isa, iwe gong’ung’ orit, ak ye kaiger kurgeng’ung’, isa Kwandang’ung’ ne mi eng’ ung’ot, ak kogonin melekto Kwandang’ung’ ne keerei eng’ ung’ot.

MATAYO 7:11

Ngot ongen okwek anyun, che o yaach, ogochi lagokwok kagochinoik che miach, ko tos siirei mising’ ne tia Kwandang’wong’ ne mi kipsengwet, tos maigochin che somei inendet tuguk che miach?

LUKA 15:18

Ang’eete ak awe oldab baba, alenji, Baba, kiachalwogenji kipsengwet ak kiachalwogen eng’ taing’ung’:

LUKA 15:21

Ak kilenji werit, Baba, kiachalwogenji kipsengwet, ak kiachalwogen eng’ taing’ung’: ma ko nyoljina kota keguurena wering’ung’.

LUKA 2:14

Bo teegisto Jehovah, eng’ ole toror mising’, Ak kalyet eng’ ng’ony eng’ bik che chamotin eng’ inendet.

JOHANA 20:17

Kolenji Jesu, Ametwaa; amu tom atogosyi oldab Kwanda: ago ui ole mi tupchosiekyuk, ak ilenji, Atogosyini oldab Baba, ago Baba neng’wong’, Jehovah nenyu, ago Jehovah neng’wong’.

ROMANIK 1:7

eng’ okwek tugul che omite Rom, chamanikab Jehovah, che kigiguur koek che tililen: Ingoteb kobotok mieindo ak kalyet ne bunu Jehovah Kwandanyo ak Kiptaiyat Jesu Kristo.

ROMANIK 8:15

Amu kima otaach kogeny tamirmirietab otwoknot ne konok oiyweisie; ago kiotaach tamirmiriet ne kigiyaenak oegu lagok, eng’ noto anyun kerire kele, Aba, Kwanda.

GALATYEK 1:1

Paulo, ne kiyoktoi (ma ne bo bik, ama kiyok eng’ chi, ago eng’ Jesu Kristo, ak Jehovah Kwanda, ne kiing’eet inendet komong’ eng’ che kibek),

GALATYEK 4:6

Ak amu o werik, ko kiiyokyi Jehovah Tamirmirietab Werinnyi mugulelwekyok, ne rirei, kole, Aba, Kwanda.

1 TIMOTEO 6:16

ne tinyei inegei sobondab koigeny, ne menyei eng’ lapkeiyet ne magimuchi kerikyi; ne tomo kogeer chi, ama imuchi kogeer: ingobunji inendet teegisto ak kamuktaet koigeny. Amen

1 PETERO 1:17

Ak ngot oguure inendet olen Kwanda, ne iruochi ko u ole teptoi boisietab chi age tugul, ama eng’ tiytiet, obendoti eng’ kaiyweisiet eng’ betusiekwok che omi ko o toek:

NG'ANG'UTYET 4:11

Nyoljinin, Kiptaiyandennyo ak ko Jehovah nenyo, itaach torornatet ak teegisto ak kamuktaet: amu kiitau iyae tuguk tugul, ak kibiit amu mageng’ung’, ak kigiyai.

NG'ANG'UTYET 5:12

komwaei eng’ kutit ne o kole, Nyoljin Aruet ne kigibar konyor kimnatet, ak magornatosiek ak ng’omnatet, ak kamuktaet, ak teegisto, ak torornatet, ak kaberuret.