MATAYO 6:12 - BUKUIT NE TILIL

¹² Ak inyoiywech kaat lelutikyok, ko u ye kinyochini kaat che lelwech.

Bukuit Ne Tilil

¹² Ak inyoiywech kaat lelutikyok, ko uu ye kinyochini kaat che lelweech.

BUKUIT NE TILIIL Sireet ne Dutero Kanon

¹² Ak inyoiywech kaat lelutikyok, ko uu ye kinyochini kaat che lelweech.

MATAYO 6:12 ပူးပေါင်းရင်းမြစ်များ

1 LAITORINIK 8:30

Ak igas sometab otwogindeng’ung’, ak biguk Israel, ye saei kotokyingei yuto: ee, kas anyun eng’ kipsengwet oldang’ung’ ole imenye; ak ye igas, inyochi kaat.

1 LAITORINIK 8:34

igas anyun eng’ kipsengwet, ak inyochi kaat biguk Israel eng’ tengektanywa, ak imutu ichek kogeny kobwa emet ne kiigochi kwanisiekwak.

1 LAITORINIK 8:39

igas anyun eng’ kipsengwet oldang’ung’ ole imenye, ak inyochi kaat, ak iyai, ak iyaakyi chi age tugul ko u ortinwekyik tugul, ne inege muguleldanyi: (amu inye inyege ne ingen mugulelwekab werikab bik;)

1 LAITORINIK 8:50

ak inyochi kaat biguk che kigoyaun tengekto, ak bistaosiekwak tugul che kigobistaenen; ak irire ichek eng’ taitab bik che kiimut ichek koluul:

TIENWOGIKAL 130:4

Ago mitei nyoetab kaat eng’ inye, Si kobiit kiywein.

TIENWOGIKAL 32:1

Igasatgei ne kigenyochi kaat bistoennyi, ne kigetuch chalwoktanyi.

KOMONG'U 34:7

ne italachingei elfusiek, ne nyochin kaat bik tengekto ak bistoet ak chalwokto: ne mabagaktoi kiptengekyot age tugul; igeerjin lagok tengektab kwanisiekwak, ak eng’ lagokab lagokwak, agoi ibindab somok ak ne bo ang’wan.

ISAIAH 1:18

Obwa anyun, keng’alal, mwaei Jehovah: agot ngo biriren tengekwogikwok, koleelagitu ko u teluchi; agot ngo biriren mising’, koigeitu kororikab kechirek.

DANIEL 9:19

Ee Kiptaiyat, kas; ee Kiptaiyat, nyochi kaat; ee Kiptaiyat, kas ak iyai; amegage; agobo kaineng’ung’, ee Kamuktaindennyu, amu kimwaitoe kaineng’ung’ nganaseng’ung’ ak biguk.

MATAYO 26:28

amu chuto korotikyuk che bo arorutiet, che kitumdoi agobo che chang’ che bo nyoetab kaat ne bo tengekwogik.

MATAYO 9:2

Ak ogeero, kigimutyi inendet chito ne miani, ne meat borto, korue itogut: ak ye kigeer Jesu kayanenywa, kolenji ne meat borto, Weri, nyiganitu; kagenyoun kaat tengekwogiguk.

MARIKO 11:25

Ak ngoting’e chi ng’olyo, ko ye otonon osae, onyochi kaat, si konyoiywok kaat lelutikwok Kwandang’wong’ agine ne mi kipsengwet.

LUKA 11:4

Ak inyoiywech kaat tengekwogikyok; amu achek kenyochini kaat besenikyok. Amemutech ole mi yomset.

LUKA 13:4

Anan choto taman ak sisiit, che kisieb got ne koi ne bo Siloam, ak kobar, tos olen ki kiptengeginik kosiir bik tugul che kimenyei Jerusalem?

LUKA 6:37

Amoruokyi, si tun koma kiruokwok: amogikyi, si tun koma kigikyok: otiach, si tun kitiachak:

POISYONIGAP CHE KIYOKTOI 13:38

Ingonaak anyun eng’ okwek, che kitupche, kele, kimwawok eng’ chichi nyoetab kaat ne bo tengekwogik:

EPESOEK 1:7

ne kitinye eng’ inendet katiagennyo eng’ korotikyik, nyoetab kaat ne bo chalwogikyok, ko u magornatosiekab mieindanyi,

EPESOEK 4:32

ak otebi eng’ talasiet okwege eng’ okwege, orirege, ak onyochinige kaat, ko u ye kinyoiywok kaat Jehovah agine eng’ Kristo.

KOLOSAIK 3:13

omuitochinige, ak onyochinige kaat okwege, ngo tinyei chi age tugul ng’olyo eng’ age: agot ko u ye kinyoiywok kaat Kiptaiyat, oyai ko u noto ak okwek: