MATAYO 6:10 - BUKUIT NE TILIL

¹⁰ Ingonyo bounateng’ung’. Ingoyaak eng’ ng’ony mageng’ung’, ko u ye kiyaei eng’ kipsengwet.

Bukuit Ne Tilil

¹⁰ Ingonyo laitornateng'ung'. Ingoyaak mageng'ung' eng' ng'wony ko uu ye yaaksei eng' kipsengwet.

BUKUIT NE TILIIL Sireet ne Dutero Kanon

¹⁰ Ingonyo laitornateng'ung'. Ingoyaak mageng'ung' eng' ng'wony ko uu ye yaaksei eng' kipsengwet.

MATAYO 6:10 ပူးပေါင်းရင်းမြစ်များ

NEEMIA 9:6

I Jehovah, inye inyege; kiiyai kipsengwet, kipsengwet ne bo kipsengwetisiek, koboto tugukwak tugul, ak ng’ony ak tuguk tugul che mi oloto, nyanjosiek ak tuguk tugul che mitei, ak iribe tuguchoto tugul; ak kolosun luget tugul ne bo kipsengwet.

TIENWOGIKAL 2:6

Ago kande laitoriandennyu Tulwennyu ne tilil ne bo Sion.

TIENWOGIKAL 40:8

Abaibai ayai mageng’ung’, ee Kamuktaindennyu; Ee, mitei ng’atutieng’ung’ muguleldanyu.

ISAIAH 2:2

Kimitu eng’ betusiek che bo let, tulwetab gotab Jehovah eng’ tulonok barak, ak kitorori kosiir tulonok che mengechen; ak tun itendenjin oloto bororiosiek tugul.

JEREMIA 23:5

Ogeero, bwanei betusiek, mwaei Jehovah, che ang’eetyini Daudi Temet ne bo iman, ak kolaitoran ko laitoriat, ak kobois eng’ ng’omnatet, ak koyai kiruoget ak imanda eng’ emet.

DANIEL 2:44

Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

DANIEL 4:35

ak kiiti bik tugul che menyei ng’ony kele buch: ak koyachin lugetab kipsengwet ko u ye machei, koboto bik che menyei ng’ony: ama mi chi ne imuchi kogirinda eunnyi, anan kolenji, Iyae nee?

DANIEL 7:13

Kiageer eng’ ng’ang’utikab kemoi, ogeero, kinyo eng’ bolikab kipsengwet, age ne kergei ak weritab chi, ak kinyo ole mi inendet ne bo keny, ak kigimut inendet korik taitab inendet ne bo keny.

DANIEL 7:27

Ak tun kigochin bikab bik che tililen che bo Inendet ne Toror Mising’, laitornatet ak bounatet, ak oindab laitornatosiek che mi kureretab kipsengwet komugul: laitornatennyi ko laitornatet ne bo koigeny, ak tun otei inendet bounatosiek tugul, ak kogase it.

SEKARIA 9:9

Baibaitu mising’, ee cheptab Sion; waach, ee cheptab Jerusalem: keero, nyonjinin laitoriandeng’ung’: bo iman inendet, ak kotinyei yetunet; iming’inegei, ak kolong’onu sigiriet, moitab sigiriet ne kirgit.

MATAYO 12:50

Amu age tugul ne yaei magetab Baba ne mi kipsengwet, noto werit ne kitupche ak chepto ne kitupche, ak kamennyu.

MATAYO 16:28

Amwawok, iman, ale, Mi alak eng’ che tonondos eng’ yu, che machamjami meet matiny, kot kogeer konyonei Weritab chi eng’ bounatennyi.

MATAYO 26:42

Kiwa kogeny ne bo aeng’, ak kisa, kole, Ee Baba, ngo ma chamdaat kosiirtoena kikombani, ama aee, ingoyaak anyun mageng’ung’.

MATAYO 3:2

kolen, Osigu; amu kagorik bounatetab kipsengwet.

MATAYO 4:17

Koboch yoto kotoi Jesu koamda, ak kole, Osigu; amu kagorik bounatetab kipsengwet.

MATAYO 7:21

Maitei age tugul bounatetab kipsengwet ne lenjina, Kiptaiyandani, Kiptaiyandani; ago inendet ne yaei magetab Baba ne mi kipsengwet.

MARIKO 11:10

Iberurot laitornatet ne nyonei, ne bo kwandanyo Daudi: Hosanna eng’ ole toror mising’.

MARIKO 3:35

Amu chi age tugul ne yaei magetab Jehovah, noto werit ne kitupche, ak chepto ne kitupche, ak kamennyu.

LUKA 19:11

Ak ye kingota kogasei ichek tuguchu, kotes komwa kalewenet, amu ki negit Jerusalem, ak kiibwati icheget kolen toogu bounatetab Jehovah ngunoto.

LUKA 19:38

kolen, Iberurot Laitoriat ne nyonei eng’ kainetab Kiptaiyat: kalyet eng’ kipsengwet, ak lilindo eng’ ole toror mising’.

LUKA 22:42

kole, Baba, ngicham, iistoena kikombani: ago ma ko u magennyu, ago ingoyaak ko u mageng’ung’.

JOHANA 4:34

Kolenji Jesu, Amitwogikyuk ko ayai magetab inendet ne kiiyokwa, ak agesu boisiennyi.

JOHANA 6:40

Amu ni magetab Baba, ale chi age tugul ne keerei Werit, ak koyan inendet, konyoru sobondab koigeny; ak ang’eeti inendet eng’ betutab let.

JOHANA 7:17

Ngo machei chi age tugul koyai magetab Jehovah, konai konetisioni, ngo bo Jehovah, anan ngamwae anege.

POISYONIGAP CHE KIYOKTOI 13:22

Ak kingo kagoisto inendet, kong’eetyi Daudi koek laitoriandenywa; ne kibaorianji agine kole, Kaanyoru Daudi weritab Jesii, chito ne iboiboi muguleldanyu, ne tun yaei magutikyuk tugul.

POISYONIGAP CHE KIYOKTOI 21:14

Ak ye kimata kocham ko u noto, kesisye, kemwa kele, Ingoyaak magetab Kiptaiyat.

POISYONIGAP CHE KIYOKTOI 22:14

Ak kile, Kigolewenin Jehovah ne bo kwanisiekyok si kobiit inai magennyi, ak igeer Inendet ne bo Imanda, ak igas ng’olyot ne bunu kutinnyi.

ROMANIK 12:2

Amoyaniege ateptab betusiechu: ago ingewalak eng’ kaleelitetab kabwatutikwok, si kobiit onai komie maget ne mie, ne tachaksei ak kogesunotgei, ne bo Jehovah.

EPESOEK 6:6

ama eng’ otwognatet ne kigeerei, ko u che iboiboi bik; ago ko u otwogikab Kristo, oyae magetab Jehovah eng’ muguleldo;

KOLOSAIK 1:13

ne kisoruech kemong’une kimnatetab mesundeito, ak kouutech kebe bounatetab Werit ne bo chamnyennyi;

KOLOSAIK 1:9

Amu nito anyun, ko magimete kesa ak kesom agobo okwek koboch betut ne kingegas, kele konyiiak naetab magennyi eng’ ng’omnatet tugul ne bo tamirmiriet ak kaguiyet,

1 THESSALONIKEK 4:3

Amu nito magetab Jehovah, noto katabaneng’wong’, si kobiit oistoege sokset.

1 THESSALONIKEK 5:18

omwae kongoi eng’ tuguk tugul: amu nito magetab Jehovah eng’ Kristo Jesu eng’ okwek.

HEBRANIK 1:14

Tos choto tugul ko ma tamirmirik che boisiei, che kiyoktoi kobois agobo ichek che tun nyoru yetunet?

HEBRANIK 10:36

Amu nyolu otinye muitaet, si ye kaoyai magetab Jehovah, omuch otaach arorutiet.

HEBRANIK 10:7

Amwa anyun ale, Keero, kaanyo (Kigisir agobo ane eng’ bukuit ne kigimaman) Ayai mageng’ung’, ee Jehovah.

HEBRANIK 13:21

oegu che o chobotin eng’ boisiet age tugul ne mie si oyai magennyi, koyai eng’ ichek che chamaksei mising’ eng’ tainnyi, eng’ Jesu Kristo; ne nenyi torornatet koigeny ak koigeny. Amen.

1 PETERO 2:15

Amu u noto magetab Jehovah, ale oger eng’ yautik che miach abusnatetab bik che berberen:

1 PETERO 4:2

si ko mata osopche eng’ borto eng’ betusiekwok che ng’etunotin eng’ magutik che yaach che bo bik, ago si osopche eng’ magetab Jehovah.

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 12:10

Ak kiagas kutit ne o eng’ kipsengwet, kole, Kagonyo nguno yetunet, ak kamuktaet, ak bounatetab Jehovah nenyo, ak kimnatetab Kristo nenyi: amu kagetururto kataamindetab che kitupche kwo ng’ony, ne itaami ichek eng’ taitab Jehovah nenyo bet ak kemoi.

NG'ANG'UTYET 19:6

Ak kiagas kit ne u kutitab tuiyet ne o, ak ko u cheetab beek che chang’, ak ko u cheetab tulosiek che kimen, kole, Haleluya: amu laitorani Kiptaiyat Jehovah nenyo, Kamuktaindet.

NG'ANG'UTYET 20:4

Ak kiageer ng’echerokab laitornatet, ak kitebe ichek, ak kigigochi ichek koruoch: ak kiageer sobonwekab ichek che kigitil metowek amu baornatetab Jesu, ak agobo ng’olyotab Jehovah, ak ichek che kima kolosu tiondo, anan kanamwennyi, ak che kimanyor berutiet eng’ togochikwak anan eng’ eunekwak; ak kisopcho ak kolaitoran koboto Kristo kenyisiek elfut.