MATAYO 6:1 - BUKUIT NE TILIL

¹ Oripge si moyai imandang’wong’ eng’ taitab bik, si kogeerok ichek; ngoyai ko u noto ko monyoru melekto eng’ Kwandang’wong’ ne mi kipsengwet.

Bukuit Ne Tilil

¹ Oriipkei si moyai imandang'wong' eng' taitap piik ole si kogeerok icheek; amu ngo yai ko uu nooto ko monyooru melekto kobun Kwandang'wong' ne mi kipsengwet.

BUKUIT NE TILIIL Sireet ne Dutero Kanon

¹ Oriipkei si moyai imandang'wong' eng' taitap piik ole si kogeerok icheek; amu ngo yai ko uu nooto ko monyooru melekto kobun Kwandang'wong' ne mi kipsengwet.

MATAYO 6:1 ပူးပေါင်းရင်းမြစ်များ

2 LAITORINIK 10:16

Ak kimwa kole, Ngebe tuwai, igeer kagiilennyu ne bo ge agobo Jehovah. Kogochi anyun kobun karinnyi.

2 LAITORINIK 10:31

Ago ma mage kiy Jeu kowendote ng’atutikab Jehovah, Kamuktaindetab Israel, eng’ muguleldanyi tugul: ma istoegei tengekwogikab Jeroboam, che kiibeete Israel si koyai tengekto.

TIENWOGIKAL 112:9

Kigoseerseer, kigogochi che matinyei kiy; Tebyei imandanyi koigeny: Kitorori kuinennyi eng’ teegisto.

EZEKIEL 33:31

Ak kobwanjin ko u ye bwanei bik, ak koteb ng’ony eng’ taing’ung’ ko u bikyuk, ak kogas ichek ng’aleguk, ago mayaei: amu ibortoi chamnyet ne o eng’ ng’alekwak, ago isubi mugulelwekwak kelunenywa.

DANIEL 4:27

Noto anyun, ee laitoriandani, ingochamak kiruogennyu eng’ inye, ak itabanege tengekwogiguk, ye iyae imanda, ak itabanege yaitwogiguk ye irire kibananok; si kotesak kalyeng’ung’.

SEKARIA 13:4

Ak tun ililandos maotik eng’ betunoto, ililani age tugul agobo ng’ang’utiennyi, ye kamaoten; ama kolaachi ngoriet ne sabul si kobiit koberber bik:

SEKARIA 7:5

Ng’alalji bik tugul che bo emet, ak tisiik, ilenji, Ye kigorugutge ak oririe eng’ arawetab mut ak ne bo tisab, eng’ kenyisiechoto tamanwogik tisab, ko tos kiorugutge agobo ane, anendet?

MATAYO 16:27

Amu tun nyonei Weritab chi eng’ lilindab Kwandanyi koboto malaikaisiekyik; ak koyaakyi anyun chi age tugul ko u boisionikyik.

MATAYO 16:6

Ak kilenji Jesu, Oeb it, oribege mermerek che bo Parisaik, ak Sadukaik.

MATAYO 23:13

Ago bwa okwek, sirik ak Parisaik, chombilik! Amu ogere bik bounatetab kipsengwet: amu moite okweget oloto, amochamjini che machei koit oloto, koba.

MATAYO 23:5

Ago yaei boisionikwak tugul si kogeer bik: amu yaei kotebeesitu lolotinwekab sirutik; ak kobaroi tabanwekab ngoroikwak,

MATAYO 25:40

Ak kowolji Laitoriat kolenji, Amwawok, iman, ale, Ko u ye kioyachi agenge eng’ tupchosiechuchuk, agot che mengechen eng’ tugul, ko kioyaiywa.

MATAYO 5:16

Ongoluu lapkeiyeng’wong’ ko u noto eng’ taitab bik, si komuch kogeer boisionikwok che miach, si kolos Kwandang’wong’ ne mi kipsengwet.

MATAYO 5:46

Amu ngot ochame ichek che chamok, ko nee melekto ne otinye? Mayaei ko u noto agot taagikab aisurut?

MATAYO 5:48

Noto anyun, oegu okwek che igesunotgei ko u ye igesunotgei Kwandang’wong’ ne bo kipsengwet.

MATAYO 6:16

Kogeny ye orugutge, ko moige chombilik, eng’ togochik che bo arogenet; amu walei togochikwak, si kogeer bik kole, koirugutgei. Amwawok, iman, ale, Kagonyor ichek melektanywa.

MATAYO 6:9

Noto anyun osa ko u ni: Kwandanyo ne mi kipsengwet, Ingotililit kaineng’ung’.

MARIKO 8:15

Ak kiitigon ichek, kolenji, Oripge, ak oribege mermerekab Parisaik ak mermerek che bo Herod.

LUKA 11:35

Keer anyun ngo lapkeiyet ne mi oring’ung’ ko mesundeito.

LUKA 12:1

Eng’ saisiechoto, ye kingoyumgei bik ng’isiat che bo tuiyet, kot kotiech ge ichegei, kosib kotoi kolenji alamalyennyi, Oribege mermerekab Parisaik, noto chombilisiet.

LUKA 12:15

Ak kilenji ichek, Ogeer, ak oripge eng’ kasetab miat tugul: amu matebyei sobondab chi eng’ chang’indab tuguk che tinyei.

LUKA 16:15

Ak kilenji, Okweget che omieitige eng’ taitab bik; ago ingen Jehovah mugulelwekwok: amu kit ne itorori bik ko wegot mising’ eng’ taitab Jehovah.

JOHANA 12:43

amu kichamei kalosunetab bik kosiir kalosunetab Jehovah.

JOHANA 5:44

Omuchi eng’ nee oyan, che otaagege kalosunet, amocheng’e kalosunet ne bunu Jehovah ne mi inegei?

POISYONIGAP CHE KIYOKTOI 3:12

Ak ye kingogeer Petero, kowolji bik kolenji, Okwek bikab Israel, kalya si okwong’ie agobo ni? Anan kalya si ochiiljech kong’ ko u ne olen achek che kagigochi inendet kowendot eng’ kamugennyo anan eng’ imandanyo?

GALATYEK 6:12

Tugul che te che machei telunatet eng’ borto, kobirjinok kole kimuratanak; ago si magiusaus ichek agobo kimurtoiyotab Kristo.

NG'ATUTIK 24:13

iweekyi kinnyi ko karorokto asista, si kobiit kotugegei ye ruei ak koberurin: ak koek noto imanda eng’ inye eng’ taitab Jehovah Kamuktaindeng’ung’.

HEBRANIK 11:26

koiit tewernatet ne kiteweri Kristo kole magornatosiek che eechen kosiir konoraik che bo Misri: amu kiigeni melekto.

HEBRANIK 2:1

Eng’ noto anyun kanyol kenam mising’ kosiir, tuguchoto kigegas, si ma kichuchuige.

HEBRANIK 6:10

amu Jehovah, ko ma Jehovah ne ma bo iman, kot koutie boisieng’wong’ ak chamnyet ne kiobarte agobo kainennyi, ye kioboisiechini che tililen, ak kota oboisiechini.

2 JOHANA 1:8

Oripge, si momete tuguk che kigeyai, ago si onyoru melekto ne nyiitat.