MATAYO 5:3 - BUKUIT NE TILIL

³ Boiboen che bonon eng’ tamirmiriet: amu nenywa bounatetab kipsengwet.

Bukuit Ne Tilil

³ Poiboen che ponoon eng' muguleldo, amu nenywa pounatetap kipsengwet.

BUKUIT NE TILIIL Sireet ne Dutero Kanon

³ Poiboen che ponoon eng' muguleldo, amu nenywa pounatetap kipsengwet.

MATAYO 5:3 ပူးပေါင်းရင်းမြစ်များ

2 ATEPTAP PEETUUSYEK 33:12

Ak kingomi eng’ nyalilda kosa Jehovah Kamuktaindennyi, ak koming’ingei mising’ eng’ taitab Kamuktaindetab kwanisiekyik.

2 ATEPTAP PEETUUSYEK 33:19

Kigisirji agine saennyi, ak ole kigasyindo Kamuktaindet, ak tengektanyi tugul ak kachiliilutiennyi, ak komoswek ole kiteech komoswek che tororen, ak kolumda Aserik ak kanamonik che kigiwai, ye kitomo koming’ingei; ogeero, sirotin choto eng’ bukuitab ateptab betusiekab Hosai.

2 ATEPTAP PEETUUSYEK 33:23

Ak kima iming’ingei eng’ taitab Jehovah ko u ye kiiming’ingei kwandanyi Manase; ago kites Amon koyai chalwokto mising’ kosiir.

2 ATEPTAP PEETUUSYEK 34:27

amu ki tangus muguleldang’ung’, ak kiiming’ingei eng’ taitab Kamuktaindet, ye kegas ng’alekyik che nerekyin yuto, ak bik che menyei olito, ak iming’inige eng’ tainnyu, ak igerer ngoroiguk, ak irir eng’ tainnyu; ko kaagasun agane, mwaei Jehovah.

2 ATEPTAP PEETUUSYEK 7:14

ngot koming’ingei bikyuk, che kemwaitoe kainennyu, ak kosa, ak kocheng’a, ak kolakta ortinwekwak che bo yaitiet; agas anyun eng’ kipsengwet, ak anyochi kaat eng’ tengektanywa, ak asoob emenywa.

Kitabuutap JOB 42:6

Kaasasge anyun amu noto, kasigu Eng’ temburiek ak orek.

TIENWOGIKAL 1:1

Iberurot chi ne manamei ng’alekab bik che yaachen, Ama tonone oretab kiptengeginik, Ama tebe ng’echeretab sasik.

TIENWOGIKAL 112:1

Olosu Jehovah. Baibai chi ne iywei Jehovah, Ne boiboitune mising’ ng’atutikyik.

TIENWOGIKAL 128:1

Baibai age tugul ne iywei Jehovah, Ne wendote ortinwekyik.

TIENWOGIKAL 146:5

Baibai inendet ne tinyei Kamuktaindetab Jakobo ne toretennyi, Ne mi kamuung’ennyi Jehovah Kamuktaindennyi:

TIENWOGIKAL 2:12

Oming’inityige werit si manerech, ak olusye eng’ oret, Amu negit kolalyo neregekyik. Iberurotin ichek tugul che imang’u inendet.

TIENWOGIKAL 34:18

Negite Jehovah icheget che ilyotin mugulelwekwak, Ak kosoru ichek che kigonyeratitu tamirmirikwak.

TIENWOGIKAL 41:1

Baibai mising’ inendet ne ibwati che nyerotin: Soru Jehovah inendet eng’ betutab nyalilda.

TIENWOGIKAL 51:17

Korosekab Kamuktaindet ko tamirmiriet ne kigoil: Ee Kamuktaindet, mesase muguleldo ne kigoil ak kotinyei sigunet.

TIENWOGIKAL 84:12

Ee Jehovah ne bo lugosiek, Baibai chi ne imang’un.

KALEWANAIK 16:19

Kaigai ngetepto kaming’inetab ge koboto kibananok, Kosiir kepchei barunenik ak menotik.

KALEWANAIK 29:23

Iming’ini chi menotennyi: Ago nyoru teegisto inendet ne iming’inegei.

KALEWANAIK 8:32

Ogasa anyun, werju: Amu iberurotin ichek che ribei ortinwekyuk.

ISAIAH 30:18

Igenok anyun Jehovah, si kobiit koboruok mieindo, ak koek anyun inendet ne itororot, si kobiit korirenak: amu Jehovah ko Kamuktaindetab kiruoget; iberurotin tugul che igeni inendet.

ISAIAH 57:15

Amu mwaei ko u ni Inendet ne mi barak ak ko toror ne menyei koigeny, ne Tilil kainennyi, kole, Amenye ole toror, ak ko tilil, koboto inendet agine ne kigonyeratgei eng’ tamirmiriet, ak koming’ingei, si kobiit kisoob tamirmirietab ne iming’inegei, ak kisoob mugulelwekab che inyeratigei.

ISAIAH 61:1

Mi kobota tamirmirietab Kiptaiyat Jehovah; amu kiila Jehovah si kobiit aamji logoiywek che miach che nyerotin; kigoyokta anya che ilyotin mugulelwek, si kobiit aamji luulenik katiaget, ak kitiach che ratotin.

ISAIAH 66:2

Amu kiyaei eunnyu tuguchuto tugul, ak kibiit anyun tuguchuto tugul, mwaei Jehovah; ago ageni inendet ne banan ak konyerategei eng’ tamirmiriet, ne botani amu ng’olyondennyu.

MIKAH 6:8

Ee inye chi, kagoborun inendet kit ne mie; ak nee ne magenen Jehovah, kobate iyai imanda, ak icham rirenet, ak iwendote eng’ kaming’inetab ge koboto Kamuktaindeng’ung’?

MATAYO 11:25

Eng’ betusiechoto kowol Jesu kole, Amwaun kongoi, we Baba, Kiptaiyatab kipsengwet ak ng’ony, amu kiiung’e tuguchu che ng’omen ak che iguitos, ak kiing’ang’ji manyurunik:

MATAYO 11:6

Ak baibai age tugul ne manyorunena kanagut eng’ ui tugul.

MATAYO 13:16

Ago boiboen konyekwok, amu keertoi; ak itikwok, amu kastoi.

MATAYO 19:14

Ago kile Jesu, Ochamji lagok che mengech, kobwanja, amoete: amu bo che u chuto bounatetab kipsengwet.

MATAYO 24:46

Baibai otwogindonoto, ye weeigei kiptaiyandennyi konyor koyaei ko u noto.

MATAYO 25:34

Yeityo komwachi Laitoriat ichek che mi eunnyi ne bo tai, kolenji, Obwa, okwek che oberurotin che o bo Baba, onam bounatet ne kigechobwok koboch ko kagilumda ng’ony:

MATAYO 3:2

kolen, Osigu; amu kagorik bounatetab kipsengwet.

MATAYO 8:11

Ak amwawok ale, bwanei che chang’ eng’ kong’asis ak cherongo, kobwa kotebi ak Abraham, ak Isak, ak Jakobo, eng’ bounatetab kipsengwet:

MARIKO 10:14

Ago ye kingogeer Jesu, konyit, ak kolenji ichek, Ochamji lagok che mengech kobwanja; amoete ichek: amu bo bounatetab Jehovah che u chu.

LUKA 11:28

Ago kile inendet, Iberurotin kosiir che kasei ng’olyotab Jehovah, ak korib.

LUKA 18:14

Amwawok ale, kichortagei chichoto gonnyi ko kagoek ne bo imanda kosiir nin age: amu chi age tugul ne itororigei kiming’ini; ak age tugul ne iming’inigei ko tun kitorori.

LUKA 22:29

ak kaagonok bounatet, ko u ye kigogona Baba,

LUKA 22:30

si kobiit oamisie ak koeeise mesennyu eng’ bounatennyu, ak tun otebe ng’echerok che bo laitornatet, oruokyini ortinwek taman ak aeng’ che bo Israel.

LUKA 4:18

Mi Tamirmirietab Kiptaiyat kobota, Ami kiila si kobiit aamji kibananok logoiywek che miach: Kiiyokwa si kobiit aamji luulenik katiaget, Asi kobiit kogeerto kipkoratinik, Ak atiach che kigiguoten.

JOHANA 20:29

Kolenji Jesu inendet, Kaiyan amu kaigeera: iberurotin ichek che iyani ama keer.

NG'ATUTIK 8:2

Ak ibwat oret komugul ne kigomutunenen Jehovah Kamuktaindeng’ung’ eng’ kenyisiechu artam eng’ ong’atet, si koming’inin, kotiemin, konai kit ne mi muguleldang’ung’, ngichame irib ng’atutik, anan ngo mechame.

JAKOBO 1:10

ak ingobaibait magoriot, amu kagiming’in: amu siirtoi inendet ko u taptetab suswek.

JAKOBO 1:12

Baibai chito ne muitoi eng’ yomset: amu ye kagoterter, kotaachei kutwet ne bo sobondo, ne kiiarorji Kiptaiyat ichek che chamei inendet.

JAKOBO 2:5

Ogaso, tupchosiekyuk ak ko chamanikyuk; tos kima lewen Jehovah che bonondos eng’ ng’ony koek magorek eng’ kayanet, ak koek che nyoru bounatet ne kigoarorji ichek che chamei inendet?

NG'ANG'UTYET 19:9

Ak kolenja, Sir ile, Boiboen ichek che keguurjin igortab katunisietab Aruet. Ak kilenja, Chu ko ng’alekab iman che bo Jehovah.

NG'ANG'UTYET 22:14

Boiboen ichek che mwetei ngoroikwak, si kobiit kosich chamjinet koit ole mi ketitab sobondo, ak kobun kurgotik kobendi nganaset orit.

NG'ANG'UTYET 3:17

Amu imwae ile, A magorio, ak kiasich magornatet, ama abanani kiy; amengen ile i chito ne i kimnyaliliat ak itinye rirek ak ko i kibananiat ak ko i kipkoratiat ak imi ach ngor: