MATAYO 5:22 - BUKUIT NE TILIL

²² ago amwawok ale, Age tugul ne nerekyin ne tupcho ko kagorikyi kiruoget; ak age tugul ne lenji ne tupcho, Raca, ko kagorikyi kapkiruoget; ak age tugul ne mwaei kole, Abusanani, ko kagorikyi Gehenna, oldab mat.

Bukuit Ne Tilil

²² Ago amwaiwok ale, Age tugul ne nereekyin ne tupcho ko kagoriikyi kirwooget; ak age tugul ne leenji ne tupcho, “Raca” ko kagoriikyi kapkirwooget; ak age tugul ne mwaei kole abusanani ko kagoriikyi Gehenna ole mi maat.

BUKUIT NE TILIIL Sireet ne Dutero Kanon

²² Ago amwaiwok ale, Age tugul ne nereekyin ne tupcho ko kagoriikyi kirwooget; ak age tugul ne leenji ne tupcho, “Raca” ko kagoriikyi kapkirwooget; ak age tugul ne mwaei kole abusanani ko kagoriikyi Gehenna ole mi maat.

MATAYO 5:22 ပူးပေါင်းရင်းမြစ်များ

TAUNET 37:4

Ak kigeer werik che tupcho kole, chamei kwandanywa inendet kosiir tupchosiekyik tugul; ak kiwech inendet, kot komata kocham kong’alalji inendet eng’ kalyet.

TAUNET 37:8

Ak kilenji werik che tupcho, Ilen tos tun ilaitoranenech? Anan tos tun iboiywech? Ak kites kowech inendet kosiir amu karuotitaosiekyik, ak ng’alekyik.

2 SAMUEL 16:7

Ak kimwa ko u ni Simei ye kichubisiei, Ui, ui inye, chitab korotik, ak ko chitab Belial:

2 SAMUEL 6:20

Yeityo koweek Daudi koberur bikab gonnyi. Ak kinyo sang’ Mikal cheptab Saul kotorok Daudi, ak kole, Ka itororot ne tia, laitoriatab Israel rani, ne kang’anygei rani eng’ taitab otwogikyik che tibik che bo otwogikyik, ko u age eng’ kiptangoinik che ng’anyegei ama iliani!

1 LAITORINIK 21:4

Ak kinyo Ahab gonnyi eng’ muguleldo ne nyigis, ak konerechi amu ng’olyot ne kamwachi Nabot Jesreelindet: amu kiga lenji, Magonin borotetab kwanisiekyuk. Ak kiru eng’ itogunnyi, ak kolit olin, ak koesio koamis.

2 ATEPTAP PEETUUSYEK 16:10

Konerekyi anyun Asa keerindet, ak konde inendet korgoret; amu kinerekyi inendet mising’ agobo kiito. Ak kius Asa bik alak eng’ betusiechoto.

2 ATEPTAP PEETUUSYEK 19:5

Ak kiinde kiruogik emet, eng’ nganasok tugul che ng’ototin che bo Juda, nganaset age tugul,

NEEMIA 5:8

Ak kialenji ichek, Ko u kit ne te kamugennyo, ko kogitiach tupchosiekyok Yahudik, che kiga kialdochi bororiosiek; ak tos oaldoi tupchosiekwok si tun oaldawech ichek? Kosisyo anyun, ama sich kiy ne wolu.

TIENWOGIKAL 109:3

Koyiemena ng’alek che bo wechet, Ak koboriena buch.

TIENWOGIKAL 14:1

Kigomwa ne berber eng’ muguleldanyi, kole, Mami Kamuktaindet. Kigong’emogis, ak koyai yautik che kiwechei; Mami ne yaei ne mie.

TIENWOGIKAL 25:3

Ee, mami ne ililani ne igenin: Ililandos che ng’alsei buch.

TIENWOGIKAL 35:19

Amegochi koboiboitunena bunikyuk buch: Anan komismis konyek che wecha buch.

TIENWOGIKAL 37:8

Mete nereknatet, ak iistoege neregek che laldos: Ameiimege, amu ibu noto yaitiet.

TIENWOGIKAL 49:10

Amu keerei inendet kole begu che ng’omen, Ak begu tuwai ne berber ak ne u tiony, Ak kobagakyi bik alak tugukwak.

TIENWOGIKAL 69:4

Chang’ kosiir sumeekyuk che wecha buch; Kimen bunikyuk che mwaei lembech che machei kobara: Ak kiagoite choto che kima arebe chi.

TIENWOGIKAL 7:4

Ngo kiayaakyi yaitio ne kigimi tuwai eng’ kalyet; (Ee, kiasoru inendet ne ki bunyondennyu ne kima awekyi kiy:)

TIENWOGIKAL 92:6

Maingen chito ne u tiony; Amaiguitos ne berber;

KALEWANAIK 14:16

Iyweisiei chito ne ng’om, ak koistoegei yaitiet: Ago nerechi ne berber, ak komenei.

KALEWANAIK 18:6

Chutei kutitab ne berber ole mi tiiyet, Ak kuurei kutinnyi biret.

JEREMIA 17:11

Ko u taiywet ne iyumi arek che ma chechik, u noto ne nyoru magornatosiek, ama eng’ iman; betos kota kosobei inendet, ak koek inendet eng’ kagesunennyi, chito ne berber.

RIREKAB JEREMIA 3:52

Kigoona ichek mising’ ko u tarit, choto ko bunikyuk che kiona buch.

DANIEL 3:13

King’at anyun Nebukadnesar eng’ koromnatennyi ak neregek che ng’wonen kole kimut Sadrak, Mesak, ak Abed-nego. Kigimut anyun bichuto kobwa taitab laitoriat.

DANIEL 3:19

Konyi anyun neregek che ng’wonen Nebukadnesar, ak kowalak togennyi konerekyin Sadrak, Mesak, ak Abed-nego: kong’alal anyun ak kong’at kole kilaal mat ne o kotesak konyil tisab kosiir ye cham kilaali.

OBADIA 1:10

Tuchin tewernatet amu koromnatet ne kiiyachi ng’etab komet Jakobo, ak kebarin ak keisten koigeny.

OBADIA 1:12

Ago amat igeer betutab ng’etab komet eng’ betutab tiritindanyi, amebaibaitu eng’ lagokab Juda eng’ betutab ng’emisienywa; anan ing’alal eng’ menotet eng’ betutab bichiindo.

MATAYO 10:17

Ago oribege bik: amu imutyinok kapkiruoget, ak kobirenok kipcharitisiek eng’ sunagogisiekwak;

MATAYO 10:28

Amoiywei ichek che barei borto, ago maimuchi kobar sobondo: ago kaigai oiywei inendet ne imuchi kong’em sobondo koboto borto eng’ Gehenna.

MATAYO 12:24

Ago kingogas Parisaik, kole, Maonei chichi oik, kobate eng’ Beelsebul ne o ne bo oik.

MATAYO 17:5

Kingota kong’alali, ogeero, kouur ichek boldet ne iluu: ak ogeero, kimong’une kutit boldet, kole, Ni ko Werinnyu, chamanennyu, abaibai mising’ eng’ inendet; ogas okwek inendet.

MATAYO 18:21

Kinyo anyun Petero, ak kolenji, Kiptaiyandani, chalwogenjina ne kitupche konyil ata, ak anyochini kaat? Agoi konyil tisab?

MATAYO 18:35

U noto yaiywok agine Baba ne bo kipsengwet, ngo monyochi kaat age tugul eng’ mugulelwekwok ne otupche.

MATAYO 23:15

Bwa okwek, sirik ak Parisaik, chombilik! Amu omuuti nyanjet ak emet owale chito kobunjok; ak ye kagobunjok, oyai inendet koek lakwetab Gehenna konyil aeng’ kosiirok.

MATAYO 23:33

Okwek erenok, o lagokab erenok che ng’wonen, ochilildoi ano eng’ kiruogetab Gehenna!

MATAYO 25:41

Kolenji anyun ichek che mi eutab katam, Oba eng’ ole ami, okwek che o chubotin, oba mat ne bo koigeny ne kigechopchi oindet ak malaikaisiekyik:

MATAYO 26:59

Ak kicheng’ tisiik che eechen ak kapkiruoget komugul baornatet ne bo lembech agobo Jesu, si kobiit kobar inendet;

MATAYO 3:17

ogeero, kimong’une kutit kipsengwet, kole, Ni ko Werinnyu, chamanennyu, abaibai mising’ eng’ inendet.

MATAYO 5:34

ago amwawok ale, Amoyosie agot kitigin; agot agobo kipsengwet, amu ng’echeretab Jehovah noto;

MATAYO 5:44

ago amwawok ale, Ocham bunikwok, ak osachi ichek che usok;

MARIKO 14:55

Kicheng’ anyun tisiik che eechen ak kapkiruoget komugul baornatet eng’ Jesu si kobiit kobar; ago kimanyor.

MARIKO 15:1

Ak yeityo ko kaech kotet ng’alek tisiik che eechen koboto boisiek ak sirik, ak kapkiruoget komugul, ak korat Jesu, ak komut kwo, ak kogochi Pilato.

LUKA 12:5

Ago ateeiywok si onai inendet ne kanyol oiywei: Oiywei inendet, ne ngo kagobar komuchi kowirji Gehenna; ee, amwawok ale, Oiywei inendet.

LUKA 22:66

Ak kingo kagoeech, koyumgei boisiekab bichoto, tisiik che eechen ak sirik; ak kiimut inendet kwo kapkiruogenywa, kole,

JOHANA 11:47

Kiguur anyun kiruoget tisiik che eechen ak Parisaik, ak kole, Kiyai nee? Amu yaei chichi kaborunoik che chang’.

JOHANA 15:25

Ago, si kosulda ng’olyot ne kigisir eng’ Ng’atutikwak, kele, Kigowecha buch.

JOHANA 7:20

Kowol tuiyet, kole, Itinye oindet: cheng’ei ng’o kobarin?

JOHANA 8:48

Kowolji anyun Yahudik kolenji, Magimwae achek iman kele, I Samarindet, ak itinye oindet?

POISYONIGAP CHE KIYOKTOI 17:18

Ak kituiyo koboto inendet alak che bo ng’omotikab Epikurio ak Stoiko. Ak kole alak, Mwaei nee kipchang’alaini? Kole alak, U kabartaindet ne bo cheptalelisiek che ter: amu kiamdoi Jesu ak ng’eetyet.

POISYONIGAP CHE KIYOKTOI 22:30

Ago ye kimachei konai komie eng’ betut ne bo aeng’, kit ne koitaame Yahudik, kotiach inendet, ak kong’at tisiik che eechen ak kapkiruoget tugul kotuiyo, ak komut Paulo kochorgei, ak konde inendet tainywa.

POISYONIGAP CHE KIYOKTOI 23:1

Ak kingogeer Paulo kapkiruogonoto komie, komwa kole, Che kitupche, kiatebe kotugul kabwatet ne mie eng’ taitab Jehovah agoi rani.

POISYONIGAP CHE KIYOKTOI 24:20

Anan ingomwa bichu icheget boisiet ne ya ne kinyor, ye kingatonon eng’ taitab kapkiruoget,

POISYONIGAP CHE KIYOKTOI 4:15

Ago ye kingo kagong’at ichek komanda eng’ kapkiruok, kong’alal ichegei,

POISYONIGAP CHE KIYOKTOI 5:21

Ak kingogas ko u noto, koba hekalut ko kaech, ak konetis. Ago kinyo tisiindet ne o, ak che kimi koboto inendet, ak koguur kiruoget, ak boisiek tugul che bo lagokab Israel, ak koyokto kimut ichek kobwa eng’ ole kigiratyi.

POISYONIGAP CHE KIYOKTOI 5:27

Ak kingo kagomut ichek kobwa, konde taitab kapkiruok. Koteebe tisiindet ne o ichek,

POISYONIGAP CHE KIYOKTOI 6:12

Kong’eetng’eet anyun bik konerekso ak boisiek, ak sirik, kobwanji inendet, ak konam ak komut kwo kapkiruok,

POISYONIGAP CHE KIYOKTOI 6:15

Kiichiilji kong’ anyun inendet bik tugul che kitebyei eng’ kapkiruok, kogeer togennyi ko u togetab malaikaiyat.

POISYONIGAP CHE KIYOKTOI 7:37

Musa nito ko noto ne kilenji lagokab Israel, Ing’eetwok Jehovah maotiot ne tun bunu che otupche, ne u ane.

ROMANIK 12:10

Ochamnye eng’ chamnyet ne u ne bo tupchosiek; ingoiit chito age chito age kosiir inendet eng’ teegisto;

1 KORINTOEK 6:10

anan chorik, anan kipkeinik, anan kibogitinik, anan che chubisiei, anan rebik, che nyoru bounatetab Jehovah.

1 KORINTOEK 6:6

ago imuti tupchet age tupchennyi kwo kapkiruok, ak ne siirei ko, eng’ taitab che maiyanotin?

NG'ATUTIK 15:11

Amu mabetos kibananok eng’ emet agoi: kaang’atin anyun ale, Kanyol ing’ang’ji eung’ung’ iman tupcheng’ung’, ak cheguk che tinyei nyalilda, ak kibananoguk, eng’ emeng’ung’.

NG'ATUTIK 16:18

Inde kiruogik ak bounik kurgotiguk tugul, che konin Jehovah Kamuktaindeng’ung’ ko u ortinweguk: si koruokyi bik eng’ kiruoget ne bo imanda.

1 THESSALONIKEK 4:6

amat koyai chi kachiliilut anan koyachi ne ya tupchennyi eng’ ng’olyondonito: amu Kiptaiyat yaaktaindetab mugetut eng’ tuguchuto tugul, ko u ye kisib kiteeiywok ak kebaorian.

TITO 3:2

amat komwa kiy ne ya agobo chi age tugul, amat koek bich che bo boriot, ingoek che taloen, koborjin bik tugul mutyonet tugul.

HEBRANIK 12:25

Ogeer, amoesie inendet ne ng’alali. Amu ngot ko kima chililyo ichek ye kingoesio inendet ne kiga koteeita eng’ ng’ony, kesiire ne tia anyun achek ngot keistoege inendet ne iteu eng’ kipsengwet:

HEBRANIK 5:9

ak kingo kageyai koek ne igesunotgei, koek inendet ne kitaunegei yetunet ne bo koigeny eng’ ichek tugul che kase it inendet;

JAKOBO 2:20

Ago imache inai, ee, inye chito ne ma i kiy, ile, kayanet ne matinyei boisionik ko son?

JAKOBO 3:6

Ak ng’elyepta ko mat: ng’onyut ne bo tengekto eng’ kebeberwekyok ko ng’elyepta, ne imuruoni borto komugul, ak konaami mat eng’ bandab chi kote kosobei ak kinaami eng’ matab Gehenna.

1 PETERO 2:23

ne ye kingeng’emji kut, ko ma ng’em kut; ye kingonyalil, ko ma imuiso; ago kiigochigei inendet ne iruochi eng’ imanda:

1 PETERO 3:9

che mayaaktoi yaitio eng’ yaitio, anan ko ng’emetab kut eng’ ng’emetab kut; ago oegu che iberurisiei; amu kigiguurjok nito, si onam kaberuret.

1 JOHANA 2:9

Inendet ne mwaei kole mi eng’ lapkeiyet, ak kowechei ne tupcho, komi eng’ mesundeito agoi nguno.

1 JOHANA 3:10

Ng’ang’aksei lagokab Jehovah eng’ nito, ak lagokab oindet: chi age tugul ne mayaei imanda ko ma bo Jehovah, anan inendet ne machamei ne tupcho.

1 JOHANA 5:16

Ngot kogeer chi tupchennyi koyaei tengekto ne ma bo meet, kosom, si kogochi Jehovah sobondo agobo icheget che kayai tengekto ne ma bo meet. Mi tengekto ne bo meet: mamwae ale kosom agobo noto.

JUDA 1:9

Ago ye kingobaregei Mikael, malaikaiyat ne o, ak oindet, kotiitos agobo mustab Musa, ko ma kany koipchi inendet kiruogetab chubet, ago kile, Ingogerin kong’ Kiptaiyat.

NG'ANG'UTYET 20:14

Ak kigiwirji meet ak oldab che kigobek, araraitab mat. Nito ko meet ne bo aeng’, araraitab mat.