MATAYO 5:16 - BUKUIT NE TILIL

¹⁶ Ongoluu lapkeiyeng’wong’ ko u noto eng’ taitab bik, si komuch kogeer boisionikwok che miach, si kolos Kwandang’wong’ ne mi kipsengwet.

Bukuit Ne Tilil

¹⁶ Ongoluu lapkeiyeng'wong' ko uu nooto eng' taitap piik, si komuuch kogeer poisyonikwok che myach, ak kolas Kwandang'wong' ne mi kipsengwet.

BUKUIT NE TILIIL Sireet ne Dutero Kanon

¹⁶ Ongoluu lapkeiyeng'wong' ko uu nooto eng' taitap piik, si komuuch kogeer poisyonikwok che myach, ak kolas Kwandang'wong' ne mi kipsengwet.

MATAYO 5:16 ပူးပေါင်းရင်းမြစ်များ

KOMONG'U 34:35

ak kigeer lagokab Israel togetab Musa, kole iluu iririotab togetab Musa: ak kituge Musa togennyi ngoriet kogeny, agoi komanda kwo kong’alal ak inendet.

KALEWANAIK 4:18

Ago oretab che bo iman ko u lapkeiyet ne iluu, Ne iluu ko tesoksei agoi betut ne igesunotgei.

ISAIAH 58:8

Koluu anyun lapkeiyeng’ung’ ko u karonet, ak kobiit kasoobeng’ung’ kochok: ak kondoenen imandang’ung’ ak koletun torornatetab Jehovah.

ISAIAH 61:3

si aarorji ichek che rirtos eng’ Sion, kigochi chepkulet ne kararan kogeere orek, ak mwaitab boiboiyet kogeere rirek, ak ngorietab kalosunet kogeere tamirmiriet ne kigonyigisit; si kobiit keguure ketik che bo imanda, che kimin Jehovah, si kegonyit.

MATAYO 23:5

Ago yaei boisionikwak tugul si kogeer bik: amu yaei kotebeesitu lolotinwekab sirutik; ak kobaroi tabanwekab ngoroikwak,

MATAYO 23:9

Amoguure chi eng’ ng’ony, baba: amu agenge Kwandang’wong’, inendet ne mi kipsengwet.

MATAYO 5:45

si oegu werikab Kwandang’wong’ ne mi kipsengwet; amu igochin asistanyi kochorji che yaach ak che miach, ak iyokyin ropta che bo imanda ak che ma bo imanda.

MATAYO 6:16

Kogeny ye orugutge, ko moige chombilik, eng’ togochik che bo arogenet; amu walei togochikwak, si kogeer bik kole, koirugutgei. Amwawok, iman, ale, Kagonyor ichek melektanywa.

MATAYO 6:9

Noto anyun osa ko u ni: Kwandanyo ne mi kipsengwet, Ingotililit kaineng’ung’.

MATAYO 9:8

Ago ye kingogeer tuiyosiek, koiywei, ak kolos Jehovah, ne igochin chi kimnatet ne u noto.

LUKA 11:2

Ak kilenji ichek, Ye osae, omwa ole, Kwandanyo, ingotililit kaineng’ung’. Ingonyo bounateng’ung’. [Ingoyaak mageng’ung’ ko u eng’ kipsengwet, ko u noto eng’ ng’ony.]

JOHANA 15:8

Kigonyiti Baba eng’ nito, ye oiyie logoek che chang’; si oegu alamalyennyu.

POISYONIGAP CHE KIYOKTOI 9:36

Ak kimi age ne bo alamalyet Jopa ne kigiguure Tabita, ne ye kiweech kele Dorkas: kitinyei kobogoriondoni boisionik che chang’ che miach ak kagochinoik che kiigoitoi.

1 KORINTOEK 14:25

ak king’anyei ung’otikab muguleldanyi; ak kobutyi ng’ony anyun kong’uruk kolos Jehovah, komwaei kolen mi Jehovah kwenung’wong’ iman.

2 KORINTOEK 9:13

amu tiemet ne bo boisioni kotorori ichek Jehovah amu kasetab it ne bo ng’ang’eng’wong’ eng’ logoiywek che miach che bo Kristo, ak aiyebindab kagoitoeng’wong’ eng’ ichek, ak eng’ tugul;

GALATYEK 1:24

ak kiitoror ichek Jehovah eng’ ane.

EPESOEK 2:10

Amu ki boisiennyi achek, ne kigiyaech eng’ Kristo Jesu agobo boisionik che miachen, che kisib kochob Jehovah si kebendate ichek.

EPESOEK 5:8

amu kio mesundeito eng’ betusiek alak, ago o lapkeiyet nguno eng’ Kiptaiyat: obendate ko u lagokab lapkeiyet

1 THESSALONIKEK 2:12

si kobiit obendate ko u ye nyolu eng’ Jehovah, ne kuurjinok bounatennyi ak torornatet.

1 TIMOTEO 2:10

ago (ko u ye nyoljin kobogorisiek che ibortogei kole bikab Jehovah icheget) eng’ boisionik che miach.

1 TIMOTEO 5:10

ne kimwaitae inendet boisionik che miach; ngo kigobai lagok, ngo kigotaach toek, ngo kigoun kelyekab che tililen, ngo kigotoret che nyalildos, ngo kigogiilgei eng’ boisiet age tugul ne mie.

1 TIMOTEO 5:25

Ko u noto agine mitei boisionik che miach che toogunotin; ak che ma u choto ko maimugaksei koung’ogis.

1 TIMOTEO 6:18

ile koyai ne mie, si kobiit koek magorek eng’ boisionik che miach, si kochobogis kogoito, koyomogei ak alak;

TITO 2:14

ne kiigoitogei agobo achek, si kobiit kotiachech eng’ tengekto tugul, ak kotililjigei bik koek chechik, che lewenotin, che igiilegei eng’ boisionik che miach.

TITO 2:7

ibartege inyendet eng’ tuguk tugul iegu kaborunet ne bo boisionik che miachen; eng’ konetisieng’ung’ ibarte atebet ne ma ng’emaksei,

TITO 3:14

Ak ingonetgei bikyok agichek koyai boisionik che miachen kotugul, agobo tuguk che makyingei, si maek che mayiei logoek.

TITO 3:4

Ago ye kingotook talasietab Jehovah Yetindennyo, ak chamnyennyi ne chamei bik,

HEBRANIK 10:24

Ak ongibwatge achege eng’ achege kigimitge eng’ chamnyet ak boisiosiek che miach;

1 PETERO 2:12

okwek che otinye atebet ne nyolu eng’ kwenutab Bororiosiek: si nganda itaamok ko u yaikab yaitio, kotoror Jehovah eng’ betutab rutochinet eng’ boisionikwok che miach che keerei.

1 PETERO 2:9

Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.

1 PETERO 3:1

U noto, osotichu, ogas it manong’otaikwok; si nganda magase it alak ng’olyot, kimuch kichuut ichek eng’ atebet ne mie ne bo osotikwak ama eng’ ng’olyot,

1 PETERO 3:16

otinye kabwatet ne mie; si ye kitaamok, kigochin kolilan ichek che mwaitae ng’alek che yaach atebeng’wong’ ne mie eng’ Kristo.

1 PETERO 4:11

ngo ng’alali chi, kong’alal ko u arorutikab Jehovah; ngo boisiei chi, kobois eng’ kimnatet ne igochin Jehovah: si kobiit kitoror Jehovah eng’ tuguk tugul eng’ Jesu Kristo, ne nenyi torornatet ak kimnatet koigeny ak koigeny. Amen.

1 PETERO 4:14

Ngechurok eng’ kainetab Kristo, ko oboiboi; amu tebenok Tamirmirietab lilindo ne Tamirmirietab Jehovah.