MATAYO 4:24 - BUKUIT NE TILIL

²⁴ Ak kiyesta ng’alek agobo inendet eng’ Suria komugul, ak kigimutyi inendet bik tugul che miandos, che kinam korotwek ak ng’woninwek che terotin, ak che kitinyei oik, ak che kitanuitos, ak che ki meiyotin borwek; ak kiisoob ichek.

Bukuit Ne Tilil

²⁴ Ara kiyesta ng'aleek agobo ineendet eng' Syria komugul, ak ki kimutyi `ineendet piik tugul che myandos, che ki nam korotwek ak ng'waninwek che teerchiin, che ki tinyei oik, che kitanuitos ak che ki meiyotiin poorwek; ak ki isoop icheek.

BUKUIT NE TILIIL Sireet ne Dutero Kanon

²⁴ Ara kiyesta ng'aleek agobo ineendet eng' Syria komugul, ak ki kimutyi `ineendet piik tugul che myandos, che ki nam korotwek ak ng'waninwek che teerchiin, che ki tinyei oik, che kitanuitos ak che ki meiyotiin poorwek; ak ki isoop icheek.

MATAYO 4:24 ပူးပေါင်းရင်းမြစ်များ

2 SAMUEL 8:6

Kiinde anyun Daudi irimosiek Suria ne bo Damasko: ak kiek Suriek otwogikab Daudi, ak kiib kagochinoik. Ak kiigochi Jehovah Daudi katerteret eng’ komosta age tugul ne kiwa.

1 LAITORINIK 10:1

Ak kingogas laitoriatab Sheba, ne ki kwondo, kalosunetab Solomon agobo kainetab Jehovah, konyo kotiem inendet eng’ teebutik che uuen.

1 LAITORINIK 4:31

Amu ki ng’om kosiir bik tugul; kosiir Etan Esraindet, ak Heman, ak Kalkol, ak Darda, weritab Maol: ak kiyom toogunatennyi bororiosiek tugul che kiga yiem inendet.

1 ATEPTAP PEETUUSYEK 14:17

Ak kiyom emotinwek tugul toogunatetab Daudi; ak kiigochi Jehovah bororiosiek tugul koiywei inendet.

1 ATEPTAP PEETUUSYEK 29:2

Kiachob anyun eng’ kimnatennyu tugul, tahabu agobo tugukab tahabu, che bo gotab Kamuktaindennyu, ak feda agobo tugukab feda, ak sugunonik agobo tugukab sugunonik, ak karik agobo tugukab karik, ak ketik agobo tugukab ketik; koik che kiguure soam, ak koik che kitetei, kindoi kotabon ng’ony, ak che bo saleiywek che terjin, ak koik alak tugul che bo kamanutiet ne o, ak koik ng’isiat che leelach.

KOMONG'U 15:26

ak kile, Ngot igas iman kutitab Jehovah Kamuktaindeng’ung’, ak iyai ne bo iman eng’ tainnyi, ak iepchji it ng’atutikyik, ak isub kotigonutikyik tugul, ko magonin mian age tugul, ne kiagochi Misrik: amu ane ko a Jehovah ne asoobin.

MATAYO 12:22

Kigimutyi anyun chito ne kitinyei oindet, ne korat ak ko namat kut: ak kiisoob inendet, kot kong’alal ak kogeerto chito ne namat kut.

MATAYO 14:1

Kigas eng’ betusiechoto Herod bounindet logoiywek agobo Jesu,

MATAYO 15:22

Ak ogeero, kimong’ eng’ komoswechoto kobogoriot ne bo Kanan, korir, kole, Rirena, ee Kiptaiyandani, inye weritab Daudi; riachei oindet cheptanyu mising’.

MATAYO 17:15

Kiptaiyandani, rirege werinnyu: amu amei iywek, ak nyalili mising’: amu ibutyin ma konyil che chang’, ak kobutyin beek konyil che chang’.

MATAYO 17:18

Ak kiger kong’ Jesu oindet; ak komanda oindet eng’ inendet: ak kosob weroto koboch sainato.

MATAYO 4:23

Ak kiwendoti Jesu eng’ Galili komugul, konetisioti eng’ sunagogisiekwak, ak koamdaati logoiywek che miach che bo bounatet, ak kosobooti che tinyei korotwek alak tugul ak mianwek alak tugul eng’ bik.

MATAYO 8:28

Ak ye kingo kagoit bitonin emetab Gadarenes, kotuiyo ak inendet bik aeng’ che kitinyei oik, kobunu oldab kererisiek; ki koromen mising’, kot ko kima komuchi chi kosiir oranato.

MATAYO 8:33

Ak kimwei che kiiyagi torochoto koba nganaset, ak komwaita kiy age tugul, ak kit ne kiga keyachi che kitinyei oik.

MATAYO 8:6

kole, Kiptaiyandani, miani otwogindennyu eng’ ga, kasat mising’, meat borto.

MATAYO 9:26

Ak kiyesto ng’olyondonoto eng’ emonoto komugul.

MATAYO 9:35

Ak kiwendote Jesu nganasok tugul, che eechen ak che mengechen, konetisioti eng’ sunagogisiekwak, ak koamdaati logoiywek che miach che bo bounatet, ak kosobooti che miandos eng’ koroito age tugul, ak eng’ nyalulnatet age tugul.

MARIKO 1:28

Ak kiyom ng’alekyik ngunoto oldo tugul agoi korotinwek tugul che bo Galili.

MARIKO 1:32

Ak koskoleny, ko karorokto asista, komutyi inendet tugul che kimiandos, ak che kitinyei oik.

MARIKO 2:3

Ak kibwa, komutu chito ne tinyei miando ne meat borto, konyo ole mi inendet, kolau bik ang’wanu.

MARIKO 2:4

Ago kingab mata komuch korikyi inendet amu tuiyet, kong’any got barak, kotokyi ole mi inendet: ak kingo kagobut, kochoortae itogut ne kirue chito ne tinyei miando ne meat borto.

MARIKO 2:9

Nee ne nyamnyum, ngemwachi chito ne tinyei miando ne meat borto kele, Kaginyoun kaat tengekwogiguk; anan ngele, Ng’eet, ib itogung’ung’, ak iwendote?

LUKA 2:2

Ne bo tai sirisioni ye ki bounindetab Suria, Kurenio.

LUKA 4:14

Koweek anyun Jesu Galili eng’ kimnatetab Tamirmiriet: ak kiyom logoiywek korotinwek tugul agobo inendet eng’ ole negite oloto.

LUKA 4:38

Ak kimanda eng’ sunagogit ak kwo gab Simon. Kiamei kametab osotiotab Simon eset ne korom; ak kisaisai bik Jesu agobo inendet.

LUKA 5:15

Ak kitesak mising’ koiyesta logoiywekyik: ak kiiyumgei tuiyosiek che chang’ kobwa si kogas ng’alekyik ak kisoob eng’ mianwekwak.

LUKA 5:24

Ago si kobiit onai ole tinyei kimnatet Weritab chi eng’ ng’ony konyochi kaat bik tengekwogik (kolenji chito ne ki meat borto), Amwaun ale, Ng’eet, ib itogung’ung’ ak iwe gong’ung’.

LUKA 7:17

Ak kiyom ng’olyondonito agobo inendet Judea komugul, ak korotinwek tugul che kiyiem oloto.

JOHANA 10:21

Kole alage, Ma bo ng’alechu chi ne tinyei oindet. Tos imuchi oindet koyat konyekab chito ne korat?

POISYONIGAP CHE KIYOKTOI 10:38

ko u ye kiil Jehovah Jesu ne bo Nasaret, eng’ Tamirmiriet ne Tilil ak eng’ kamuktaet: ne kiwendot ak koyaei ne mie, ak kosoobi tugul che kiinyalili oindet; amu kimi Jehovah koboto inendet.

POISYONIGAP CHE KIYOKTOI 15:23

ak kisir ko u ni ak koyoktoe ichek, Kisirjini achek che kiyoktoi ak tupchosiek che boisiek, tupchosiek che bo Bororiosiek che mi Antiokia ak Suria ak Kilikia, kigatok:

POISYONIGAP CHE KIYOKTOI 15:41

Ak kobun Suria ak Kilikia, kogimitoti kanisosiek.

POISYONIGAP CHE KIYOKTOI 28:9

Ak kingo kagoyaak nito kobwa agichek che kimiandos eng’ kakwembeiyondonoto, ak kigisoob:

POISYONIGAP CHE KIYOKTOI 8:7

Amu kimanda tamirmirik che muruonen, eng’ che chang’ che kitinyei, kowaaktos eng’ kutit ne o: ak kigisoob che chang’ che meiyotin borwek, ak che kiing’waldos.

JOSHUA 6:27

Kimi anyun Jehovah koboto Josua; ak kiyom emet komugul kalosunennyi.