MATAYO 3:7 - BUKUIT NE TILIL

⁷ Ago ye kingogeer kobwanji kabatisanennyi che chang’ che bo Parisaik ak Sadukaik, kolenji, Okwek lagokab erenok che ng’wonen, ng’o ne kiiteeywok omwee nereknatet ne nyonei?

Bukuit Ne Tilil

⁷ Ago ye kingo keer che chaang' che po Pharisaik ak Sadukaik kobwonjin kabatisanennyi, koleenji, “Lagochu po erenook, ng'oo ne ki iteiywok omwee piruutyet ne nyoonei?

BUKUIT NE TILIIL Sireet ne Dutero Kanon

⁷ Ago ye kingo keer che chaang' che po Pharisaik ak Sadukaik kobwonjin kabatisanennyi, koleenji, “Lagochu po erenook, ng'oo ne ki iteiywok omwee piruutyet ne nyoonei?

MATAYO 3:7 ပူးပေါင်းရင်းမြစ်များ

TAUNET 3:15

ak ande bunyondit kwenung’wong’ inye ndaret ak kwondo; ak kwenutab iyoteng’ung’ ak nenyi; ak kotui inendet meting’ung’, ak iguoten aginye kwariandennyi.

KALEWANAIK 28:4

Ilosu bik che yaach icheget che metoi ng’atutik: Ago borie bichoto yaachen icheget che ribei ng’atutik.

ISAIAH 59:5

Igenyi koikab erenet, ak kola gotab kibroroktet: meei ne amei koikwak, ak mong’une erenet koita ne kagitui.

JEREMIA 51:6

Omwei eng’ Babulon, ingosor chi age tugul sobondanyi; amat ongobarak tengektanyi: amu betutab yaaktaetab mugetut ne bo Jehovah; yaakyin inendet mugetut.

JEREMIA 6:10

Ang’alaljini ng’o, ak abaorianji, si kobiit kogas? Ogeero, ma kimuratan itikwak, amaimuchi koeb it: ogeero, kaek ng’olyotab Jehovah tewernatet eng’ ichek; maboiboitune.

MATAYO 12:24

Ago kingogas Parisaik, kole, Maonei chichi oik, kobate eng’ Beelsebul ne o ne bo oik.

MATAYO 12:34

Okwek lagokab erenok che ng’wonen, omuktoi ano okwek, che o yaach, omwa tuguk che miach? Amu ng’alali kutit che nyiitat muguleldo.

MATAYO 15:12

Kibwa anyun alamalyennyi kolenji, Ingen ile kaginach Parisaik, ye kangogas mwaoni?

MATAYO 16:1

Kibwa anyun Parisaik ak Sadukaik, ak kotiem inendet kosom koborji kaborunet ne bunu kipsengwet.

MATAYO 16:6

Ak kilenji Jesu, Oeb it, oribege mermerek che bo Parisaik, ak Sadukaik.

MATAYO 22:15

Kiba anyun Parisaik, koruoch ole namdoi inendet eng’ ng’alekyik.

MATAYO 22:23

Kibwanji inendet betunoto Sadukaik, che mwaei kole, mami ng’eetyetab che kigobek: ak koteebe,

MATAYO 22:34

Ago ye kingogas Parisaik kole kagonam kut ng’alekyik Sadukaik, koyumgei.

MATAYO 23:33

Okwek erenok, o lagokab erenok che ng’wonen, ochilildoi ano eng’ kiruogetab Gehenna!

MATAYO 5:20

Amu amwawok ale, ngot ko masiir imandang’wong’ imanda ne bo sirik ak Parisaik, ko moite bounatetab kipsengwet matiny.

MARIKO 12:13

Ak kiiyokyi Parisaik alak ak che bo Herodik, si korate ng’alekyik.

MARIKO 12:18

Ak kibwanji inendet Sadukaik, che mwaei kole, mami ng’eetyet, ak koteebe inendet, kole,

MARIKO 8:15

Ak kiitigon ichek, kolenji, Oripge, ak oribege mermerekab Parisaik ak mermerek che bo Herod.

LUKA 16:14

Ak kigas Parisaik tuguchuto tugul. Kichamei siling’isiek icheget, ak kororechi inendet.

LUKA 18:11

Kitonon Parisaindet kosa kong’alal inegei ko u ni kole, Jehovah, amwaun kongoi, amu ma ki kergei ak bik alak, che rebik, che ma bo iman, che ibegei, anan taagindoni bo aisurut.

LUKA 7:30

Ago kiesio Parisaik ak ng’omotikab Ng’atutik, kiruogutikab Jehovah, ma makyigei, amu kima ibatisan inendet icheget.

JOHANA 1:24

Ak icheget che kigiyok ko ki bo Parisaik.

JOHANA 8:44

O bo kwandang’wong’ oindet, ak ochame oyai magutikab kwandang’wong’. Ki rumindet koboch taunet, ama tononi eng’ imanit, amu mami imanit eng’ inendet. Ye mwaei lembech, komwaei agobo tugukyik: amu kiplembechwa inendet, ak kwanda ne bo noto.

JOHANA 9:40

Kigas tuguchuto alak che bo Parisaik che kimi koboto inendet, ak kolenji, Ki koriotin agachek?

POISYONIGAP CHE KIYOKTOI 15:5

Ago kitononso alak eng’ kasubikab Parisaik che iyanotin, kole, Kanyol kimuratan ichek, ak keng’at ichek korib Ng’atutietab Musa.

POISYONIGAP CHE KIYOKTOI 20:31

Oripse anyun, ak obwat ole ma abagakte atigon chi age tugul eng’ beekab kong’ eng’ kenyisiek somok kemoi ak bet.

POISYONIGAP CHE KIYOKTOI 26:5

ak kongena ichek koboch eng’ tai, nda chamei ichek kobaorian, ko u ye kia Parisaindet ne isubi biteet ne korom ne bo kayanennyo.

POISYONIGAP CHE KIYOKTOI 5:17

Ago kitonon tisiindet ne o, ak tugul che kimi koboto inendet (kasubikab Sadukaik choto), ak ki nyiitat ichek ng’et konda,

ROMANIK 1:18

Amu kigeng’any neregekab Jehovah kobun kipsengwet agobo bistoet tugul ak yaitiet tugul ne bo bik, che kirindoi imanit eng’ yaitiet;

ROMANIK 5:9

Ak ne siirei mising’ anyun, ko kagiityech imanda eng’ korotikyik, kesoruech eng’ neregekab Jehovah eng’ inendet.

1 THESSALONIKEK 1:10

ak ogeni Werinnyi ne bunu kipsengwet, ne kiing’eet komong’ eng’ che kibek, inendet Jesu, ne soruech eng’ nereknatet ne nyonei.

HEBRANIK 11:7

Kiyai Noa melit eng’ kayanet, kot kosor gonnyi, ye kingo kagiteechi agobo tuguk che kitomo kegeer, amu kiiywei Jehovah; kiiruokyine anyun ng’ony noto, ak kiek ne kinam imanda ne biitu eng’ kayanet.

HEBRANIK 6:18

si eng’ tuguk aeng’ che ma walaksei, che ma imugaksei eng’ Jehovah komwa lembech eng’ choto, kimuch anyun kenyoru kagaigaet ne kim, achek che kigemwechi toretet si kenam kamang’unet ne kiginde tainnyo;

1 JOHANA 3:10

Ng’ang’aksei lagokab Jehovah eng’ nito, ak lagokab oindet: chi age tugul ne mayaei imanda ko ma bo Jehovah, anan inendet ne machamei ne tupcho.