MATAYO 3:2 - BUKUIT NE TILIL

² kolen, Osigu; amu kagorik bounatetab kipsengwet.

Bukuit Ne Tilil

² koleen, “Osigu, amu kagoriik pounatetap kipsengwet.”

BUKUIT NE TILIIL Sireet ne Dutero Kanon

² koleen, “Osigu, amu kagoriik pounatetap kipsengwet.”

MATAYO 3:2 ပူးပေါင်းရင်းမြစ်များ

1 LAITORINIK 8:47

ago ngot kobwatgei eng’ emet ne kigimut koek luulenik, ak kosik, ak korirjin eng’ emetab bik che kiimut ichek koluul, kole, Kigeyai tengekto, kigeyai kit ne imaasat, kigeyai kit ne ya kot;

Kitabuutap JOB 39:12

Tos imang’u inendet, ile koibun kesweguk kobwa ga, Ak koyumji bek ole kiborse?

Kitabuutap JOB 42:6

Kaasasge anyun amu noto, kasigu Eng’ temburiek ak orek.

EZEKIEL 33:11

Mwachi ichek ilenji, Ko u ye asobe, mwaei Kiptaiyat Jehovah, ko mabaibaitune meetab kiptengekyot; ago abaibai ngo week kiptengekyot kometo orennyi, ak kosob: oweege, oweege, omete ortinwekwok che yaach; amu nee si obegu, ee gotab Israel?

DANIEL 2:44

Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

MATAYO 10:7

Ak ye obendi, oamde ole, Kagorik bounatetab kipsengwet.

MATAYO 11:20

Kitoi anyun koger kong’ nganasok che kigiyae boisionikyik che bo kamuktaet, che chang’ kosiir, amu kima sik.

MATAYO 12:41

Tun tonondos murenik che bo Ninebe koboto ibini eng’ kiruoget, ak kogikyi: amu kisik eng’ mwaitaet ne bo Jona; ak ogeero, mi yu ne o kosiir Jona.

MATAYO 13:11

Ak kiwolji ichek kolenji, Kagegonok onai ung’otik che bo bounatetab kipsengwet, ago ma kigochi ichek.

MATAYO 13:24

Kiiborji kalewenet age kolenji, Kergei bounatetab kipsengwet ak chito ne kigolji keswek che miach mbarennyi:

MATAYO 13:31

Kiiborji kalewenet age kolenji, Kergei bounatetab kipsengwet ak keswotab karadali, ne kiib chito ak kominji mbarennyi:

MATAYO 13:33

Kimwachi kalewenet age kolenji, Kergei bounatetab kipsengwet ak mermerek, che kinam kobogoriot, ak koburukto busiek che bo kitongok somok, agoi kogut tugul.

MATAYO 13:47

Kogeny, kergei bounatetab kipsengwet ak regereiywot ne kiname njirenik, ne kigiwirji nyanjet, ak koyum alak tugul che terotin.

MATAYO 13:52

Ak kilenji ichek, Amu noto anyun, sirindet age tugul ne kiginet komie ng’alekab bounatetab kipsengwet, ko kergei ak chito ne bo got, ne inemu tuguk che leelach ak che bo keny, eng’ ole konore tugukyik che bo magornatet.

MATAYO 18:23

Noto anyun kiyanie bounatetab kipsengwet laitoriat anum, ne machei koiit tuguk koboto otwogikyik.

MATAYO 20:1

Amu kergei bounatetab kipsengwet ak chitab kobo got, ne kimusta karon koguur meek kobwa mbarennyi ne bo sabibuk.

MATAYO 22:2

Kiyanie bounatetab kipsengwet laitoriat anum, ne kiyachi werinnyi igortab katunisiet,

MATAYO 23:13

Ago bwa okwek, sirik ak Parisaik, chombilik! Amu ogere bik bounatetab kipsengwet: amu moite okweget oloto, amochamjini che machei koit oloto, koba.

MATAYO 25:1

Kiyanie anyun bounatetab kipsengwet bergeinik taman, che kiib taisiekwak, koba kotorokta sandetab katunisiet.

MATAYO 25:14

Amu u ye wendi chi emet age, ak koguur otwogikyik, ak kogochi tugukyik.

MATAYO 4:17

Koboch yoto kotoi Jesu koamda, ak kole, Osigu; amu kagorik bounatetab kipsengwet.

MATAYO 4:23

Ak kiwendoti Jesu eng’ Galili komugul, konetisioti eng’ sunagogisiekwak, ak koamdaati logoiywek che miach che bo bounatet, ak kosobooti che tinyei korotwek alak tugul ak mianwek alak tugul eng’ bik.

MATAYO 5:10

Boiboen che kageusaus agobo imanda: amu nenywa bounatetab kipsengwet.

MATAYO 5:3

Boiboen che bonon eng’ tamirmiriet: amu nenywa bounatetab kipsengwet.

MATAYO 6:10

Ingonyo bounateng’ung’. Ingoyaak eng’ ng’ony mageng’ung’, ko u ye kiyaei eng’ kipsengwet.

MATAYO 6:33

Ago ocheng’ korok bounatennyi, ak imandanyi; si keteswok tuguchu tugul.

MARIKO 1:15

kolen, Kagosulda betusiek, ak kagorik bounatetab Jehovah: osigu, ak oyan logoiywek che miach.

MARIKO 1:4

Kinyo Johana, kobatisanis eng’ surkwen ak koamdoi kabatisanet ne bo sigunet agobo nyoetab kaat ne bo tengekwogik.

MARIKO 6:12

Kimanda anyun, koba koamdaat kole kanyol kosik bik.

LUKA 1:16

Ak koweekyi lagokab Israel che chang’ Kiptaiyat Jehovah nenywa.

LUKA 11:20

Ago ngot aone oik eng’ mornetab Jehovah, ko kanyonjok anyun bounatetab Jehovah.

LUKA 13:3

Amwawok ale, Achicha: ago, ngot ko mosigu okwek, olustosi okwek tugul ko u noto.

LUKA 13:5

Amwawok ale, Achicha: ago, ngot ko mosigu ak okwek, olustosi tugul ko u noto.

LUKA 15:10

U noto anyun, amwawok ale, mi boiboiyet eng’ taitab malaikaisiekab Jehovah eng’ kiptengekyot agenge ne kasik.

LUKA 15:7

Amwawok ale, egu ko u noto tun agine boiboiyet eng’ kipsengwet agobo kiptengekyot agenge ne kasik, ne siirei bik che bo iman tamanwogik sogol ak sogol, che mamage kiy sigunet.

LUKA 16:30

Ago kile, Achicha, baba Abraham: ago ngot kwo chi ole mi ichek ne bunei oldab che kigobek, kosigu.

LUKA 21:31

U noto anyun ak okwek, ye ogeer koyaagis tuguchuto, onai ole karik bounatetab Jehovah.

LUKA 24:47

ak keamdaat eng’ bororiosiek tugul sigunet ak nyoetab kaat ne bo tengekwogik eng’ kainennyi, kitaune Jerusalem.

LUKA 6:20

Ak kigeerot alamalyennyi, ak kole, O boiboen okwek che o bonon: amu neng’wong’ bounatetab Jehovah.

LUKA 9:2

Ak kiiyokto koamda bounatetab Jehovah, ak kosoob che miandos.

POISYONIGAP CHE KIYOKTOI 11:18

Ak kingogas ng’alechuto, kosisyo, kolos Jehovah, ak komwa kole, Kaga kagogochi Jehovah Bororiosiek agichek sigunet ne ibu sobondo.

POISYONIGAP CHE KIYOKTOI 17:30

Kima mage kiy anyun Jehovah betusiek che kima komi naet; ago kang’at nguno kole kosik bik tugul eng’ komosta age tugul:

POISYONIGAP CHE KIYOKTOI 2:38

Kolenji Petero ichek, Osigu, si kibatisan age tugul eng’ okwek eng’ kainetab Jesu Kristo agobo nyoetab kaat ne bo tengekwogikwok; si otaach konunetab Tamirmiriet ne Tilil.

POISYONIGAP CHE KIYOKTOI 20:21

abaorianjini Yahudik koboto Yunanik sigunet eng’ taitab Jehovah ak kayanet eng’ Kiptaiyandennyo Jesu Kristo.

POISYONIGAP CHE KIYOKTOI 26:20

ago kiaborji che mi Damasko korok, ak eng’ Jerusalem, ak eng’ emet komugul ne bo Judea, ak eng’ Bororiosiek agichek, si kosik ak koyan Jehovah, koyaei boisionik che nyoljin sigunet.

POISYONIGAP CHE KIYOKTOI 3:19

Osigu anyun ak owalage, si kobiit kibukto tengekwogikwok, si kobwa anyun betusiek che bo kamuung’et che bunu taitab Kiptaiyat;

2 KORINTOEK 7:10

Amu arogenet ne tokyingei Jehovah koyaei sigunet agoi yetunet, ne matinyei ndara: ago arogenet ne bo ng’onyuni koibu meet.

KOLOSAIK 1:13

ne kisoruech kemong’une kimnatetab mesundeito, ak kouutech kebe bounatetab Werit ne bo chamnyennyi;

2 TIMOTEO 2:25

ne kere kong’ eng’ mutyonet ichek che kirindoi; tamangab kogochi Jehovah ichek sigunet ne bo naetab imanit,

HEBRANIK 6:1

Noto anyun ongebagakte mata ongeng’alale ng’alek che bo tai che bo Kristo, ak ongigiilge agoi keit ne igesunotgei; amata onginde lumeiywot ne bo sigunet ne bunu boisionik che meiyotin, ak ne bo kayanet eng’ Jehovah,

2 PETERO 3:9

Maigaegei Kiptaiyat eng’ arorutiennyi, ko u ye iiti alak kagaetab ge; ago muitoi agobo okwek, mamachei kolus chi age tugul, ago machei kobwanji tugul sigunet.

NG'ANG'UTYET 2:21

Ak kiagochi boroindo ale si kosik; ago machamei kosik eng’ soksennyi.

NG'ANG'UTYET 2:5

Ibwat anyun ole kiibute, ak isigu, ak iyai boisionik che bo tai; anan anyonjin, ak anemu keldab taing’ung’ eng’ komostanyi, ngot ko mesigu.