MATAYO 23:9 - BUKUIT NE TILIL

⁹ Amoguure chi eng’ ng’ony, baba: amu agenge Kwandang’wong’, inendet ne mi kipsengwet.

Bukuit Ne Tilil

⁹ Amoguure chii eng' ng'wony ‘abba,’ amu agenge Kwandang'wong', ineendet ne mi kipsengwet.

BUKUIT NE TILIIL Sireet ne Dutero Kanon

⁹ Amoguure chii eng' ng'wony ‘abba,’ amu agenge Kwandang'wong', ineendet ne mi kipsengwet.

MATAYO 23:9 ပူးပေါင်းရင်းမြစ်များ

2 LAITORINIK 13:14

Ak kinam Elisha miando ne kibar inendet: Ak kichorgei Joas laitoriatab Israel konyo ole mi inendet, ak korir agobo inendet, ak kole, Baba, baba, karitab Israel ak bik che lanyei mbartanyisiekyik!

2 LAITORINIK 2:12

Ak kigeer Elisha, ak kowaach kole, Baba, baba, karisiekab Israel ak bik che lanyei mbartanyisiechato! Ak kimata kogeer inendet kogeny: ak kinam ngoroikyik, ak kogerer kopcheune aeng’.

2 LAITORINIK 6:21

Ak kilenji laitoriatab Israel Elisha, ye kingogeer bichoto, Baba, abar? Abar?

MALAKI 1:6

Teechei werit kwandanyi, ak koteech otwogindet kiptaiyandennyi: ngot ko a kwanda anyun, ko mi ano teegistanyu? Ak ngot ko a kiptaiyat, komi ano kaiyweisiet ne kiywea? Mwawok Jehovah ne bo lugosiek, ee tisiik, che osase kainennyu. Ak omwae ole, Kigisas eng’ nee kaineng’ung’?

MATAYO 23:10

Amocham keguurenok kandoik: amu agenge kandoindeng’wong’, Kristo noto.

MATAYO 6:32

Amu cheng’ei tuguchu tugul Bororiosiek; amu ingen Kwandang’wong’ ne bo kipsengwet kole, obononi tuguchu tugul.

MATAYO 7:11

Ngot ongen okwek anyun, che o yaach, ogochi lagokwok kagochinoik che miach, ko tos siirei mising’ ne tia Kwandang’wong’ ne mi kipsengwet, tos maigochin che somei inendet tuguk che miach?

POISYONIGAP CHE KIYOKTOI 22:1

Che kitupche ak kwanisiekyok, ogas ng’alek che amwae nguno eng’ taing’wong’ che asorunege.

1 KORINTOEK 4:15

Amu ndotinye ribik elfusiek taman eng’ Kristo, ago motinye kwanisiek che chang’: amu kiasichok eng’ Kristo Jesu eng’ logoiywek che miach.

2 KORINTOEK 6:18

Ak aegu Kwanda eng’ okwek, Ak oegu werik ak tibik eng’ ane, Mwaei Kiptaiyat ne bo Kamuktaet.

HEBRANIK 12:9

Ak kigitinye kwanisiek che bo borwekyok che kiitigonech, ago kigigonyiti ichek: tos ma kaigai kiming’inityige Kwanda ne bo tamirmirik, ak kesopche?

1 JOHANA 3:1

Ogeero, chamnyet ne u nee ne kichamenech Kwanda, kot keguurenech lagokab Jehovah! Ago ki choto achek. Amu nito anyun, ko maingenech ng’ony, amu kima nai inendet.