MATAYO 2:23 - BUKUIT NE TILIL

²³ ak kinyo kotebe nganaset ne kiguure Nasaret: si kobiit kosulda ne kiga mwa maotik, kole, kiguure inendet Nasaretindet.

Bukuit Ne Tilil

²³ Ki tebee nganaseet ne kiguure Nazareth si kobiit kosulda ne ki kamwa maotik kole, “Kiguure ineendet Nazaretindet.”

BUKUIT NE TILIIL Sireet ne Dutero Kanon

²³ Ki tebee nganaseet ne kiguure Nazareth si kobiit kosulda ne ki kamwa maotik kole, “Kiguure ineendet Nazaretindet.”

MATAYO 2:23 ပူးပေါင်းရင်းမြစ်များ

KAITOSYEK 6:13

Ni ng’atutietab Nasiritindet, ye kagogesgei betusiekab katabanennyi: kimutu konyo kurgetab emait ne kituiyechin:

MATAYO 1:22

Ak kagoyaak tuguchu tugul, si kobiit kosulda ne kiga mwa Kiptaiyat eng’ maotiot, kole,

MATAYO 21:11

Ak kimwa tuiyosiek kole, Ni ko maotiot Jesu, ne bunu Nasaret ne bo Galili.

MATAYO 26:71

Ak kingo kagomanda kwo keter, kogeer chepto age inendet, ak kolenji ichek che kimi oloto, Kimi chichi agine koboto Jesu Nasaretindet.

MARIKO 1:24

kole, Kiting’ege nee ak inye, Jesu ne bo Nasaret? Kenyo ing’emech? Angenin ale, i Ne Tilil ne bo Jehovah.

MARIKO 1:9

Kinyo anyun Jesu eng’ betusiechoto, kobunu Nasaret ne bo Galili, ak kiibatisan Johana inendet eng’ Jordan.

LUKA 1:26

Kiiyokto Jehovah malaikaiyat Gabriel eng’ arawetab lo kwo nganaset ne bo Galili, ne kiguure Nasaret,

LUKA 18:37

Ak kimwachi ichek inendet kolenji, Jesu ne bo Nasaret ne siirtoi.

LUKA 2:39

Ak kingo kagoges tugul ko u Ng’atutietab Kiptaiyat, koweektagei koba Galili, agoi nganasenywa Nasaret.

JOHANA 18:5

Kowolji kolenji, Jesu ne bo Nasaret. Kolenji Jesu, A inendet. Ak kitononi koboto ichek Judas agine, ne king’wektoi inendet.

JOHANA 18:7

Kiteebe anyun ichek kogeny, kole, Ocheng’e ng’o? Ak kole, Jesu ne bo Nasaret.

JOHANA 19:19

Ak kisir anyun Pilato siret, ak konde kimurtoiyot. Kigisir kele, JESU NE BO NASARET, LAITORIAT NE BO YAHUDIK.

POISYONIGAP CHE KIYOKTOI 2:22

Okwek bikab Israel, ogas ng’alechu: Jesu ne bo Nasaret, chito ne kiibarta Jehovah eng’ okwek eng’ boisionikab kimnatet ak kwong’utik ak kaborunoik, che kiyai Jehovah eng’ inendet eng’ kwenung’wong’, ko u ye ongen okwek;

POISYONIGAP CHE KIYOKTOI 24:5

amu kigegeer chichi kele inendet ko chi ne itoitos bich, ne ing’eeti chemereret eng’ Yahudik tugul eng’ ng’ony tugul, ak kandoindet ne bo kasubikab Nasaretik:

KIRUOGIK 13:5

amu, keero, imanachi, ak isich werit; ama kicheru sumeekyik; amu egu lakwanato Nasiritindet ne bo Kamuktaindet koboch komi mo: ak kotoi kosor Israel eng’ eunekab Pilistik.

1 SAMUEL 1:11

Ak kiyai kaarortaet ne kiarorto kole, Ee Jehovah ne bo lugosiek, ngot igeer nyalildab cheptang’ung’ ne otwoget, ak ibwata, ameutie cheptang’ung’ ne otwoget, ak igochi cheptang’ung’ ne otwoget werit, agochini anyun inendet Jehovah eng’ betusiekyik tugul kote kosobei, ama kicheru sumeekyik.