MATAYO 2:13 - BUKUIT NE TILIL

¹³ Ak kingo kagoba ichek, ogeero, komong’ji malaikaiyatab Kiptaiyat Josep eng’ karuotitoet, kolenji, Ng’eet, imut lakwet ne ming’in ak kamennyi, mwechi Misri, ak itebe oloto agoi tun amwaun: amu cheng’ei Herod kobar lakwet ne ming’in.

Bukuit Ne Tilil

¹³ Ye kingo kagoba icheek, komong'ji `malaikaiyatap Kiptaiyat Joseph eng' karwotitoet ak koleenji, “Ng'eet, imut lakweet ak kamennyi, mwechi Misiri ak itebee olooto agoi tuun amwaun amu cheeng'ei Herod kobar lakweet.”

BUKUIT NE TILIIL Sireet ne Dutero Kanon

¹³ Ye kingo kagoba icheek, komong'ji `malaikaiyatap Kiptaiyat Joseph eng' karwotitoet ak koleenji, “Ng'eet, imut lakweet ak kamennyi, mwechi Misiri ak itebee olooto agoi tuun amwaun amu cheeng'ei Herod kobar lakweet.”

MATAYO 2:13 ပူးပေါင်းရင်းမြစ်များ

1 LAITORINIK 11:17

kimwei anyun Hadad, inendet ak Edomik alak che bo otwogikab kwandanyi koboto inendet, koba Misri; kita ko lakwet ne ming’in Hadad.

1 LAITORINIK 3:5

Kimong’ji Jehovah Solomon eng’ Gibeon eng’ karuotitoet kemoi: ak kile Kamuktaindet, Som kit ne imache agonin.

Kitabuutap JOB 33:15

Eng’ karuotitoet, eng’ ng’ang’utiet ne bo kemoi, Ye nyonjin bik ruondo ne nyigis, Ye inuuktos eng’ itok;

Kitabuutap JOB 33:17

Si kobiit koisto chito eng’ kit ne tokyingei, Ak koung’e chito menotet:

KOMONG'U 1:22

Ak king’at Parao bikyik kolenji, Owirjini ainet werit age tugul ne kisichei, ak ounde chepto age tugul kosob.

MATAYO 1:20

Ago ye kingota kobwati tuguchu, ogeero, kimong’ji inendet malaikaiyatab Kiptaiyat eng’ karuotitoet, kole, Josep, weritab Daudi, ameiywei imutyige Maria osotiondeng’ung’: amu managat inendet eng’ Tamirmiriet ne Tilil.

MATAYO 10:23

Ago ye usok eng’ nganasani omwechi age: amu amwawok iman ale, Mobendi ogesu nganasok che bo Israel, ama it Weritab chi.

MATAYO 2:12

Ak kingo kagoteechi Jehovah eng’ karuotitoet kolenji, Amoweekyige Herod, konam anyun oret age koba emenywa.

MATAYO 2:14

King’eet anyun kemoi komut lakwet ne ming’in ak kamet, koba Misri;

MATAYO 2:16

Kingogeer Herod anyun, kole, kigong’al inendet bik che ng’omen, konerech mising’, ak kiiyokto, kebar lagok tugul che ng’etik che mi Betlehem, ak eng’ tabanwekyik tugul, koboch che bo kenyisiek aeng’ ak che tomo koit choto, eng’ betut ne kigine bik che ng’omen.

MATAYO 2:22

Ago ye kingogas kole bou Arkelau Judea eng’ bounatet ne ki bo kwandanyi Herod, koiywei kwo oloto; ak ye kiiteechi Jehovah eng’ karuotitoet, koweekyigei komoswekab Galili,

POISYONIGAP CHE KIYOKTOI 10:22

Ak kile, Kiiborji komie Jehovah Kornelio, eng’ malaikaiyat ne tilil, koyok bik kobwa koguurin iwe gonnyi ne inendet ko kiptaiyatab bogol, chito ne bo imanda ak koiywei Jehovah, ak baorianjin bororiet tugul ne bo Yahudik kole mie inendet, kole si kogasenen ng’alek.

POISYONIGAP CHE KIYOKTOI 10:7

Ak ye kingo kakwa malaikaiyat ne king’alalji inendet, koguur otwogik aeng’ che bo gonnyi, ak askarindet ne kigonyiti Jehovah ne ki age eng’ che kiboisiechin inendet kotugul;

POISYONIGAP CHE KIYOKTOI 12:11

Ak ye kingobwat Petero, komwa kole, Kaanai nguno iman, ale, kagoyok Kiptaiyat malaikaiyandennyi ak kasorua eng’ eutab Herod, ak eng’ kagenisiet tugul ne bo bikab Yahudik.

POISYONIGAP CHE KIYOKTOI 12:7

Ak ogeero, kitonon malaikaiyatab Kiptaiyat eng’ ye negite inendet, ak kiikweny lapkeiyet got: ak kiirabach karastab Petero, ak kong’eet kolenji, Ng’eet chokyi. Ak kiibutyo sirimwek che kimi eunekyik.

POISYONIGAP CHE KIYOKTOI 16:36

Ak kimwachi ribindetab korgoret Paulo ng’alechato, kole, Kagoyok kiruogik kole keundak obe: omong’u anyun ak obe eng’ kalyet.

POISYONIGAP CHE KIYOKTOI 5:19

Ago kiyat malaikaiyatab Kiptaiyat kurgotikab korgoret kemoi ak komut ichek komong’ sang’, ak kolenji,

POISYONIGAP CHE KIYOKTOI 7:19

King’omenji inendet bororiennyo, ak koyachi ne ya kwanisiekyok, si kolakta manyurunikwak si masopcho.

JOSHUA 3:13

Ak ye tononie kelyekab tisiik che ibei moingetab Jehovah, Kiptaiatab ng’ony komugul, beekab Jordan, kopcheigei anyun beekab Jordan, ak kotononso beek che bunu meto kototen.

JOSHUA 3:17

Ak kitononso tisiik che kiibei moingetab arorutietab Jehovah eng’ ole yaamat eng’ kwenutab Jordan, ak kilanda Israel tugul eng’ ole yaamat, kot kolanda bororiet tugul eng’ Jordan kogestagei.

JOSHUA 4:10

Amu kitonone kwenutab Jordan tisiik che kiibei moinget, agoi kobata tuguk tugul che king’at Jehovah Josua komwachi bik, ko u tugul che king’at Musa Josua: ak kiigirgir bik kolanda.

JOSHUA 4:18

Ak kingotogos tisiik che kiibei moingetab arorutietab Jehovah eng’ Jordan, ak ye kingotiech tisiik emet ne yaamat, kowekyigei beekab Jordan komostanywa, ak kosiir ngegusiekyik tugul ko u eng’ tai.

NG'ANG'UTYET 12:14

Ak kigigochi kwonyoto kebebaik aeng’ che bo kipsichit ne o, si kobiit kotirirene kwo ong’atet agoi oldanyi, ole kibae, eng’ betusiek, ak betusiek alak, ak kebebertab betusiek, koistoegei togetab erenet.

NG'ANG'UTYET 12:4

Ak ichuuti katutiennyi kebeberta agenge eng’ somok ne bo kecheikab kipsengwet, ak kowirji ng’ony: ak kitonon maswetit eng’ taitab kwonyoto ne kimachei kosigis, kole si ye sigis, koam lakwet.

NG'ANG'UTYET 12:6

Ak kimwei kwonyoto kwo surkwen, ole kiting’e komosta ne kiga kochopchi Jehovah, si kobiit kobai inendet eng’ oloto betusiek elfut agenge bogol aeng’ ak tamanwogik lo.