MATAYO 18:3 - BUKUIT NE TILIL

³ ak kole, Amwawok, iman, ale, Ngot ko mowalage, oige lagok che mengechen, ko moite bounatetab kipsengwet.

Bukuit Ne Tilil

³ ak kole, “Amwaiwok iman ale, ngot ko mowalage ak oige lagok che mengeech, ko moite pounatetap kipsengwet.

BUKUIT NE TILIIL Sireet ne Dutero Kanon

³ ak kole, “Amwaiwok iman ale, ngot ko mowalage ak oige lagok che mengeech, ko moite pounatetap kipsengwet.

MATAYO 18:3 ပူးပေါင်းရင်းမြစ်များ

TIENWOGIKAL 131:2

Kiabirge iman ak agochi sobondanyu kosis; Ko u lakwet ne kaluge kamet, U sobondanyu lakwet ne kagiluge.

ISAIAH 6:10

Yai mugulelwekab bichu konyigisitu, ak kotimogis itikwak, ak kogerogis konyekwak, si mageertoe konyekwak, ama kastoe itikwak, anan koguiyo eng’ mugulelwekwak, ak kowalogis, ak kisoob.

MATAYO 13:15

Amu kwalilenotin mugulelwekab bichu, Ak magastoi komie itikwak, Ak kiger ichek konyekwak; Si mageer eng’ konyekwak, Anan kogas eng’ itikwak, Anan koguiyo eng’ mugulelwekwak, Si koweek kogeny, Ak asoob ichek.

MATAYO 18:2

Ak kiguur lakwet ne ming’in konyo ole mi inendet, ak kotonone kwenunywa,

MATAYO 18:4

Noto anyun age tugul ne iming’inegei ko u lakwani ming’in, ko o noto eng’ tugul eng’ bounatetab kipsengwet.

MATAYO 19:14

Ago kile Jesu, Ochamji lagok che mengech, kobwanja, amoete: amu bo che u chuto bounatetab kipsengwet.

MATAYO 19:23

Ak kilenji Jesu alamalyennyi, Amwawok, iman, ale, Uui eng’ magoriot komong’ji bounatetab kipsengwet.

MATAYO 5:18

Amu amwawok iman ale, Agoi kosiirto kipsengwet ak ng’ony, ko masiirtoi agot tisiet anan kiy ne ming’in eng’ Ng’atutiet, agoi kosulda tuguk tugul.

MATAYO 5:20

Amu amwawok ale, ngot ko masiir imandang’wong’ imanda ne bo sirik ak Parisaik, ko moite bounatetab kipsengwet matiny.

MATAYO 6:16

Kogeny ye orugutge, ko moige chombilik, eng’ togochik che bo arogenet; amu walei togochikwak, si kogeer bik kole, koirugutgei. Amwawok, iman, ale, Kagonyor ichek melektanywa.

MATAYO 6:2

Noto anyun, ye igoite kagochinoiguk che bo rirenetab ge, ko mat iguut igondit eng’ taing’ung’, ko u ye yaei chombilik eng’ sunagogisiek ak ortinwek, si kobiit konyor kalosunet eng’ bik. Amwawok, iman, ale, Kagonyor ichek melektanywa.

MATAYO 6:5

Ak ye osae, ko moige chombilik; amu chamei ichek kosaei kotonondos eng’ sunagogisiek ak besiebor si kobiit kogeer bik ichek. Amwawok, iman, ale, Kagonyor ichek melektanywa.

MARIKO 4:12

si eng’ keeret kogeerei, ama ibestos; ak eng’ kaset kogasei, ama iguitos; si maweek, ak kenyochi kaat.

LUKA 13:24

Ogiilge obun kurget ne mariich: amu amwawok ale, cheng’ei tun che chang’ kobun yoto, ago matun imuchi.

LUKA 22:32

ago kiasa agobo inye, si mabek kayaneng’ung’: ak ye kaiwalage, igimit che otupche.

JOHANA 1:51

Ak kilenji, Amwawok, iman, iman, ale, Tatun ogeere kipsengwet koyatoksei, ak kotogostoi malaikaisiek che bo Jehovah ak kochorjigei Weritab chi.

JOHANA 3:3

Kowolji Jesu kolenji, Amwaun, iman, iman, ale, Ngot ko ma kisich chi eng’ siget ne leel, ko magoi imuch kogeer bounatetab Jehovah.

JOHANA 3:5

Kowolji Jesu kolenji, Amwaun, iman, iman, ale, Ngot ko ma kisich chi eng’ beek ak Tamirmiriet, ko magoi imuch komong’ji bounatetab Jehovah.

POISYONIGAP CHE KIYOKTOI 14:22

kogimitoti sobonwekab alamalyet, kogiili koba tai eng’ kayanet, ak kolenji, kanyol keit bounatetab Jehovah eng’ nyalilwogik che chang’.

POISYONIGAP CHE KIYOKTOI 28:27

Amu kwolilenotin mugulelwekab bichu, Ak magastoi komie itikwak, Ak kiger icheget konyekwak; Si mageer eng’ konyekwak, Anan kogas eng’ itikwak, Anan koguiyo eng’ mugulelwekwak, Si koweek kogeny, Ak asoob ichek.

POISYONIGAP CHE KIYOKTOI 3:19

Osigu anyun ak owalage, si kobiit kibukto tengekwogikwok, si kobwa anyun betusiek che bo kamuung’et che bunu taitab Kiptaiyat;

1 KORINTOEK 14:20

Che kitupche, amoegu lagok eng’ ng’omnatet: ago oegu lagok che nyerotin eng’ yaitio, ago oegu che kaoeegitu eng’ ng’omnatet.

1 PETERO 2:2

omach mising’ chego che bo ng’omnatetab tamirmiriet, che matinyei ng’alset, ko u manyurunik, si kobiit onerie agoi yetunet;

2 PETERO 1:11

amu kigonok ko u noto eng’ chang’indo ochut bounatetab koigeny ne bo Kiptaiyandennyo ak ko Yetindet Jesu Kristo.