MATAYO 16:16 - BUKUIT NE TILIL

¹⁶ Ak kiwol Simon Petero kole, I Kristo, Weritab Jehovah ne sobei.

Bukuit Ne Tilil

¹⁶ Ki wol Simion Petero kole, “Ii Kristo, weeriitap Kamuktaindet ne sabei.”

BUKUIT NE TILIIL Sireet ne Dutero Kanon

¹⁶ Ki wol Simion Petero kole, “Ii Kristo, weeriitap Kamuktaindet ne sabei.”

MATAYO 16:16 ပူးပေါင်းရင်းမြစ်များ

TIENWOGIKAL 2:7

Abartoi ng’atutiet: Kilenja Jehovah, I werinnyu; Kaasichin rani.

TIENWOGIKAL 42:2

Amei sobondanyu melelda amu machei Kamuktaindet, Kamuktaindet ne sobei: Auiyo ye anyone atoogu eng’ taitab Kamuktaindet?

DANIEL 6:26

Ang’ate ng’atutiet ale, Ingobotanso bik che mi bounatetab laitornatennyu ak koiyweis eng’ taitab Kamuktaindetab Daniel: amu inendet ko Kamuktaindet ne sobei, ak kotebyei koigeny, ak laitornatennyi ko maging’emei, ak kotebyei bounatennyi agoi kagesunet:

MATAYO 1:16

ak kisich Jakobo Josep manong’otiotab Maria, ne kisich Jesu ne kiguure Kristo.

MATAYO 14:33

Ak kiilos inendet ichek che kimi moinget, kole, Iman i Weritab Jehovah.

MATAYO 16:15

Kolenji, Ago olen okwek a ng’o?

MATAYO 26:63

Ago kisis Jesu. Ak kilenji tisiindet ne o, Ayosieun eng’ Jehovah ne sobei, ale, mwawech ngo i Kristo, Weritab Jehovah.

MATAYO 27:54

Ak ye kingogeer kiptaiyatab bogol ak icheget che kimi koboto inendet koribei Jesu, botanetab ng’ony ak tuguk che kayaagis, koiywei mising’, kole, Iman Weritab Jehovah chichi.

MATAYO 4:3

Ak kinyo yomindet ak kolenji, Ngo i Weritab Jehovah, ing’at koichu koek makatinik.

MARIKO 14:61

Ago kisis, ama wol kiy. Kiteebe kogeny tisiindet ne o, kole, I Kristo inye, Weritab Ne Iberurot?

LUKA 2:11

amu kagisikwok Yetindet rani, eng’ nganaset ne bo Daudi, noto Kristo Kiptaiyat.

JOHANA 1:49

Kowolji Natanael kole, Rabbi, i Weritab Jehovah; i Laitoriatab Israel.

JOHANA 11:27

Kolenji, We, Kiptaiyandani; kaayan ale i Kristo, Weritab Jehovah, ne nyonei ng’ony.

JOHANA 20:31

ago kigisir chu, si kobiit oyan ole Jesu ko Kristo, Weritab Jehovah; ak si kobiit ye oyani onyoru sobondo eng’ kainennyi.

JOHANA 6:57

Ko u ye kiiyokwa Kwanda ne sobei, ak asobe amu Kwanda; u noto inendet ne ama, sobei agine amu ane.

JOHANA 6:68

Kowolji anyun Simon Petero, kolenji, Kiptaiyandani, kibendi ole mi ng’o? Itinye ng’alek che bo sobondab koigeny.

JOHANA 6:69

Ak kigiyan ak kingen kele i Ne Tilil ne bo Jehovah.

POISYONIGAP CHE KIYOKTOI 14:15

kolen, Murenju, kalya si oyai tuguchu? Ki bik agachek, che kergei ak okwek, ak kagiibwok logoiywek che miach, si kobiit oweige omete tuguchu matilei kiy ak obwanji Jehovah ne sobei, inendet ne kiyaei kipsengwet ak ng’ony ak nyanjet, ak tugul che mi oloto:

POISYONIGAP CHE KIYOKTOI 8:36

Ak ye kingota kobendi eng’ oret, koit ye mi beek; kole chichoto, Keer beek-o; nee ne kera si ma kibatisana?

POISYONIGAP CHE KIYOKTOI 8:37

Ak kile Pilipu, Ngiyan eng’ muguleldang’ung’ tugul, kimuchi kibatisanin. Ak kiwol kole, Ayani ale Jesu Kristo ko Weritab Jehovah.

POISYONIGAP CHE KIYOKTOI 9:20

Ak ne matianit koamda agobo Jesu eng’ sunagogisiek kole, Inendet ko Weritab Jehovah.

ROMANIK 1:4

ne kigimwaita kele Weritab Jehovah eng’ kimnatet, ko u tamirmiriet ne bo tililindo, eng’ ng’eetyetab che kibek; Jesu Kristo Kiptaiyandennyo,

2 KORINTOEK 1:19

Amu Weritab Jehovah, Jesu Kristo, ne kigiamde eng’ kwenung’wong’, ane ak Silbano ak Timoteo, ne kima ko ee ak achicha, ago eng’ inendet ko wei.

2 KORINTOEK 3:3

obortoige ole o baruet ne bo Kristo, ne kigiyai, ne kigisir ama eng’ wino, ago eng’ Tamirmiriet ne bo Jehovah ne sobei; ma eng’ koik che lebelen, ago eng’ koik che lebelen che mugulelwek che bo borwek.

2 KORINTOEK 6:16

Ak ting’egei nee hekalut ne bo Jehovah ak kanamonik? Amu ki hekalut ne bo Jehovah ne sobei; ago ko u ye kimwa Jehovah kole, Amenye ichek, ak awendote ichek; Ak aegu Jehovah nenywa, Ak koek ichek bikyuk.

NG'ATUTIK 5:26

Chi ng’o eng’ bik tugul, ne kigas kutitab Kamuktaindet ne sobei, kong’alali eng’ mat, ko u ye kigigas, ak kosob?

1 THESSALONIKEK 1:9

Amu icheget che ibortoi agobo achek ole kigibwanunde oldang’wong’; ak ko u ye kioweekyige Jehovah olakte kanamonik, si kobiit oot Jehovah ne sobei ak ko ne bo iman,

1 TIMOTEO 3:15

ago ngot agage, imuchi inai ole kanyol kotepto bik eng’ gotab Jehovah, noto kanisetab Jehovah ne sobei, toloita ak irimetab imanit.

1 TIMOTEO 4:10

Kiyae anyun boisiet ne o amu nito ak kigiilige, amu mitei kamang’unennyo Jehovah ne sobei, inendet Yetindetab bik tugul, ago ne siirei ko bo bik che iyani.

HEBRANIK 10:31

Kit ne bichii kot kibutyi eunekab Jehovah ne sobei.

HEBRANIK 12:22

ago kaoit okwek tulwetab Sion, ak nganaset ne bo Jehovah ne sobei, Jerusalem ne bo kipsengwet, ak tuiyosiek che bo malaikaisiek che ma iitoksei,

HEBRANIK 3:12

Oripge anyun che kitupche, si mabiit chi age tugul eng’ okwek ne tinyei muguleldo ne ya ne bo bistoet, koistoegei Jehovah ne sobei:

HEBRANIK 9:14

kotilili anyun ne tia korotikab Kristo, ne kiigochigei Jehovah eng’ Tamirmiriet ne bo koigeny, ko matinyei berut, kotilil kabwateng’wong’ eng’ boisiosiek che meiyotin si oboisiechi Jehovah ne sobei!

1 JOHANA 4:15

Age tugul ne ng’anyei kole Jesu ko Weritab Jehovah komenyei Jehovah eng’ inendet, ak komenyei inendet Jehovah.

1 JOHANA 5:20

Ak kingen kele kigonyo Weritab Jehovah, ak kigogonech kaguiyet, si kobiit kenai inendet ne bo iman, ak kemi eng’ inendet ne bo iman, eng’ Werinnyi Jesu Kristo. Nito ko Jehovah ne bo iman, ak sobondab koigeny.

1 JOHANA 5:5

Ak ng’o inendet ne iterteri ng’ony, kobate inendet ne iyani kole Jesu ko Weritab Jehovah?

NG'ANG'UTYET 7:2

Ak kiageer malaikaiyat age kotogosta kobunei kong’asis, kotinyei ng’oksetab Jehovah ne sobei: ak kimwachi malaikaisiek ang’wan eng’ kutit ne o, che kigigochi kong’em ng’ony ak nyanjet,