MATAYO 13:57 - BUKUIT NE TILIL

⁵⁷ Ak kiinach ichek ng’alekyik. Ago kilenji Jesu ichek, Mabetyin maotio teegisto, kobate eng’ emennyi, ak eng’ gonnyi.

Bukuit Ne Tilil

⁵⁷ Ki inach icheek ng'aleekyik. Ago ki leenji `Jeso icheek, “Nyooru maotyo teegis, kobatee eng' emennyi, ak eng' koonnyi.”

BUKUIT NE TILIIL Sireet ne Dutero Kanon

⁵⁷ Ki inach icheek ng'aleekyik. Ago ki leenji `Jeso icheek, “Nyooru maotyo teegis, kobatee eng' emennyi, ak eng' koonnyi.”

MATAYO 13:57 ပူးပေါင်းရင်းမြစ်များ

ISAIAH 49:7

Mwaei ko u ni Jehovah, katiagindetab Israel, ak ko Nenyi ne Tilil, inendet ne sasei bik, inendet ne wechei bororiet, ne otwogindetab bounik: Tun keerei laitorinik ak kong’eetyo; ak kogutung’so bounik; amu Jehovah ne kiyani, Inendet ne Tilil ne bo Israel, ne kilewenin.

ISAIAH 53:3

Kigisas, ak kiesio bik inendet; chitab arogenosiek, ne ingen ng’wanindo: ak kigisas inendet ko u chito ne ung’e bik togochikwak, ama kiit inendet kele kiy.

ISAIAH 8:14

Ak koek inendet ole tilil; ago egu koita ne inachi bich ak ruandet ne riichei bich eng’ gorik tuwai che bo Israel, koek mestet ak mestet age ne ter eng’ bik che menyei Jerusalem.

MATAYO 11:6

Ak baibai age tugul ne manyorunena kanagut eng’ ui tugul.

MATAYO 13:58

Ak kima yai boisionik che chang’ che bo kimnatet eng’ oloto amu bistoenywa.

MARIKO 6:1

Ak kimong’ eng’ oloto; ak konyo agoi emennyi; ak kiisub inendet alamalyennyi.

MARIKO 6:14

Ak kigas laitoriat Herod agobo noto; amu kiga konaak kainennyi; ak kole, Kagong’eet Johana Kabatisanindet eng’ che kibek, noto anyun boisiei kimnatosiechu eng’ orinnyi.

MARIKO 6:3

Tos ma musogindet nito, weritab Maria, ne tupcho ak Jakobo, Joses, Juda, ak Simon? Ak tos mami kobotech eng’ olinyo chepkametisiekyik? Ak kinyor kanagutiet eng’ inendet.

MARIKO 6:4

Ak kilenji Jesu ichek, Mabetyin maotio teegisto, kobate eng’ emennyi, ak eng’ che bo orennyi, ak eng’ gonnyi.

LUKA 4:24

Ak kilenji, Amwawok iman, ale, Mami maotiondo ne chamaksei eng’ emennyi.

LUKA 7:23

Ak baibai age tugul ne manyorunena kanagut.

JOHANA 4:44

Amu kibaorian Jesu inendet kole, matinyei maotiondo teegisto eng’ emennyi.

JOHANA 6:42

Ak kile, Tos ma Jesu nito, weritab Josep, ne kingen kwandanyi ak kamet? Lyon anyun si komwa kole, Kiachoruge eng’ kipsengwet?

JOHANA 6:61

Ago kinai Jesu eng’ orinnyi kole, Ing’unyng’ung’jin alamalyennyi ng’olyondonito, kolenji ichek, Tos kagonachak nito?