MATAYO 13:30 - BUKUIT NE TILIL

³⁰ Ingobityo tugul agoi kesisiet; ak eng’ betutab kesisiet amwachi kesik, alenji, Oyum korok chemulbainik, ak orat ratutik si obeel: ak oyumji chogennyu bek.

Bukuit Ne Tilil

³⁰ Ingobiityo tugul agoi kesisyet, ak eng' peetuutap kesisyet, ang'at kesik si koyum korook chemulbainik ak korat ratuutik si kebeel, yeityo koyumji chogennyu peek.’ ”

BUKUIT NE TILIIL Sireet ne Dutero Kanon

³⁰ Ingobiityo tugul agoi kesisyet, ak eng' peetuutap kesisyet, ang'at kesik si koyum korook chemulbainik ak korat ratuutik si kebeel, yeityo koyumji chogennyu peek.’ ”

MATAYO 13:30 ပူးပေါင်းရင်းမြစ်များ

2 SAMUEL 23:7

Ago chito ne namei Ko kanyol kotinyei karik ak irumetab ng’otit; Ak kibeelei eng’ mat kogesgei eng’ komostanywa.

Kitabuutap JOB 39:12

Tos imang’u inendet, ile koibun kesweguk kobwa ga, Ak koyumji bek ole kiborse?

ISAIAH 17:5

Ak kergeitu ak ye iyumi bek kesindet, ak kesei eunnyi bek; ee kergeitu ak ye kesei chito bek eng’ atebwetab Repaim.

MALAKI 3:18

Yeityo oweege ak obesie chito ne bo iman ak kiptengekyot, ak obesie inendet ne otei Kamuktaindet ak ne maotei.

MATAYO 13:25

ago, ye kita koruitos bik, konyo bunyondennyi ak kogolji chemulbainik ole mi bek, ak kwo.

MATAYO 13:29

Ago kile, Achicha; si ma ye otuti chemulbainik, otutunde bek.

MATAYO 25:32

ak kiyumji tainnyi bororiosiek tugul: ak kokwei ichek kobesio, ko u ye ibestos mestowot kechirek ak ng’ororek:

MATAYO 25:41

Kolenji anyun ichek che mi eutab katam, Oba eng’ ole ami, okwek che o chubotin, oba mat ne bo koigeny ne kigechopchi oindet ak malaikaisiekyik:

MATAYO 3:12

tinyei eng’ eunnyi keibennyi, ak kotilili komie ruanyut; ak koyumji nganok chogennyi, ak kobeele metetek mat ne ma misoksei.

LUKA 3:17

tinyei keibet eng’ eunnyi, ak kotilili komie ruanyut, ak koyumji nganok chogennyi; ago beelei metetek eng’ mat ne ma misoksei.

JOHANA 15:6

Ngo mamenya chi, kewirtoi inendet ko u temetab ketit, si koyaam; ak koyum bik, ak kowirji ma, ak kolalyo.

1 KORINTOEK 4:5

Noto anyun amat oruokyi kiy kotom koit betut, agoi konyo Kiptaiyat, ne tun ng’anyei tuguk che ung’otin che bo mesundeito, ak kobarta kabwatutik che bo mugulelwek; si konyor chi age tugul anyun kalosunennyi eng’ Jehovah.

1 TIMOTEO 5:24

Toogunotin tengekwogikab bik alak, indoe kobendi kiruoget; ak che bo bik alak agichek kosubi ichek.

1 SAMUEL 25:29

Ak nganda ng’eet chi koonatin, ak kocheng’ sobondang’ung’, ko kigiratyi sobondab kiptaiyandennyu ratutietab sobondo koboto Jehovah Kamuktaindeng’ung’; ak wirtoi inendet sobondab buniguk, ko u ye kiwirtoe kondab borowet.