MATAYO 13:23 - BUKUIT NE TILIL

²³ Ak inendet ne kigilechi ng’ung’unyek che miach, ko inendet ne kasei ng’olyot, ak koguiyo; ne yiei logoek iman, alak bogol, alak tamanwogik lo, alak sosom.

Bukuit Ne Tilil

²³ Ne ki kilechi ng'ung'unyek che myach, ko ineendet ne kasei ng'olyoot ak koguiyo, ne yiei logoek iman, alak pogol, alak tamanwogik lo, ak alak sosom.”

BUKUIT NE TILIIL Sireet ne Dutero Kanon

²³ Ne ki kilechi ng'ung'unyek che myach, ko ineendet ne kasei ng'olyoot ak koguiyo, ne yiei logoek iman, alak pogol, alak tamanwogik lo, ak alak sosom.”

MATAYO 13:23 ပူးပေါင်းရင်းမြစ်များ

EZEKIEL 18:31

Omete bistaosiekwok tugul che kigogonok obistoe; ak ochopchige muguleldo ne leel ak tamirmiriet ne leel: amu nee si obegu, ee gotab Israel?

EZEKIEL 36:26

Agonok kogeny muguleldo ne leel, ak andeok tamirmiriet ne leel: ak aiste muguleldo ne u koita eng’ borwekwok, ak agonok muguleldo ne bo banyek.

MATAYO 12:33

Anan oyai ketit komieit, ak logoekyik; anan oyai ketit koyait, ak logoekyik; amu kinae ketit logoekyik.

MATAYO 13:8

ak kiibutyi alak ng’ung’unyek che miach, ak koiyo, alak bogol, alak tamanwogik lo, ak alak sosom.

MATAYO 3:10

Agot nguno ko kaginde aiywet tigitikab ketik: kiebei anyun ketit age tugul ne maiyiei logoek che miach, ak kewirji ma.

MATAYO 3:8

Oi anyun logoek che nyoljin sigunet:

MARIKO 10:15

Amwawok iman ale, Chi age tugul ne mataachei bounatetab Jehovah ko u lakwet ne ming’in, ko maitei oloto matiny.

MARIKO 4:20

Ak choto che kagilechi ng’ung’unyek che miach; ko icheget che kasei ng’olyot, ak kotaach, ak koiiyo logoek, sosom, ak tamanwogik lo, ak bogol.

LUKA 13:9

ak ngo ii logoek kong’eete nguno, ko mie; ak ngo maii, ieb anyun kolul.

LUKA 8:15

Ak che mi ng’ung’unyek che miach, ko icheget, che ye kagogas ng’olyot, konam komie, eng’ mugulelwek che bo telunatet ak ko miachen, ak koiiyo logoek eng’ kagiiletab ge.

LUKA 8:8

Ak kiibutyi alak ng’ung’unyek che miach, ak kobityo, ak koi age tugul bogol. Ak ye kita komwaei tuguchu, komwa eng’ kutit ne o, kole, Inendet ne tinyei itik che kastoe, kogas.

JOHANA 15:16

Kima olewena, ago kialewenok, ak kiandeak, ale obe ak oii logoek, si kobiit kotebi logoekwok: si kobiit kogonok Kwanda kit age tugul ne osome eng’ kainennyu.

JOHANA 8:47

Inendet ne bo Jehovah kogasei ng’alekab Jehovah: noto anyun mogase okwek, amu mobo Jehovah.

POISYONIGAP CHE KIYOKTOI 16:14

Ak kigasech kobogoriot age, ne kigiguure Ludia, aldaindetab ngoroik che arusen ne birir, ne bo nganaset ne kiguure Tuatera, ne kiilosu Jehovah: ne kiyat Kiptaiyat muguleldanyi, si koepchi it tuguk che kimwaei Paulo.

POISYONIGAP CHE KIYOKTOI 17:11

Ak ki miachen bichu kosiir choto bo Tesalonike, amu kitaach ng’olyot ak kocham mising’, kosiachi sirutik betut age tugul, si kobiit konai ngo iman tuguchu.

2 KORINTOEK 9:10

Ak inendet ne igochin keswek kolindet ak amitwogik che amei, kogonok ak kotesei keswekwok che ogole, ak kotes logoekab imandang’wong’:

PILIPIK 1:11

ko o nyiitotin eng’ logoekab imanda, che bunu Jesu Kristo, agoi torornatet ak kalosunetab Jehovah.

PILIPIK 4:17

Ma kele acheng’e konunet; ago acheng’e logoek che tesoksei eng’ koiteng’wong’.

KOLOSAIK 1:10

si obendate ko u ye nyolu eng’ Kiptaiyat, oboiboi inendet, oitosi logoek eng’ boisiet age tugul ne mie, ak otesage eng’ naetab Jehovah;

KOLOSAIK 1:6

ne kigoityok; ko u ole teptoi agine eng’ ng’ony komugul koiyiei logoek ak ko tesoksei, ko u eng’ okwek, koboch betut ne kiogas ak onai mieindab Jehovah eng’ iman;

1 THESSALONIKEK 4:1

Ne bo let anyun, tupchosiechu, kesomok mising’ ak kiteeiywok eng’ Kiptaiyat Jesu, ko u ye kiotaach eng’ achek, ole kanyol obetite ak obaibaite Jehovah, agot ko u ye obendoti, si kobiit obaraitu mising’ inne.

2 THESSALONIKEK 2:10

koboto kenisiet tugul che ma bo imanda agobo ichek che lustos; amu ma taach chamnyetab imanit, si kobiit kesor.

HEBRANIK 4:2

Amu kigiamwech iman logoiywek che miach, ko u icheget: ago ma toret ichek ng’olyotab kaset, amu kima namgei ak kayanetab icheget che kigasei.

HEBRANIK 6:7

Amu emet ne kigoee ropta ne robonjin konyil che chang’ ak koii ngwek che nyoljin ichek che kigibatyin, konyoru kaberuret eng’ Jehovah:

HEBRANIK 8:10

Amu ni kayomiset ne tun kiyomisyinige ak gotab Israel. Ye ibata betusiechoto, mwaei Kiptaiyat; Andoi ng’atutikyuk kabwatutikwak, Ak asirji kogeny mugulelwekwak: Ak aegu Jehovah eng’ ichek, Ak koek bikyuk:

2 PETERO 3:18

Ago onerie eng’ mieindo ak naet ne bo Kiptaiyandennyo ak ko Yetindennyo Jesu Kristo. Nenyi torornatet nguno agoi koigeny. Amen.

1 JOHANA 5:20

Ak kingen kele kigonyo Weritab Jehovah, ak kigogonech kaguiyet, si kobiit kenai inendet ne bo iman, ak kemi eng’ inendet ne bo iman, eng’ Werinnyi Jesu Kristo. Nito ko Jehovah ne bo iman, ak sobondab koigeny.