MATAYO 13:11 - BUKUIT NE TILIL

¹¹ Ak kiwolji ichek kolenji, Kagegonok onai ung’otik che bo bounatetab kipsengwet, ago ma kigochi ichek.

Bukuit Ne Tilil

¹¹ Kowolji koleenji, “Kagegoonok onai ung'ootik che po pounatetap kipsengwet, ago ma kigoochi icheek.

BUKUIT NE TILIIL Sireet ne Dutero Kanon

¹¹ Kowolji koleenji, “Kagegoonok onai ung'ootik che po pounatetap kipsengwet, ago ma kigoochi icheek.

MATAYO 13:11 ပူးပေါင်းရင်းမြစ်များ

TIENWOGIKAL 25:14

Mitei ung’otietab Jehovah koboto ichek che iywei inendet; Ak koborji ichek arorutiennyi.

ISAIAH 29:10

Amu kirong’jok Jehovah tamirmirietab ruondo ne nyigis, kigoger konyekwok, choto ko maotik, ak kigotuch kandoikwok, choto ko keerik.

ISAIAH 29:11

Ak kagergeit eng’ okwek ng’ang’utiet tugul ak ng’alekab bukuit ne kiging’och, ne igochin bik chito ne inetat, kolenji, Asomin ale, soman bukuini: ak kole, Mamuchi, amu kiging’och.

ISAIAH 35:8

Ak kobiit oret ne o eng’ oloto, ak oret, ak kiguure oranato Oretab Tililindo; mabunei oranato che muruonen ago bunjin bichoto; ama betos eng’ oranato kiprutoinik, agot ngo berber.

MATAYO 13:10

Ak kibwa alamalyet, ak kolenji, Kalya si ing’alalji ichek eng’ kalewenaik?

MATAYO 16:17

Ak kiwol Jesu kolenji, Iberurot inye, Simon Barjona: amu kama ng’ang’un borto anan korotik, ago Baba ne mi kipsengwet.

MATAYO 19:11

Ago kilenji ichek, Temene bik tugul kotaach mwaoni, kobate ichek che kigochin.

MATAYO 20:23

Kolenji ichek, Oee iman kikombennyu: ago ma nenyu agochi kotebe eunnyu ne bo tai, ak eunnyu ne bo katam, ago bo ichek che kachopchi Baba.

MARIKO 10:40

ago ma ane ne igoitoi kotebe chi eunnyu ne bo tai anan eunnyu ne bo katam: ago bo icheget che kigechopchi.

MARIKO 4:11

Ak kilenji, Kagegonok okwek onai ung’otiet ne bo bounatetab Jehovah: ago ichek che mitei sang’, keyachin tuguk tugul eng’ kalewenaik:

LUKA 8:10

Ak kile, kagigonok okwek onai ung’otik che bo bounatetab Jehovah: ago kimwachin alak eng’ kalewenaik; si ye keertoi ko mageerei kiy, si ye kasei ko manaei.

JOHANA 6:65

Ak kile, Noto kamwawok, ale, magoi imuch chi konyonja, kobate ne igochin Kwanda.

JOHANA 7:17

Ngo machei chi age tugul koyai magetab Jehovah, konai konetisioni, ngo bo Jehovah, anan ngamwae anege.

POISYONIGAP CHE KIYOKTOI 16:14

Ak kigasech kobogoriot age, ne kigiguure Ludia, aldaindetab ngoroik che arusen ne birir, ne bo nganaset ne kiguure Tuatera, ne kiilosu Jehovah: ne kiyat Kiptaiyat muguleldanyi, si koepchi it tuguk che kimwaei Paulo.

ROMANIK 11:25

Amu mamache oegu che mongen ung’otioni, che kitupche, si moiityige ole o ng’omen eng’ loseng’wong’ bo ge, ale kanyonji Israel uuindo eng’ kebeber, agoi konyo nyiiet ne bo Bororiosiek;

ROMANIK 16:25

Nguno eng’ inendet ne imuchi kogimitok ko u logoiywekyuk che miach ak amdaetab Jesu Kristo, ko u ng’ang’utiet ne bo ung’ot ne kiga kiuny kosis koboch betusiek che bo koigeny,

1 KORINTOEK 13:2

Ak ngot atinye konunetab maoinatet, ak angen ung’otik tugul ak naet tugul, ak ngatinye kayanet tugul, kot amuch autoe tulonok, ago matinye chamnyet, ko a buch.

1 KORINTOEK 15:51

Ogeero, amwawok ung’otiet: Magiruitosi achek tugul, ago kiwalech achek tugul,

1 KORINTOEK 2:14

Mataachei chito ne mi eng’ atebetab borto tuguk che bo Tamirmirietab Jehovah: amu berberindo eng’ inendet; ak temene kobesio tuguchoto, amu naoksei eng’ tamirmiriet.

1 KORINTOEK 2:7

ago kimwae ng’omnatetab Jehovah eng’ ung’otiet, noto ne kigeuny, ne kiga sib kong’at Jehovah agobo torornatennyo ye kitom kobiit ng’ony:

1 KORINTOEK 4:1

Ingoiitech anyun chi kole ki kiboitinikab Kristo, ak ribik che bo ung’otikab Jehovah.

1 KORINTOEK 4:7

Amu tos ng’o ne kayain iegu ne ter? Ak nee ne itinye inye ne kima itaach? Ago ngo kiitaache, ko amu nee si ilosuge, ko u ye kima itaache?

EPESOEK 1:18

ko kagokweng’ogis konyekab mugulelwekwok, si kobiit onai kit ne u kamang’unetab kuursennyi, ak magornatosiekab torornatet ne bo borotennyi eng’ che tililen,

EPESOEK 1:9

ko kagoboruech ung’otiet ne bo magennyi, ko u chamennyi ne mie ne kichob eng’ inendet

EPESOEK 5:32

O ung’otioni: ago ang’alali agobo Kristo ak kaniset.

EPESOEK 6:19

Ak agobo ane, si kobiit kegona twegunet, ayat kutinnyu, abarta eng’ nyiganatet ung’otiet ne bo logoiywek che miach,

KOLOSAIK 2:2

si kobiit kigaigai mugulelwekwak, ak keropchin eng’ chamnyet, ak eng’ magornatosiek tugul che bo nyiietab kaguiyet, si kobiit konai ichek ung’otietab Jehovah, inendet Kristo,

1 TIMOTEO 3:16

Ak ne matiny, ko o ung’otiot ne bo kaiyweet ne kiywei Jehovah; Inendet ne king’ang’ak eng’ borto, Kigiityi imanda eng’ tamirmiriet, Ne kigeer malaikaisiek, Ne kigiamda eng’ Bororiosiek, Ne kiiyan che bo ng’ony, Ne kigimut kwo barak eng’ torornatet.

1 TIMOTEO 3:9

che namei ung’otietab kayanet eng’ kabwatet ne tilil.

JAKOBO 1:5

Ago ngot kobetyi chi age tugul eng’ okwek ng’omnatet, ko ingosom Jehovah, ne igochin tugul eng’ aiyebindo ama kere kong’; ak kigochin inendet.

1 JOHANA 2:20

Ak kigiilak eng’ Inendet ne Tilil, ak ongen okwek tugul.

1 JOHANA 2:27

Ak okwek anyun, komenyok kaiilet ne kionyoru eng’ inendet, ak manyol konetak chi; ago ko u ye inetok kaiilennyi agobo tuguk tugul, ak ko bo iman, ma lembech, ak ko u ye kigonetak, omeny inendet.