MATAYO 12:41 - BUKUIT NE TILIL

⁴¹ Tun tonondos murenik che bo Ninebe koboto ibini eng’ kiruoget, ak kogikyi: amu kisik eng’ mwaitaet ne bo Jona; ak ogeero, mi yu ne o kosiir Jona.

Bukuit Ne Tilil

⁴¹ Tuun tonondos piigap Nineveh ak ibini eng' kapkirwook ak korwookyi, amu kisik icheek eng' amdaetap Jona ak ogeero, mi yu ne oo kosiir Jona.

BUKUIT NE TILIIL Sireet ne Dutero Kanon

⁴¹ Tuun tonondos piigap Nineveh ak ibini eng' kapkirwook ak korwookyi, amu kisik icheek eng' amdaetap Jona ak ogeero, mi yu ne oo kosiir Jona.

MATAYO 12:41 ပူးပေါင်းရင်းမြစ်များ

ISAIAH 54:17

Magiberuri karnet age tugul ne kiyaei si kogirinden; ak igikyini ng’elyepta age tugul ne kirindoin eng’ kiruoget. Nito borotetab otwogikab Jehovah, ak imandanywa ne bunwa, mwaei Jehovah.

JEREMIA 3:11

Kimwawa Jehovah kolenja, Kiibartagei Israel ne kigogetyigei let kole bo iman kosiir Juda kaberberindet.

JONAH 1:2

Ng’eet, ui Ninebe, nganasanato o, ak ititenji; amu kagotogos yaitienywa tainnyu.

JONAH 3:4

Ak kitoi Jona kochut nganaset eng’ bandab betut agenge, ak kiititen kole, Tomo betusiek artamu si keng’em Ninebe.

MATAYO 12:39

Ago kiwolji kolenji, Ibinda ne ya ne bo ibetab ge ne cheng’ei kaborunet; ak magigochin kaborunet kobate kaborunetab maotiot Jona:

MATAYO 12:42

Ng’eetei tun laitoriat kobogoriot ne bo murot komostab tai koboto ibini eng’ kiruoget, ak kogikyi: amu kibun tabanwekab ng’ony si kogas ng’omnatetab Solomon; ak ogeero, mi yu ne o kosiir Solomon.

MATAYO 12:45

Kwo anyun komut tamirmirik alak tisab che yaach kosiir inendet, ak kochut ak komeny oloto: ak eng’ let koyaitu atebetab chichoto kosiir ne ki bo tai. Egu ko u noto agine eng’ ibini ya.

MATAYO 12:6

Ago amwawok ale, mi eng’ oli ne o kosiir hekalut.

MATAYO 16:4

Cheng’ei kaborunet ibinda ne ya ne bo ibetab ge; ago magiborjin kaborunet, kobate kaborunetab Jona. Ak kibagakta ichek ak kwo.

MATAYO 17:17

Ak kiwol Jesu kole, Ee ibinda ne matinyei kayanet ak komaasat, atebye ak okwek kot kotianit? Amuitoi kot kotianit agobo okwek? Imutwa inendet.

MATAYO 23:36

Amwawok, iman, ale, Bwanjin ibini tuguchu tugul.

LUKA 11:32

Tun tonondos bikab Ninebe ak ibini eng’ kiruoget, ak koruokyi: amu kisik ichek eng’ amdaetab Jona; ak ogeero, mi yu ne o kosiir Jona.

JOHANA 3:31

O inendet ne bunu barak kosiir tugul: inendet ne bo ng’ony ko bo ng’ony, ak ng’alali che bo ng’ony: inendet ne bunu kipsengwet ko o kosiir tugul.

JOHANA 4:12

I o inye eng’ kwandanyo Jakobo, ne kigonech keringoni, ne kiee inendet, ak werikyik, ak tukyik?

ROMANIK 2:27

Ak tos matun iruogun inendet ne ma kimuratan eng’ atebennyi, ngot koyai Ng’atutiet kosulda, inyendet ne i butindetab Ng’atutiet ak itinye ng’atutik che sirotin ak kamuratanet?

HEBRANIK 11:7

Kiyai Noa melit eng’ kayanet, kot kosor gonnyi, ye kingo kagiteechi agobo tuguk che kitomo kegeer, amu kiiywei Jehovah; kiiruokyine anyun ng’ony noto, ak kiek ne kinam imanda ne biitu eng’ kayanet.