MATAYO 11:11 - BUKUIT NE TILIL

¹¹ Amwawok, iman, ale, Tom kobiit ne siirei Johana Kabatisanindet eng’ che kisich kobogorisiek: ago inendet ne ming’in mising’ eng’ bounatetab kipsengwet ko o kosiir inendet.

Bukuit Ne Tilil

¹¹ Amwaiwok iman ale, tom kobiit ne siirei Johana Kabatisanindet eng' che ki sich kobogorisyek: ago ineendet ne ming'in miising' eng' pounatetap kipsengwet ko oo kosiir ineendet.

BUKUIT NE TILIIL Sireet ne Dutero Kanon

¹¹ Amwaiwok iman ale, tom kobiit ne siirei Johana Kabatisanindet eng' che ki sich kobogorisyek: ago ineendet ne ming'in miising' eng' pounatetap kipsengwet ko oo kosiir ineendet.

MATAYO 11:11 ပူးပေါင်းရင်းမြစ်များ

Kitabuutap JOB 14:1

Ng’ering’ betusiekab chi ne sichei kwondo, Ak ko chang’ nyalilwogikyik.

Kitabuutap JOB 14:4

Ng’o ne imuchi komoong’une ne anyiny ole ng’wan? Mami, agot agenge.

Kitabuutap JOB 15:14

Nee chi, kot kotililit? Ak nee inendet ne sichei kwondo kot kiit kele bo imanda?

Kitabuutap JOB 25:4

Imuktoi ano anyun chi koek ne bo iman eng’ tai Kamuktaindet? Ak tililitundoi ano inendet ne kisich kwondo?

TIENWOGIKAL 51:5

Keero, kigisikta tengekto; Ak kimanakta kamennyu chalwok.

ISAIAH 30:26

Kogeny, kogergeitu lapkeiyetab arawet ak ne bo asista, ak kotesak lapkeiyetab asista konyil tisab, koigei lapkeiyetab betusiek tisab, eng’ betut ne inyai Jehovah mookab bikyik, ak kosoob birutikab kaguotenenywa.

SEKARIA 12:8

Ribei Jehovah eng’ betunoto bik che menyei Jerusalem; ak koigei ne nyalulat eng’ ichek Daudi eng’ betunoto; ak koigei gotab Daudi Kamuktaindet, ko u malaikaiyatab Jehovah ne mi tainywa.

MATAYO 11:10

Nito ko inendet, ne kigisir kele, Keero, ayoktoi kiboitiondennyu kondoenen, Ne chobei oreng’ung’ eng’ taing’ung’.

MATAYO 11:12

Ak koboch betusiek che bo Johana Kabatisanindet agoi nguno koruachin bik bounatetab kipsengwet, ak namei bik che koromen eng’ kimnatet.

MATAYO 3:1

Ak kinyo eng’ betusiechoto Johana Kabatisanindet koamdaati eng’ surkwenetab Judea,

MATAYO 3:11

Abatisanok iman eng’ beek amu sigunet: ago tinyei kimnatet kosiira inendet ne isubwa, ma nyolu aipchinot kweonikyik: ibatisanok inendet eng’ Tamirmiriet ne Tilil ak mat:

MATAYO 5:19

Noto anyun, chi age tugul ne butei ng’atutiet agenge ne ming’in kot, eng’ ng’atutichu, ak koneti bik ko u noto, keguure inendet ne ming’in eng’ tugul eng’ bounatetab kipsengwet: ago chi tugul ne yaei ak koneti choto, keguure inendet ne o eng’ bounatetab kipsengwet.

LUKA 1:15

Amu tun egu ne o eng’ taitab Kiptaiyat, ama eei divaik anan maiyek; ago kinyiiti Tamirmiriet ne Tilil, koboch komi moetab kamet.

LUKA 7:28

Amwawok ale, Eng’ che kisich kobogorisiek ko mami ne o ne siirei Johana: kobate inendet ne ming’in eng’ bounatetab Jehovah ko o kosiir inendet.

LUKA 9:48

ak kilenji ichek, Chi age tugul ne taachei lakwani ming’in eng’ kainennyu ko kataacha: ak chi age tugul ne taacha ko kataach inendet ne kiiyokwa: amu inendet ne ming’in eng’ okwek tugul, ko noto ne o.

JOHANA 1:15

Kibaorianji inendet Johana, koititen kole, Inendet ni ne kiamwaitoi ale, Inendet ne isubwa koegu ne bo tai eng’ ane, amu ki bo tai inendet eng’ ane.

JOHANA 1:27

inendet ne isubwa, ne manyoljina atiach anokab kweonikyik.

JOHANA 10:41

Ak kibwanji che chang’ inendet; ak kole, Kima yai Johana kaborunet; ago tuguk alak tugul che kimwa Johana agobo chichi ko bo iman.

JOHANA 3:30

Nyoljin inendet koeet ne matiny, ago aming’initu.

JOHANA 5:35

Ki tait inendet ne kilalei kokweng’sei: ak kiocham oboiboitune lapkeiyennyi eng’ betusiek che matia.

JOHANA 7:39

Ago kimwaei nito agobo Tamirmiriet, ne tun taachei ichek che iyani inendet: amu kitom kegon Tamirmiriet; amu kitom kitoror Jesu.

1 KORINTOEK 15:9

Amu a ne ming’in eng’ che kiyoktoi, ne ma nyolu keguurena ne kiyoktoi, amu kiaus kanisetab Jehovah.

1 KORINTOEK 6:4

Ngot otinye ole kiruokyine tuguk che bo soboni, ko tos ondoi koek kiruogik ichek che magiiti kele kiy eng’ kaniset?

EPESOEK 2:3

che kigimenye agot achek tugul kwenunywa eng’ magutik che yaach che bo borto, keyae magutik che bo borto ak che bo kabwatutik, ak kigi lagokab nereknatet, eng’ siget, ko u alak:

EPESOEK 3:8

Kigigona mieini, ane, ne a ming’in kosiir inendet ne ming’in eng’ che tililen tugul: aamji Bororiosiek magornatosiekab Kristo che maisiagaksei;

2 TIMOTEO 1:10

ago kagotook nguno eng’ toogunetab Yetindennyo Kristo Jesu, ne kigobar meet, ak kong’any sobondo ak ng’emisiet ne ma komi, eng’ logoiywek che miach,

HEBRANIK 11:40

amu kisib kochobwech Jehovah kit ne mie kosiir, si ma kiyai koek che igesunotingei ama kimi.

1 PETERO 1:10

Kicheng’ maotik ak kogilgilye mising’ inne agobo yetunanoto, icheget che kimaoten agobo mieindo ne osiche:

1 SAMUEL 2:30

Noto anyun, mwaei Jehovah, Kamuktaindetab Israel, kole, Kiamwa iman ale, wendoti eng’ tainnyu gong’ung’, ak gotab kwandang’ung’, koigeny: ago kamwa Jehovah nguno kole, Ingolooit eng’ ane; amu ichek che konyita, agonyiti, ago icheget che maiita kole a kiy, kesasei.