MATAYO 10:2 - BUKUIT NE TILIL

² Chu kainaik che bo che kiyoktoi taman ak aeng’: Ne bo tai ko Simon ne kiguure Petero, ak Andrea ng’etab kamet; Jakobo weritab Sebedi, ak Johana ng’etab kamet;

Bukuit Ne Tilil

² Chu kainaik che po che kiyooktoi taman ak aeng': ne tai ko Simion ne kiguure Petero, ak Andrea ng'eetap kamet; Jakobo weeriitap Zebedayo, ak Johana ng'eetap kamet;

BUKUIT NE TILIIL Sireet ne Dutero Kanon

² Chu kainaik che po che kiyooktoi taman ak aeng': ne tai ko Simion ne kiguure Petero, ak Andrea ng'eetap kamet; Jakobo weeriitap Zebedayo, ak Johana ng'eetap kamet;

MATAYO 10:2 ပူးပေါင်းရင်းမြစ်များ

MATAYO 17:1

Ak kingobata betusiek lo komut Jesu Petero, ak Jakobo, ak Johana ng’etab kam, kolany tulwet ne koi koba uwak ichegei:

MATAYO 20:20

Kinyonji anyun inendet kametab werikab Sebedi koboto werikyik, ak kogutung’ji, ak kosom inendet kiy.

MATAYO 26:37

Ak kiimut Petero ak werik aeng’ che bo Sebedi, ak kotoi koarogen, ak konyigisit muguleldanyi mising’.

MATAYO 4:18

Ak ye kiwendote ngegutab araraita ne bo Galili, kogeer bik aeng’ che tupcho, Simon ne kiguure Petero, ak Andrea ng’etab kamet, kowirjinoti regereiywot ne kiname njirenik araraita; amu ki ramikab njirenik.

MATAYO 4:21

Ak ye kingota kowendi eng’ oloto, kogeer bik aeng’ alak che tupcho, Jakobo weritab Sebedi, ak Johana ng’etab kamet, komitei moingetab beek koboto Sebedi kwandanywa, konabei regereiywekwak; ak koguur ichek.

MARIKO 1:29

Ak ngunoto, ye kingomong’ eng’ sunagogit, kobwa gotab Simon ak Andrea, koboto Jakobo ak Johana.

MARIKO 13:3

Ak kingotebyei ng’ony eng’ tulwetab Emitik ye tokyindos ak hekalut, koteebe inendet Petero ak Jakobo ak Johana ak Andrea komi ichegei, kole,

MARIKO 6:30

Ak kiiyumjigei Jesu che kiyoktoi; ak komwachi inendet tuguk tugul, kit age tugul ne kiga koyai, ak kit age tugul ne kiga konet.

LUKA 11:49

Kile anyun ng’omnatetab Jehovah amu noto, Tun ayokyini maotik ak che kiyoktoi; ak kobar alak eng’ ichek ak kousaus alak;

LUKA 22:14

Ak ye kingoit sait, koteb ng’ony, koboto che kiyoktoi.

LUKA 22:8

Ak kiiyokto Petero ak Johana, kole, Oba ochobwech paska, si kobiit keam.

LUKA 5:10

kikwong’io agichek Jakobo ak Johana, werikab Sebedi, che kiboisiei tugul koboto Simon. Ak kilenji Jesu Simon, Ameiyweisie; koboch nguno iegu ne irame bik.

LUKA 9:10

Ak ye kingoweek che kiyoktoi, komwachi inendet tuguk che kogoyai. Ak kiimut ichek koba taban ichegei agoi nganaset ne kiguure Betsaida.

JOHANA 12:22

Kinyo Pilipu komwachi Andrea: ak kibwa Andrea ak Pilipu komwachi Jesu.

JOHANA 13:23

Ak kimi meset agenge ne bo alamalyennyi ne kitiiegei tegetab Jesu ne ki chamat eng’ Jesu.

JOHANA 20:2

Kolabat kot koit ole mi Simon Petero, ak noto age ne bo alamalyet, ne kichamei Jesu inendet, ak kolenji ichek, Kageib Kiptaiyat eng’ kererit, ama kingen ole kaginde.

JOHANA 21:2

Kimi tugul, Simon Petero ak Tomas ne kiguure Didumo, ak Natanael ne bo Kana ne bo Galili, ak werikab Sebedi, ak aeng’ alak che bo alamalyennyi.

JOHANA 21:20

Kowelelgei Petero, kogeer noto bo alamalyet ne chamei Jesu, kosubi; ne kitiiegei tegetab Jesu eng’ amisietab lagat, ak kolenji, Kiptaiyandani, ng’o inendet, ne ng’wektoin?

JOHANA 21:24

Nito anyun ko noto bo alamalyet ne baorianjin tuguchu, ak ne kisirei tuguchuto: ak kingen kele bo iman baornatennyi.

JOHANA 6:67

Kilenji anyun Jesu choto taman ak aeng’, Obendi ak okwek?

JOHANA 6:70

Kowolji Jesu ichek kolenji, Kima alewenok taman ak aeng’, ak oindet age eng’ okwek?

JOHANA 6:71

Kimwaei anyun agobo Judas ne bo gab Simon Iskariot, amu ine ne kimachei kong’wekta inendet, ne ki agenge eng’ taman ak aeng’.

JOHANA 6:8

Kolenji inendet age ne bo alamalyennyi, Andrea, ng’etab kametab Simon Petero,

POISYONIGAP CHE KIYOKTOI 1:13

Ye kingo kagoba go, kolany got ne bo barak, ole kitebe; agot Petero, Johana, Jakobo, Andrea, Pilipu, Tomas, Bartolomayo, Matayo, Jakobo ne bo gab Alpayo, Simon Selote, ak Judas ne bo gab Jakobo.

POISYONIGAP CHE KIYOKTOI 1:26

Ak kiser barbarek agobo ichek; ak kiibutyi barbariat Matia; ak kigiitito che kiyoktoi taman ak agenge.

POISYONIGAP CHE KIYOKTOI 12:2

Ak kibar Jakobo ng’etab Kametab Johana eng’ rotwetab chok.

POISYONIGAP CHE KIYOKTOI 3:1

Ak kitogostoi Petero ak Johana hekalut eng’ sait ne bo saet, sait sogol.

1 KORINTOEK 15:7

yeityo komong’ji Jakobo; ye ibata, komong’ji che kiyoktoi tugul;

EPESOEK 4:11

Ak kiigochi alak koek che kiyoktoi: ak alak, maotik; ak alak, che mwaitooti logoiywek che miach; ak alak, mestowek ak ko konetik;

HEBRANIK 3:1

Noto anyun, che kitupche che tililen, yamdoik che bo kuursetab kipsengwet, obwat mising’ Ne Kiyoktoi ak Tisiindet ne O ne bo ng’ang’ennyo, inendet Jesu;

1 PETERO 1:1

Petero, ne kiyoktoi ne bo Jesu Kristo, asirjini che kigilewen, bunotik che bo bik che kigoiyesta, eng’ Ponto, Galatia, Kapadokia, Asia, ak Bitunia,

2 PETERO 1:1

Simon Petero, otwogindet ak ko ne kiyoktoi ne bo Jesu Kristo, asirjini ichek che kigenyoru tugul kayanet ne kararan mising’ eng’ imandab Jehovah nenyo ak ko Yetindennyo Jesu Kristo:

2 JOHANA 1:1

Ane boiyot ne asirjini chebioset ne lewenot ak lagokyik, che achame eng’ imanit; ago ma anege kityo, ago tugul che ingen imanit agichek;

3 JOHANA 1:1

Ane boiyot ne asirjini Gaio chamanet, ne achame eng’ imanit.

NG'ANG'UTYET 1:1

Ng’ang’utiet ne bo Jesu Kristo, ne kiigochi Jehovah inendet koborji otwogikyik tuguk che biitu kochogu, ne matiny: ak kiiyok ak koborji kiboitiondennyi Johana eng’ malaikaiyandennyi;

NG'ANG'UTYET 1:9

A Johana, tupcheng’wong’ ak ko a ne kiyamdoi tugul nyalilda ak bounatet ak muitaet eng’ Jesu, kiami emet ne kiikwen beek ne kiguure Patmo, agobo ng’olyotab Jehovah ak baornatetab Jesu.

NG'ANG'UTYET 18:20

Baibaitu eng’ inendet inye kipsengwet, ak okwek che o tililen, ak okwek che kiyoktoi, ak okwek maotik; amu kagoruokyi Jehovah inendet amu okwek.

NG'ANG'UTYET 22:8

Ane Johana ne kiagas tuguchu ak ageer. Ak ye kingagas ak ageer, abutyi ng’ony alosu eng’ kelyekab malaikaiyat ne kiiborua tuguchuto.