MATAYO 10:17 - BUKUIT NE TILIL

¹⁷ Ago oribege bik: amu imutyinok kapkiruoget, ak kobirenok kipcharitisiek eng’ sunagogisiekwak;

Bukuit Ne Tilil

¹⁷ Ago oriibegei piik; amu imutyinok kapkirwooget, ak kobirenok kipcharitisyek eng' sinagogisyekwak;

BUKUIT NE TILIIL Sireet ne Dutero Kanon

¹⁷ Ago oriibegei piik; amu imutyinok kapkirwooget, ak kobirenok kipcharitisyek eng' sinagogisyekwak;

MATAYO 10:17 ပူးပေါင်းရင်းမြစ်များ

MIKAH 7:5

Amomang’u choruet, amotiiege kandoindet: rib kurgetab kuting’ung’ eng’ inendet ne ruei eng’ tegeng’ung’.

MATAYO 10:18

ak kimutyinok taitab bounik ak laitorinik agobo ane, si koek baornatet eng’ ichek ak eng’ Bororiosiek.

MATAYO 20:19

ak kogoito kochurachur Bororiosiek, ak kobire kipcharitit, ak kogartat eng’ kimurtoiyot: ak king’eet inendet eng’ betutab somok.

MATAYO 23:34

Noto anyun, ogeero, ayokwok maotik, ak bik che ng’omen, ak sirik: obare alak eng’ ichek ak ogartoti alak, ak obire kipcharitit alak eng’ ichek eng’ sunagogisiekwok, ak ousoti kong’eete nganaset age agoi nganaset age:

MATAYO 26:59

Ak kicheng’ tisiik che eechen ak kapkiruoget komugul baornatet ne bo lembech agobo Jesu, si kobiit kobar inendet;

MATAYO 5:22

ago amwawok ale, Age tugul ne nerekyin ne tupcho ko kagorikyi kiruoget; ak age tugul ne lenji ne tupcho, Raca, ko kagorikyi kapkiruoget; ak age tugul ne mwaei kole, Abusanani, ko kagorikyi Gehenna, oldab mat.

MARIKO 13:12

Ak kong’wekta chi ng’etab kamet kebar, ak kong’wekta kwanda lakwennyi; ak kong’eetyi lagok sigikwak, ak kogoito kebar.

MARIKO 13:9

Ago oripge okwek: amu tun kimutyinok kapkiruok; ak kebirok eng’ sunagogisiek; ak oteleli eng’ taitab bounik ak laitorinik agobo ane, si koek baornat eng’ ichek.

LUKA 12:11

Ak ye kimutak oldab sunagogisiek, ak taitab kiruogik, ak bounik, ko mat ogerer met agobo kit ne owolu anan omwae:

JOHANA 11:47

Kiguur anyun kiruoget tisiik che eechen ak Parisaik, ak kole, Kiyai nee? Amu yaei chichi kaborunoik che chang’.

JOHANA 16:2

Onok eng’ sunagogisiek: ee, nyonei sait, ne ibwati chi tugul ne barok kole, Ayachini Jehovah boisiet.

POISYONIGAP CHE KIYOKTOI 17:14

Koyokto anyun ngunoto tupchosiek Paulo kot koit nyanjet: ak kita kotebi eng’ oloto Sila ak Timoteo.

POISYONIGAP CHE KIYOKTOI 22:19

Ak kiale, Kiptaiyandani, ingen icheget kole kiarate ak abire eng’ sunagogit age tugul ichek che kiiyanin:

POISYONIGAP CHE KIYOKTOI 26:11

Ak kiabirote konyil che chang’ eng’ sunagogisiek tugul, abirjini kochubis; ak ye kiga konyita ichek mising’, ausote agoi nganasok che bo toek.

POISYONIGAP CHE KIYOKTOI 9:2

ak kosom inendet baronok che ibei koba Damasko agobo sunagogisiek, kole ngonyor alak tugul che bo Oranato, ngo murenik anan kobogorisiek, komuchi komut kobwa Jerusalem ko ratotin.

PILIPIK 3:2

Oribege sesenik, oribege yaikab yaitio, oribege ichek che tilegei:

2 TIMOTEO 4:15

ribege inendet; amu kigirinda ng’alekyok mising’ kot.

HEBRANIK 11:36

ak kigitiem alak eng’ chombilet, ak eng’ birisiosiekab kipcharitisiek, ee, ak kogeny eng’ ratisiosiek ak toorjinetab korgoret: