MATAYO 1:20 - BUKUIT NE TILIL

²⁰ Ago ye kingota kobwati tuguchu, ogeero, kimong’ji inendet malaikaiyatab Kiptaiyat eng’ karuotitoet, kole, Josep, weritab Daudi, ameiywei imutyige Maria osotiondeng’ung’: amu managat inendet eng’ Tamirmiriet ne Tilil.

Bukuit Ne Tilil

²⁰ Ago ye kingo ta kobwaati tuguuchu, ogeero, ki mong'ji ineendet malaikaiyatap Kiptaiyat eng' karwotitoet kole, “Joseph weeriitap Daudi, ameiywei imutyigei Maria koek osotyondeng'ung' amu managaat ineendet eng' Kabuuset ne Tiliil.

BUKUIT NE TILIIL Sireet ne Dutero Kanon

²⁰ Ago ye kingo ta kobwaati tuguuchu, ogeero, ki mong'ji ineendet malaikaiyatap Kiptaiyat eng' karwotitoet kole, “Joseph weeriitap Daudi, ameiywei imutyigei Maria koek osotyondeng'ung' amu managaat ineendet eng' Kabuuset ne Tiliil.

MATAYO 1:20 ပူးပေါင်းရင်းမြစ်များ

TAUNET 31:11

Ak kiguura malaikaiyatab Kamuktaindet eng’ karuotitoet, kole, Jakobo: ak kiale, Ami yu.

TAUNET 46:3

Ak kile, A Kamuktaindet, Kamuktaindet ne bo kwandang’ung’: ameiywei, ichortege iwe Misri; amu ayain iegu bororiet ne o eng’ oloto:

1 LAITORINIK 17:13

Ak kilenji Elija inendet, Ameiywei; ui, ak iyai ko u ye kaimwa: ago kwang’wa korok makatiat kitigin, ak iibwa komong’, yeityo okwang’jige ak wering’ung’.

1 LAITORINIK 3:5

Kimong’ji Jehovah Solomon eng’ Gibeon eng’ karuotitoet kemoi: ak kile Kamuktaindet, Som kit ne imache agonin.

TIENWOGIKAL 119:125

A kiboitiondeng’ung’, kona naet; Si anai baornatosieguk.

TIENWOGIKAL 143:8

Kona agas chamnyeng’ung’ ne tala karon; Amu amang’un: Kona anai oret ne abune; Amu atokyinin sobondanyu.

TIENWOGIKAL 94:19

Eng’ chang’indab kabwatutik che mi orinnyu Koboiboi kagaigaosieguk sobondanyu.

KALEWANAIK 12:5

Bo iman kabwatutikab che bo imanda: Ago ng’alset kiruogutikab kiptengeginik.

ISAIAH 26:3

Iribe inendet kotebe kalyet ne igesunotgei, inendet ne tiienengei kabwautuikyik: amu imang’un.

ISAIAH 30:21

Ak igas ng’olyot ne mi let eng’ inye, ne mwaei kole, Oret ni, oba orani; ye komaste obe eutab tai, ak ye komaste obe eutab katam.

ISAIAH 51:7

Oepcha it, okwek che ongen imanda, bik che mi ng’atutiennyu mugulelwekwak: amoiywei chotisietab bik, amoarogense amu churisiosiekwak.

ISAIAH 7:13

Ak kimwa kole, Ogas anyun, ee gotab Daudi; tos kit ne ming’in eng’ okwek ogochi bik kong’etyo, kot ogochi Kamuktaindennyu kong’et agine?

ISAIAH 7:2

Ak kigimwachi gotab Daudi, kelenji, Kanamgei Suria ak Epraim. Ak kibotan muguleldanyi, ak mugulelwekab bikyik, ko u ye itumdumi usonet ketikab osnet.

JEREMIA 31:22

Iombenoti kot kotianit, ee inye chepto ne iweechige let? Amu kigotoi Jehovah koyai kit ne leel eng’ ng’ony: Yiemei kwondo muren.

JEREMIA 33:26

atimdoi anyun agine iyotetab Jakobo, ak ne bo Daudi otwogindennyu, kot ko malewen iyotennyi koek bounik che bou iyotetab Abraham, Isak, ak Jakobo: amu agochini koweek eng’ ole kigiluulji, ak arire ichek.

JEREMIA 40:9

Ak kiiyosiechi Gedalia weritab Aikam weritab Sapan bichoto ak murenikwak, kolenji, Amoiywei oot Kaldeik: omeng’isie eng’ emet, ak oot laitoriatab Babulon, si komieit eng’ okwek.

JOEL 2:28

Ak ye ibata choto, ko tun arong’jini Tamirmiriennyu bik tugul; ak komaoten werikwok ak tibikwok, iruotyin boisiekwok karuotitaosiek, keerei murenikwok ng’ang’utik:

KAITOSYEK 12:6

Kilenji anyun, Ogas anyun ng’alekyuk: ngo mi maotiot kweng’wong’, aborjinige ane Jehovah eng’ ng’ang’utiet, ang’alaljini eng’ karuotitoet.

MATAYO 1:18

Ki u ni sigetab Jesu Kristo: ye kingo kagochamnyechi Josep kotungei ak Maria kametab Jesu, ye kitomo kotuiyo, kotook kele managat inendet eng’ Tamiririet ne Tilil.

MATAYO 2:12

Ak kingo kagoteechi Jehovah eng’ karuotitoet kolenji, Amoweekyige Herod, konam anyun oret age koba emenywa.

MATAYO 2:13

Ak kingo kagoba ichek, ogeero, komong’ji malaikaiyatab Kiptaiyat Josep eng’ karuotitoet, kolenji, Ng’eet, imut lakwet ne ming’in ak kamennyi, mwechi Misri, ak itebe oloto agoi tun amwaun: amu cheng’ei Herod kobar lakwet ne ming’in.

MATAYO 2:19

Ago kingo kagome Herod, ogeero, komong’ji malaikaiyatab Kiptaiyat Josep eng’ Misri eng’ karuotitoet,

MATAYO 2:22

Ago ye kingogas kole bou Arkelau Judea eng’ bounatet ne ki bo kwandanyi Herod, koiywei kwo oloto; ak ye kiiteechi Jehovah eng’ karuotitoet, koweekyigei komoswekab Galili,

MATAYO 27:19

Ak kingota kotebe ng’echeretab kiruoget, koyokyi osotiondennyi ng’olyo, kole, Ameite kiy chicho bo imanda: amu kaanyoru nyalilwogik che chang’ rani eng’ karuotitoet agobo inendet.

MATAYO 28:5

Ak kiwolji malaikaiyat kobogorisiek kolenji, Amoiywei okwek: amu angen ale, ocheng’e Jesu, ne kigigartat.

LUKA 1:19

Ak kiwolji malaikaiyat kolenji, A Gabriel, ne atononi eng’ taitab Jehovah; kagiyokwa ang’alalun, ak aibun logoiywechu miachen.

LUKA 2:4

Kitogos agine Josep eng’ Galili, kobunu nganasetab Nasaret, agoi Judea, kot koit nganasetab Daudi, ne kiguure Betlehem, amu ki bo inendet gotab Daudi, ak ki bo orennyi;

POISYONIGAP CHE KIYOKTOI 5:19

Ago kiyat malaikaiyatab Kiptaiyat kurgotikab korgoret kemoi ak komut ichek komong’ sang’, ak kolenji,

NG'ANG'UTYET 19:7

Ongeboiboitu ak kigasge mising’, ak kigochi torornatet inendet: amu kagoit katunisietab Aruet, ak kagochopgei osotiondennyi.

KIRUOGIK 13:3

Ak kimong’ji malaikaiyatab Jehovah kwonyoto, ak kolenji, Keero, i son, ma isigisie: ago imanachi, ak isich werit.