MATAYO 1:12 - BUKUIT NE TILIL

¹² Ak kingo kagimut koba Babulon, kosich Jekonia Sealtiel; ak kisich Sealtiel Serubabel;

Bukuit Ne Tilil

¹² Kingo kagimut koba Babilon, kosich `Jekoniah Shealtiel, kosich `Shealtiel Zerubabel.

BUKUIT NE TILIIL Sireet ne Dutero Kanon

¹² Kingo kagimut koba Babilon, kosich `Jekoniah Shealtiel, kosich `Shealtiel Zerubabel.

MATAYO 1:12 ပူးပေါင်းရင်းမြစ်များ

2 LAITORINIK 24:14

Ak kiimut Jerusalem tugul, ak bounik tugul, ak bik tugul che kimen che nyigonen, che ki luulenik elfusiek taman, ak musogik tugul, ak kitang’ik; mami ne king’et, kobate bik che ki kibananok mising’ che kimi emet.

2 LAITORINIK 25:27

Ak eng’ kenyitab sosom ak tisab ne bo luuletab Jeoiakin laitoriatab Juda, eng’ arawetab taman ak aeng’, eng’ betutab tiptem ak tisab ne bo arawanato, kotiach Ebil-merodak laitoriatab Babulon, eng’ kenyit ne kitau kolaitorane, Jeoiakin laitoriatab Juda komong’ eng’ korgoret;

1 ATEPTAP PEETUUSYEK 3:17

ak werikab Jekonia luulenet ko ki: Sealtiel werinnyi,

EZRAH 3:2

Kotonon anyun Jesua weritab Josadak, ak tupchosiekyik tisiik, koboto Serubabel weritab Sealtiel, ak tupchosiekyik, ak koteech kaptisisiet ne bo Kamuktaindetab Israel, si kogoitoe kagochinoik che kibeelei, ko u ye sirat eng’ Ng’atutietab Musa chitab Kamuktaindet.

EZRAH 5:2

Kong’eet anyun Serubabel weritab Sealtiel, ak Jesua weritab Josadak; ak kotoi koteech gotab Kamuktaindet ne mi Jerusalem; ak kimi koboto ichek maotikab Kamuktaindet, kotoret.

NEEMIA 12:1

Chu anyun ko tisiik ak Lawik che kitogosta koboto Serubabel weritab Sealtiel, ak Jesua: Seraia, Jeremia, Esra;

JEREMIA 22:24

Ko u ye asobe, mwaei Jehovah, agot nganda ko waet ne bo ng’okset eng’ eunnyu ne bo tai Konia weritab Jeoiakim laitoriatab Juda, ang’usin ui tugul eng’ oloto;

JEREMIA 22:28

Tos chichito Konia ne teret ne kisasei ne kigoyie? Tos inendet ko teret ne magiboiboitune? Amu nee anyun si ketimda icheget, inendet, ak iyotennyi, ak king’eetochi emet ne maingen?

JEREMIA 22:30

Mwaei Jehovah ko u ni kole, Osir chichi ole matinyei lakwa, chito ne maborei eng’ betusiekyik: amu maborei chi ne bo iyotennyi, ne tebe ng’echeretab laitornatet ne bo Daudi, ak koboi kogeny eng’ Juda.

JEREMIA 27:20

che kima ib Nebukadnesar laitoriatab Babulon, ye kiluulei Jekonia weritab Jeoiakim, laitoriatab Juda, komut eng’ Jerusalem kwo Babulon, ak bik tugul che toogunotin che bo Juda ak Jerusalem;

HAGGAI 1:1

Kinyonji ng’olyotab Jehovah Serubabel weritab Sealtiel, bounindetab Juda, ak Josua weritab Jeosadak tisiindet ne o, eng’ maotiot Hagai, eng’ kenyit ne bo aeng’ ne bo laitoriat Darius, eng’ arawet ne bo lo, eng’ betut ne bo tai ne bo arawanato, kolenji,

HAGGAI 1:12

Kigas it anyun Serubabel weritab Sealtiel, ak Josua weritab Jeosadak, tisiindet ne o, koboto bik tugul che king’et, kigas it Jehovah Kamuktaindenywa ak ng’alekab maotiot Hagai, ko u ye kiga koyok Jehovah Kamuktaindenywa inendet, ak kiiyweis bik eng’ taitab Jehovah.

HAGGAI 1:14

Ak kiichirjir Jehovah tamirmirietab Serubabel weritab Sealtiel bounindetab Juda, koboto tamirmirietab Josua weritab Jeosadak, tisiindet ne o, koboto tamirmirikab bik tugul che king’et; ak kibwa kobois eng’ gotab Jehovah ne bo lugosiek, Kamuktaindenywa,

HAGGAI 2:2

Ng’alalji Serubabel weritab Sealtiel, bounindetab Juda, ak Josua weritab Jeosadak tisiindet ne o, koboto bik che king’et, ilenji,

HAGGAI 2:23

Mwaei Jehovah ne bo lugosiek, kole, Anamin eng’ betunoto, ee Serubabel, otwogindennyu, weritab Sealtiel, mwaei Jehovah, ak ayain iige ng’okset, mwaei Jehovah: amu kialewenin, mwaei Jehovah ne bo lugosiek.

MATAYO 1:11

ak kisich Josia Jekonia ak che tupcho, eng’ betusiek che kiga kimut bik koba Babulon.

MATAYO 1:13

ak kisich Serubabel Abiud; ak kisich Abiud Eliakim; ak kisich Eliakim Asor;

MATAYO 1:17

Kiek ibinwek tugul taman ak ang’wan koboch Abraham agoi Daudi; ak kiek ibinwek taman ak ang’wan koboch Daudi agoi kamutet ne kigimut bik koba Babulon; ak kiek ibinwek taman ak ang’wan koboch ngab kimut koba Babulon agoi Kristo.

LUKA 3:27

weritab Joanan, weritab Resa, weritab Serubabel, weritab Sealtiel, weritab Neri,