MALAKI 3:7 - BUKUIT NE TILIL

⁷ Kiomaste koboch betusiekab kwanisiekwok omete kayomisutikyuk, ama orib. Oweekyage anyun, si aweekyoge, mwaei Jehovah ne bo lugosiek. Ago omwae ole, Kiweegundoige ano?

Bukuit Ne Tilil

⁷ Ki omaste kobooch peetuusyegap kwanisyekwok, omete kayomisutikyuk ama oriip. Oweekyage anyun, si aweekyogei, mwaei Kamuktaindet ne Toroor ne po lugoosyek. Ago oteebe ole, “Kiweegundoige ano?”

BUKUIT NE TILIIL Sireet ne Dutero Kanon

⁷ Ki omaste kobooch peetuusyegap kwanisyekwok, omete kayomisutikyuk ama oriip. Oweekyage anyun, si aweekyogei, mwaei Kamuktaindet ne Toroor ne po lugoosyek. Ago oteebe ole, “Kiweegundoige ano?”

MALAKI 3:7 ပူးပေါင်းရင်းမြစ်များ

NEEMIA 9:26

Ago ma kas it, ak kongeleljin, ak kiwirta Ng’atutiguk kotuktochi batai, ak kobar maotiguk che kibaorianji ichek, kole koweech ichek kobwanjin, ak koyai tagisiosiek che eechen.

ISAIAH 65:2

Kiaiitochi eunekyuk bet komugul bik che ingeleldos, che bendote oret ne ma kararan, che bendote kabwatutikwak;

JEREMIA 16:11

Ilenji anyun ichek, Amu kigometa kwanisiekwok, mwaei Jehovah, ak kosubot kanamonik che ter, ak koot ak kolos, ak kometa, ama rib ng’atutikyuk;

JEREMIA 16:12

ak kioyai yaitiet kosiir kwanisiekwok; amu, ogeero, wendoti age tugul eng’ okwek kosubi uuindab muguleldanyi ne ya, kot ko ma oepcha it:

JEREMIA 3:22

Oweege, okwek lagok che kiogetyigei let, si asoob kachuchugeng’wong’ bo ge. Keero, kagibwanjin; amu i Jehovah Kamuktaindennyo.

JEREMIA 7:25

Koboch betut ne kimong’ kwanisiekwok eng’ emetab Misri agoi rani, ko kiayokwok otwogikyuk tugul che maotik ang’eete kotugul karon ak ayogu ichek:

JEREMIA 7:26

ago ma kasa, ama eb it, ago kiiuuiit kaatinywa: kiyai ne ya kosiir kwanisiekwak.

EZEKIEL 2:3

Ak kimwawa kolenja, Ee, weritab chi, kayokten iwe oldab lagokab Israel, oldab bororiosiek che ngelelik, che kigongelelja; kigongelelja ichek koboto kwanisiekwak, agoi betuni.

EZEKIEL 20:13

Ago kiingelelja gotab Israel eng’ ong’atet: ma bendate ng’atutikyuk, ak kiesio kiruogutikyuk, che ngo yai chi kosobei eng’ choto; kiimuruon ichek mising’ sabatosiekyuk: kiamwa anyun ale, arong’jini ichek eng’ ong’atet neregekyuk che ng’wonen si ages ichek.

EZEKIEL 20:21

Ago kiingelelja agichek lagok; ma bendate ng’atutikyuk anan korib kiruogutikyuk, koyai, che ngo yai chi kosobei eng’ choto; kiimuruon ichek sabatosiekyuk: amwa anyun ale arong’jini ichek neregekyuk che ng’wonen si kobiit ayai neregekyuk kosulda eng’ ichek eng’ ong’atet.

EZEKIEL 20:28

Amu ye kingamutu ichek kobwa emet, ne kiaiitochi eunnyu agochi, kogeer tulwet age tugul ne koi, ak ketit age tugul ne nyigis, ak kiigoito eng’ oloto korosekwak, ak kiigoito eng’ oloto kagochinoikwak che bo tagisiet, kibeelei kogeny nyamdutikwak, ak korong’ji oloto kagochinoikwak che kieei.

EZEKIEL 20:8

Ago kiingelelja, ma cham kogasa it; ma meto chi age tugul eng’ ichek tuguk che kiwechei che kichamei konyekwak, ama meto kanamonikab Misri: amwa anyun ale, Arong’jini ichek neregekyuk che ng’wonen, si kobiit ayai neregekyuk kosulda eng’ ichek eng’ emetab Misri.

HOSEA 14:1

Ee Israel, weekyige Jehovah Kamuktaindeng’ung’; amu kiibut eng’ tengektang’ung’.

SEKARIA 1:3

Mwachi anyun ichek ilenji, Mwaei Jehovah ne bo lugosiek ko u ni kole: Oweekyage, mwaei Jehovah ne bo lugosiek, si aweekyoge, mwaei Jehovah ne bo lugosiek.

MALAKI 1:6

Teechei werit kwandanyi, ak koteech otwogindet kiptaiyandennyi: ngot ko a kwanda anyun, ko mi ano teegistanyu? Ak ngot ko a kiptaiyat, komi ano kaiyweisiet ne kiywea? Mwawok Jehovah ne bo lugosiek, ee tisiik, che osase kainennyu. Ak omwae ole, Kigisas eng’ nee kaineng’ung’?

MALAKI 3:13

Kigouuegitu ng’alekwok che kiomwa agobo ane, mwaei Jehovah. Ago omwae ole, Nee ne kigemwa agobo inye?

MATAYO 23:27

Bwa okwek, sirik ak Parisaik, chombilik! Amu o kerge ak kererisiek che kigesal koleelagitu, che kororon iman barak eng’ keeret, ago nyiitotin orit kowek che bo bik che kigobek, ak muruonindo tugul.

LUKA 15:16

Ak kimachei mising’ kole kobiyo metetek che kiamei torok: amu ma igochi chi kiy.

ROMANIK 10:21

Ago mwaei agobo Israel kole, Kiaitochi eunekyuk eng’ betut komugul bik che magase it ak che ngelelik.

ROMANIK 10:3

Amu ye kima nai ichek imandab Jehovah, ak ye kicheng’ kogimit nenywa, ko ma kogas it imandab Jehovah.

ROMANIK 7:9

Ak kiasobe eng’ tai ye kima komi Ng’atutiet: ago ye kingonyo ng’atutiet, kosob kogeny tengekto, amee anyun;

NG'ATUTIK 31:20

Amu ye kaamut koit emet ne kiayosiechi kwanisiekwak, noto nyiitat chego ak kumik; ak ye kagoamis kobiyong’so, ak konerio; koweektagei anyun ole mi kanamonik koba koot, ak kosasa, ak kobut kayomisennyu.

JAKOBO 4:8

Orikyi Jehovah, si korikyok. Oun eunekwok, okwek kiptengeginik; ak otilil mugulelwekwok, okwek che o bo kabwatutik aeng’.