MALAKI 3:2 - BUKUIT NE TILIL

² Ago ng’o ne imuchi komuita eng’ betutab nyonunennyi? Ak ng’o ne tononi ye katook? Amu u inendet mat ne kitililisie, ak ko u sabunitab mwetik:

Bukuit Ne Tilil

² Ago ng'oo ne imuuchi komuita eng' peetuutap nyonunennyi? Ak ng'oo ne tononi ye katook? Uu ineendet maat ne ki tiliilisye, ak ko uu sabunitap mwetiik;

BUKUIT NE TILIIL Sireet ne Dutero Kanon

² Ago ng'oo ne imuuchi komuita eng' peetuutap nyonunennyi? Ak ng'oo ne tononi ye katook? Uu ineendet maat ne ki tiliilisye, ak ko uu sabunitap mwetiik;

MALAKI 3:2 ပူးပေါင်းရင်းမြစ်များ

TAUNET 19:28

ak kitobendo kogeerot olin bo Sodom ak Gomora, agot emet tugul ne bo atebwet, ak kigeer iyeto ne bo emet kotogostoi ko u iyeto ne bo mat ne o mising’.

Kitabuutap JOB 28:1

Iman, mitei keringet ne kebalune feda, Ak komostab tahabu che itilili ichek.

TIENWOGIKAL 130:3

Ngot iit inye Jehovah, tengekwogik, Ko ng’o ne imuchi kotonon, ee Kiptaiyat?

TIENWOGIKAL 2:7

Abartoi ng’atutiet: Kilenja Jehovah, I werinnyu; Kaasichin rani.

TIENWOGIKAL 76:7

Kanyol kiywein inyendet, inye; Ak ng’o ne imuchi kotonon eng’ taing’ung’ ko kenerech?

KALEWANAIK 25:4

Kenende michikyigek eng’ feda, Si kobiit teret ne bo katililindetab feda:

ISAIAH 1:18

Obwa anyun, keng’alal, mwaei Jehovah: agot ngo biriren tengekwogikwok, koleelagitu ko u teluchi; agot ngo biriren mising’, koigeitu kororikab kechirek.

ISAIAH 33:14

Iyweisiei kiptengeginik che mi Sion; kigonam botanet che maiywei Kamuktaindet: Ng’o eng’ achek ne imuchi komeng’is ak mat ne igesu? Ng’o eng’ achek ne imuchi komeng’is ak mat ne lalei koigeny?

ISAIAH 4:4

ye tun kagoundo Jehovah simdab tibikab Sion, ak koundo korotikab Jerusalem eng’ kwenunnyi eng’ tamirmirietab kiruoget, ak eng’ tamirmirietab beelset.

JEREMIA 2:22

Amu agot ngiunege munyat, ak iboisie sabunit ne o, ko toogu kora yaitieng’ung’ eng’ tainnyu, mwaei Kiptaiyat Jehovah.

EZEKIEL 22:14

Tos imuchi komuita muguleldang’ung’, anan kogimegitu euneguk, eng’ betusiek che agerin kong? Kamwae ane Jehovah ng’olyondonito, ak ayae.

DANIEL 11:35

Ak kobutyo alak che ng’omen eng’ ichek, si kitilil, ak kianyiny, ak keyai koleelagitu, kot koit betut ne bo let: amu ta koitu betut ne kiging’at.

JOEL 2:11

Ak kotwek Jehovah eng’ taitab lugennyi; amu o kabuureitanyi; amu kim inendet ne yaei ng’olyondennyi kosulda; amu o betutab Jehovah ak komuisei mising’; ng’o ne imuchi komuita?

NAHUM 1:6

Ng’o ne imuchi kotonon eng’ taitab neregekyik? Ak ng’o ne imuchi komuita eng’ koromnatetab neregekyik? Kirong’u neregekyik che ng’wonen ko u mat, ak tonatoni inendet ruandosiek.

SEKARIA 13:9

Ak amut kebeberato bo somok kobun mat, ak atilil ichek ko u ye kitilili feda ak atiem ichek ko u ye kitiemei tahabu: kuurei ichek kainennyu, ak agas ichek: amwae ale, Icheget ko bikyuk; ak kole, Jehovah ko Kamuktaindennyu.

MALAKI 4:1

Amu, ogeero, nyonei betut, ne lalei ko u mat ne o, ak koigei mobek menotik tugul, koboto ichek tugul che yaei tengekto: ak kobeel ichek betut ne nyonei, mwaei Jehovah ne bo lugosiek, kot ko mang’etyi tigitiot anan ko temet.

MATAYO 25:10

Ak kingota kobendi koalisiei, koit sandet; ak komong’ji anyun che chobotin igortab katunisiet ak inendet: ak kigiger kurget.

MARIKO 9:3

ak kilil bich ngoroikyik mising’, ko u teluchi; mami mwetindet ng’ony ne imuchi komwet koleelagitu ko u choto.

LUKA 2:34

ak kiiberur Simeon ichek, ak kolenji Maria kamennyi, Keero, kaginde lakwani si kobutyo che chang’ ak kong’eetyo che chang’ eng’ Israel; asi koek kaborunet ne tun kiesioi;

LUKA 21:36

Ago oripge eng’ betut age tugul, ak osae, si kobiit oterterisie, ochilile tuguchuto tugul bwanei, ak otononse eng’ taitab Weritab chi.

LUKA 3:17

tinyei keibet eng’ eunnyi, ak kotilili komie ruanyut, ak koyumji nganok chogennyi; ago beelei metetek eng’ mat ne ma misoksei.

LUKA 3:9

Agot nguno ko kaginde aiywet tigitikab ketik: noto anyun, ketit age tugul ne maiyei logoek che miach, keebei, ak kewirji ma.

LUKA 7:23

Ak baibai age tugul ne manyorunena kanagut.

JOHANA 8:55

ak tom onai inendet: ago angen inendet; ak ngot amwa ale, mangen inendet, aegu kiplembechwa, ko u okwek: ago angen inendet, ak aribe ng’olyondennyi.

HEBRANIK 12:25

Ogeer, amoesie inendet ne ng’alali. Amu ngot ko kima chililyo ichek ye kingoesio inendet ne kiga koteeita eng’ ng’ony, kesiire ne tia anyun achek ngot keistoege inendet ne iteu eng’ kipsengwet:

NG'ANG'UTYET 19:8

Ak kigigochi inendet kolaach gei eng’ katanit ne kararan, ne leel kot ak ko tilil; amu katanit ne kararan ko boisionikab imanda che bo bik che tililen.

NG'ANG'UTYET 2:23

Ak abare lagokyik meet; ak konai kanisosiek tugul kole anendet ne isiachi kabwatutik ak mugulelwek: ak agochini age tugul eng’ okwek ko u boisionikwok.

NG'ANG'UTYET 6:17

amu kagoit betut ne bo neregekwak; ak ng’o ne imuchi kotonon?

NG'ANG'UTYET 7:14

Ak kialenji inendet, Kiptaiyandennyu, ingen inye. Kolenja anyun, Chu ko ichek che bunu nyalilda ne o, ak kigomwet ngoroikwak koleelagitu eng’ korotikab Aruet.

1 SAMUEL 6:20

Ak kile bikab Bet-semes, Ng’o ne imuchi kotonon eng’ taitab Jehovah Kamuktaindani tilil? Ak togostoi eng’ olinnyo kowendi ole mi ng’o?