MALAKI 3:17 - BUKUIT NE TILIL

¹⁷ Ak mwaei Jehovah ne bo lugosiek kole, Bunjina ichek, eng’ betut ne ayae ichek koek kinnyu ne nenyu anege; ak arire ichek ko u ye rire chi werinnyi ne boisiechin.

Bukuit Ne Tilil

¹⁷ Ak mwaei Kamuktaindet ne Toroor ne po lugoosyek kole, “Punjino icheek, eng' peetuut ne ayae icheek koek kinnyu ne nenyu aneege; ak ariiree icheek ko uu ye riiree chii weeriinnyi ne poisyechin.

BUKUIT NE TILIIL Sireet ne Dutero Kanon

¹⁷ Ak mwaei Kamuktaindet ne Toroor ne po lugoosyek kole, “Punjino icheek, eng' peetuut ne ayae icheek koek kinnyu ne nenyu aneege; ak ariiree icheek ko uu ye riiree chii weeriinnyi ne poisyechin.

MALAKI 3:17 ပူးပေါင်းရင်းမြစ်များ

NEEMIA 13:22

Ak kiang’at Lawik koanyinygei, ak kobwa korib ormarichok, kotaban betutab sabato. Ibwata, ee Kamuktaindennyu, agobo ng’olyondonito agine, ak irirena ko u oindab rireneng’ung’.

TIENWOGIKAL 115:13

Iberuri ichek che iywei Jehovah, Che mengech ak che eech.

TIENWOGIKAL 135:4

Amu kigolewenjigei Jehovah Jakobo, Ak Israel koek kinnyi ne nenyi iman.

KOMONG'U 19:5

Eng’ noto anyun, ngot ogas it kutinnyu iman, ak orib kayomisenny u, oegu anyun eng’ ane chamanikyuk iman, che itabanotin eng’ bik tugul: amu nenyu ng’ony komugul:

KOMONG'U 32:32

Ago nguno, ngicham inyochi kaat tengektanywa; ak ngo ma u noto asomin ale, iistaa eng’ bukuing’ung’ ne kiisir.

TYENDO NE SIIREI TUGUL 2:16

Nenyu chamanennyu, ak a nenyi: Iyagi kechirekyik eng’ oldab taptok.

ISAIAH 4:2

Kororonitu ak kotororitu eng’ betunoto temetab Jehovah, ak ko telunotin ak ko kororon logoekab emet eng’ ichek che kichililso eng’ Israel.

ISAIAH 43:1

Ago mwaei anyun Jehovah ne kiyain ko u ni kole, Ee Jakobo, ak inendet ne kimimiin, ee Israel: kole, Ameiywei, amu kiatiachin; kiaguurin eng’ kaineng’ung’, i nenyu.

ISAIAH 43:21

bik che kiayachige, si kobiit kobarta kalosunennyu.

JEREMIA 31:20

Tos werinnyu ne achame, Epraim? Tos inendet ko lakwet ne kiboiboitune? Amu ye ang’alali kotugul arenye inendet, abwati inendet mising’ kora: iima moennyu amu inendet; arire inendet iman, mwaei Jehovah.

JEREMIA 31:33

Ago ni kayomiset ne kiyomisige ak gotab Israel ye ibata betusiechoto, mwaei Jehovah; andoi ng’atutiennyu orinywa, ak asirjini mugulelwekwak: ak aegu Kamuktaindenywa, ak koek bikyuk.

EZEKIEL 16:8

Ak kingabun ye imi, ageerin, keero, betusieguk ko ki bo betusiekab chamnyet; ak kiatugunen ngoriennyu ak atuch ach ngorieng’ung’: ee, kiayosieun, ak kigoyomisge ak inye, mwaei Kiptaiyat Jehovah, ak kiibunja.

SEPANIA 2:2

kotom kosulda ng’atutiet, kotom kosiirto betut ko u metetek, kotom kobwanjok neregek che koromen che bo Jehovah, kotom konyonjok betutab neregekab Jehovah.

SEKARIA 13:9

Ak amut kebeberato bo somok kobun mat, ak atilil ichek ko u ye kitilili feda ak atiem ichek ko u ye kitiemei tahabu: kuurei ichek kainennyu, ak agas ichek: amwae ale, Icheget ko bikyuk; ak kole, Jehovah ko Kamuktaindennyu.

MALAKI 1:6

Teechei werit kwandanyi, ak koteech otwogindet kiptaiyandennyi: ngot ko a kwanda anyun, ko mi ano teegistanyu? Ak ngot ko a kiptaiyat, komi ano kaiyweisiet ne kiywea? Mwawok Jehovah ne bo lugosiek, ee tisiik, che osase kainennyu. Ak omwae ole, Kigisas eng’ nee kaineng’ung’?

MALAKI 4:3

Ak otiech kiptengeginik; amu egu orek eng’ keldebesaikab kelyekwok eng’ betut ne ayae nito, mwaei Jehovah ne bo lugosiek.

MATAYO 25:34

Yeityo komwachi Laitoriat ichek che mi eunnyi ne bo tai, kolenji, Obwa, okwek che oberurotin che o bo Baba, onam bounatet ne kigechobwok koboch ko kagilumda ng’ony:

JOHANA 17:24

Baba, amache ale kotebi kobota eng’ ole ami, ichek che kiigona; si kobiit kogeer torornatennyu ne kiigona; amu kiichama kotom kelumda ng’ony.

ROMANIK 8:32

Inendet ne kima rire Werinnyi, ago kigon inendet agobo achek tugul, tos magonech tuguk tugul eng’ aiyebindo koboto inendet?

1 KORINTOEK 15:23

Ago chi tugul eng’ komostanyi: Kristo ko tongoaniat; ye ibata ko ichek che bo Kristo, eng’ nyonunennyi.

1 KORINTOEK 6:20

amu kigialenak kamanutiet: otoror Jehovah anyun eng’ borwekwok.

2 KORINTOEK 6:18

Ak aegu Kwanda eng’ okwek, Ak oegu werik ak tibik eng’ ane, Mwaei Kiptaiyat ne bo Kamuktaet.

GALATYEK 5:24

Ak icheget che bo Kristo Jesu ko kigogartat borto koboto magutikyik ak kasetab miat che bo choto.

NG'ATUTIK 14:2

Amu i bororiet ne tilil eng’ Jehovah Kamuktaindeng’ung’, ak kigolewenin Jehovah iegu bororiennyi ne itabanat kosiir bororiosiek tugul che mi ng’ony.

NG'ATUTIK 7:6

Amu i bororiet ne itabanat eng’ Jehovah Kamuktaindeng’ung’: kilewenin Jehovah Kamuktaindeng’ung’ iegu bororiet ne nenyi inegei, eng’ bororiosiek tugul che mi ng’ony.

TITO 2:14

ne kiigoitogei agobo achek, si kobiit kotiachech eng’ tengekto tugul, ak kotililjigei bik koek chechik, che lewenotin, che igiilegei eng’ boisionik che miach.

1 PETERO 2:9

Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.