MALAKI 3:11 - BUKUIT NE TILIL

¹¹ Ak ager kong’ ne amisioti amu okwek, si mang’em ruratetab emeng’wong’; ama oosu ketikwok che bo sabibuk kotomo koit betusiek, mwaei Jehovah ne bo lugosiek.

Bukuit Ne Tilil

¹¹ Ak agerwok kong' ne amisyoti, si ma ng'em ruroteetap emeng'wong'; ama koosu keetiikwok che po sabibuk kotomo koit peetuusyek, mwaei Kamuktaindet ne Toroor ne po lugoosyek.

BUKUIT NE TILIIL Sireet ne Dutero Kanon

¹¹ Ak agerwok kong' ne amisyoti, si ma ng'em ruroteetap emeng'wong'; ama koosu keetiikwok che po sabibuk kotomo koit peetuusyek, mwaei Kamuktaindet ne Toroor ne po lugoosyek.

MALAKI 3:11 ပူးပေါင်းရင်းမြစ်များ

JEREMIA 8:13

Agesu ichek, mwaei Jehovah: mang’etu sabibuk eng’ ketik, ama ng’etu logoek eng’ mogoonik ak koresyo sogek; ak kobetyo eng’ ichek tuguk che kigagochi.

HOSEA 2:21

Ak tun awolu eng’ betunoto, mwaei Jehovah, awoljini kipsengwetisiek, ak kowolji ichek ng’ony;

JOEL 1:12

Kagoyaam ketitab sabibuk, ak kagores mogoiywet, kagoyaam ketitab logoek, koboto tiret agine, ak ketit age ne bo logoek, agot ketik tugul che bo mbar: amu kagores boiboiyet eng’ werikab bik.

JOEL 1:4

Kiam chereng’endet che kiituuch munene; ak kiam tinapchet che kiituuch chereng’endet; ak kiam masaek che kiituuch tinapchet.

JOEL 1:7

Kagong’em ketinnyu ne bo sabibuk, ak kobach mogoiywennyu: kigobony, ak kowirta; kagoleelagitu temenikyik.

JOEL 2:20

ago aistoi kolooit eng’ okwek luget ne bunu murot ne bo katam, ak aone kwo emet ne ong’atet ak ko surkwen, bendi che indoi kotokyingei nyanjet ne mi kong’asis, kobendi che letu nyanjet ne mi cherongo; ak kobul, ak kong’u ne samis, amu kogoyai tuguk che eechen.

JOEL 2:22

Amoiyweisie, okwek tiong’ikab timin, amu ta kobitos suswek eng’ ong’atet, amu yiei ketit logoekyik, yiei komie mogoiywet ak ketitab sabibuk.

JOEL 2:25

Ak ageeruok che bo kenyisiek che kiam chereng’endet, ak tinapchet, masaek, ak munene, lugennyu ne o ne kiayogu konyo kwenung’wong’.

AMOS 4:9

Kiabirenok chelalitiet ak uchatet: kiam munene mbarenikwok che chang’ ak mbarenikwok che bo sabibuk, ak mogoonikwok ak emitikwok: ago tom oweekyage, mwaei Jehovah.

HABAKUK 3:17

Amu ngot ko ma yie mogoiywet, Anan ko ma rurio ketikab sabibuk; Koek buch boisietab emdit, Ama biitu amitwogik eng’ mbarenik; Ak kebar akwotisiekab kechirek eng’ biusiek, Ama komi akwotisiekab tuga eng’ biusiek:

HAGGAI 1:11

Ak kiang’at kobiit kemeut eng’ emet, ak eng’ tulonok, ak eng’ bek, ak eng’ divaik, ak eng’ mwanik, ak eng’ tuguk che bitos eng’ ng’ony, ak eng’ bik, ak eng’ tuga, ak eng’ boisionik tugul che bo eunek.

HAGGAI 2:17

Kiabirenok chelalitiet ak uchatet ak koikab ropta eng’ boisionik tugul che bo eunekwok; ago ma oweekyage, mwaei Jehovah.

SEKARIA 8:12

Amu tun biitu keswotab kalyet: tun yiei ketitab sabibuk, ak korurio tuguk eng’ emet, ak kogon kipsengwetisiek rewot; ak agochi bik che king’et eng’ bichu konam tuguchu tugul koek borotenywa.

NG'ATUTIK 11:14

agonok anyun ropta ne bo emeng’wong’ eng’ betusiekyik, roptab iwotkut ak ne igesunegei, si iges beguk, ak divaiguk, ak mwaniguk.