MALAKI 3:10 - BUKUIT NE TILIL

¹⁰ Oibu kebeberwek tugul che bo taman kobwa choge, si kobiit amitwogik eng’ gonnyu, ak otiema anyun eng’ noto, mwaei Jehovah ne bo lugosiek, si ogeer ngo mayatwok tirisiokab kipsengwet, ak arong’wok berurto, kot ko ma komi ole ondoi.

Bukuit Ne Tilil

¹⁰ Oibu kebeberwek tugul che po taman kobwa choge, si kobiit amitwogik eng' koonnyu, ak otyema anyun eng' nooto, mwaei Kamuktaindet ne Toroor ne po lugoosyek, si ogeer ngo ma yaatwok tirisyogap kipsengwet ak aroong'wok perurto kot koma komi ole ondoi.

BUKUIT NE TILIIL Sireet ne Dutero Kanon

¹⁰ Oibu kebeberwek tugul che po taman kobwa choge, si kobiit amitwogik eng' koonnyu, ak otyema anyun eng' nooto, mwaei Kamuktaindet ne Toroor ne po lugoosyek, si ogeer ngo ma yaatwok tirisyogap kipsengwet ak aroong'wok perurto kot koma komi ole ondoi.

MALAKI 3:10 ပူးပေါင်းရင်းမြစ်များ

TAUNET 28:22

ak koek gotab Kamuktaindet koita ni kalumde koek toloita: ak agonin iman kebeberta ne bo taman eng’ tuguk tugul che igona.

TAUNET 7:11

Eng’ kenyit ne kiite Noa kenyisiek bogol lo, arawet ne bo aeng’, betutab taman ak tisab ne bo arawet, eng’ betunoto anyun koyatogis kong’ik che kutune beek che bo riret ne o, ak koyatogis tirisiokab kipsengwetisiek.

2 LAITORINIK 7:19

ak kiwolji kiptaiyandanato chitab Kamuktaindet kolenji, Keero, ngot koyai Jehovah tirisiok eng’ kipsengwet, ko tos biit kiy ne u noto? Ak kile, Igeere eng’ konyeguk, ago meame tuguchoto:

2 LAITORINIK 7:2

Kowolji anyun kiptaiyat ne kitiiegei eunnyi laitoriat chitab Kamuktaindet, kolenji, Ogeero, ngot koyai Jehovah tirisiok eng’ kipsengwet, ko tos biit kioto? Ak kile Elisha, Keero, igeere eng’ konyeguk, ago meame tuguchoto.

1 ATEPTAP PEETUUSYEK 26:20

Ak eng’ Lawik, ko kiribei Aija tuguk che bo ole kigonore tuguk che bo gotab Kamuktaindet, koboto ole kigonore tuguk che itabanotin.

NEEMIA 12:44

Ak kigilewen eng’ betunoto bik korib gorik che bo orit ole kigonore tuguk, kagochinoik che kinamjin barak, ak tongoanik, ak kebeberwekab taman, kiyumji gorjoto, kobee mbarenik che bo nganasok, kebeberwek che kiging’at eng’ ng’atutiet kobunji tisiik ak Lawik: amu kibaibait Juda agobo tisiik ak Lawik che kiboisiei.

NEEMIA 12:47

Ak kiigoito Israel tugul kebeberwekab tienik ak che bo ribikab kurgotik, eng’ betusiekab Serubabel, ak eng’ betusiekab Neemia, ko u che yamei betut age tugul: ak kiitabanji ichek Lawik, ak kiitabanji Lawik werikab Aron.

NEEMIA 13:5

got ne kigigonore koboch keny, kagochinoik che bo busiek, ak ubani, ak terenik, ak kebeberwekab taman che bo bek, ak che bo divaik, ak che bo mwanik, che kimwa ng’atutik kole kigochi Lawik, ak tienik, ak ribikab kurgotik; ak kagochinoik che kinamjin barak che kigochin tisiik.

TIENWOGIKAL 37:3

Imang’u Jehovah, ak iyai ne mie; Meng’isie eng’ emet, ak isub imanda.

TIENWOGIKAL 78:23

Ago king’at bolik eng’ barak, Ak kiyat kurgotikab kipsengwet,

AMDOINDET 11:3

Ngo nyi ropta bolik, korong’jigei ng’ony: ak ngo lulji ketit murot ne bo tai, anan ko murot ne bo katam, ko komosta ne kalulji, kotebe yoto.

EZEKIEL 34:26

Ak ayai ichek koek kaberuret koboto komoswek ole negite tulwennyu; ak ang’at ropta korobon eng’ betusiekyik; ak kobiit roptab kaberuret.

EZEKIEL 44:30

Ak bunjin tisiik tongoanik tugul che bo tai che bo kiy age tugul, ak kagochinet age tugul ne kinamjin barak ne bo kiy age tugul, che bo kagochinoikwok tugul che kinamjin barak: ogochini kogeny tisiindet makatinikwok che tuonen che bo tai, si kogochi berurto kotebe gong’ung’.

HOSEA 2:21

Ak tun awolu eng’ betunoto, mwaei Jehovah, awoljini kipsengwetisiek, ak kowolji ichek ng’ony;

JOEL 2:19

Ak kiwolji Jehovah bikyik kolenji, Ogeero, ayokwok bek ak divaik ak mwanik, ak obiyong’se eng’ choto: amayaok kogeny oegu che kichotei eng’ bororiosiek:

JOEL 2:24

Ak konyi bek ruanyusiek che kiborse, ak kong’irtagei divaik ak mwanik eng’ ole itendenjin.

ATEPTAP LAWIK 26:10

Ak oam tuguk che konorotin che bo keny, ak omoong’u che bo keny si kobiit ole ondoi che ogese.

ATEPTAP LAWIK 26:3

Ngobendate konetisiosiekyuk, ak orib ng’atutikyuk, ak oyai,

ATEPTAP LAWIK 27:30

Bo Jehovah kebeberwekab taman che bo emet, ngo keswek che bo emet, anan logoekab ketik: itabanotin eng’ Jehovah.

HAGGAI 2:19

Tos ta komi bek choge? Ee, ma iiyo ketikab sabibuk, anan mogoonik, anan ketikab logoek alak, anan emitik; aberurok anyun koboch betuni.

KAITOSYEK 18:21

Ogeero, kaagochi lagokab Lawi kebeberwek tugul che bo taman eng’ Israel koek borotenywa, kogeere boisienywa ne yaei, noto boisietab emait ne kituiyechin.

MATAYO 6:33

Ago ocheng’ korok bounatennyi, ak imandanyi; si keteswok tuguchu tugul.

NG'ATUTIK 12:6

oib kagochinoikwok che kibeelei, ak tiseiywekwok, ak kebeberwekwok, ak kagochinetab eunekwok ne kinamjin barak, ak kaarortaosiekwok, ak kagochinoikab chamnyet, ak che twatei tukwok ak kechirekwok:

NG'ATUTIK 14:22

Igoite iman kebebertab taman ne bo iyotet tugul ne bo kesweguk che biitu eng’ mbar kenyit age tugul.

NG'ATUTIK 14:29

si konyo Lawindet amu matinyei kebeberta anan borotet koboten, ak toondet, ak ne matinyei kwanda, ak mosok, choto mi kurgotiguk nyo koamis ak kobiyong’so; si koberurin Jehovah Kamuktaindeng’ung’ eng’ boisiet tugul ne bo euneguk.

NG'ATUTIK 28:12

Yatun Jehovah konoruennyi ne kararan noto ko kipsengwet korobonji emeng’ung’ eng’ betusiekyik, ak koberur boisionik tugul che bo euneguk: ak ibesendochi bororiosiek che chang’, ago mebeseni.