MALAKI 2:6 - BUKUIT NE TILIL

⁶ Kimi kutinnyi ng’atutietab imanit, ama kinyorji kutinnyi kit ne ma bo iman: kigibendate tuwai eng’ kalyet ak eng’ lititindo, ak koweech che chang’ kometo tengekto.

Bukuit Ne Tilil

⁶ Ki mi kutinnyi ng'atuutyetap imanit, ama ki nyoorchi kutinnyi kiit ne po lembech. Ki kibendate tuwai eng' kaalyeet ak eng' lititindo, ak koweech che chaang' kometo yaityo.

BUKUIT NE TILIIL Sireet ne Dutero Kanon

⁶ Ki mi kutinnyi ng'atuutyetap imanit, ama ki nyoorchi kutinnyi kiit ne po lembech. Ki kibendate tuwai eng' kaalyeet ak eng' lititindo, ak koweech che chaang' kometo yaityo.

MALAKI 2:6 ပူးပေါင်းရင်းမြစ်များ

TAUNET 17:1

Ak ye kingo bo Abram kenyisiek tamanwogik sogol ak sogol, komong’ji Jehovah Abram, ak kolenji, A Kamuktaindet ne bo Kamuktaet; wendote tainnyu, ak iegu ne igesunotgei.

TAUNET 6:9

Chu ko ortinwekab Noa. Ki chito ne bo imanda Noa, kiigesunotgei eng’ ibindanyi: kibendoti Noa ak Kamuktaindet.

TIENWOGIKAL 119:142

Imandang’ung’ ko imanda ne wendi agoi koigeny. Ak imanda ng’atutieng’ung’.

TIENWOGIKAL 119:151

I negit inye, ee Jehovah; Ak bo iman ng’atutiguk tugul.

TIENWOGIKAL 37:30

Ng’alali chi ne bo imanda eng’ ng’omnatet, Ak mwaei ng’elyeptanyi imanda.

TIENWOGIKAL 37:37

Rib chito ne igesunotgei, ak igeer chito ne bo iman; Amu kagesunetab chichoto ko kalyet.

KALEWANAIK 5:2

Si kobiit irib ruchinet, Si korib kuting’ung’ naet.

JEREMIA 23:22

Ago nda kiga tononso eng’ kapkiruogennyu, ta kiigochin bikyuk kogas ng’alekyuk, ak ta kiweechi bichoto koweek eng’ orenywa ne ya, ak eng’ yaitietab boisionikwak.

DANIEL 12:3

Ak koluu che ng’omen ko u kakweng’et ne bo barak; ak koluu koigeny ak koigeny ko u kecheik ichek che imutyin che chang’ imanda.

HOSEA 4:6

Kigeng’em bikyuk amu matinyei naet: amu kiiesie naet, aesioin agane, si ma iegu tisiindet eng’ ane: amu kiiutie ng’atutikab Kamuktaindeng’ung’, autie agane lagoguk.

MATAYO 22:16

Ak kiiyokto alamalyenywa koba ole mi inendet, koboto Herodik, kolenji, Konetindoni, kingen kele i bo iman, ak ineti oretab Jehovah eng’ iman, ameiti chi tugul: amu megeere togochikab bik.

MARIKO 12:14

Ak kingobwa, kolenji inendet, Konetindoni, kingen kele i bo iman, ameiti chi age tugul: amu megeere itondab chi, ago ineti iman oretab Jehovah: Tos chamdoi ng’atutik kigochi kodi Kaisari, anan machamdoi?

LUKA 1:6

Ak ki bo iman ichek tuwai eng’ taitab Jehovah, ak kibendate ng’atutik tugul ak karureiywek che bo Kiptaiyat, ama tinyei lelut.

LUKA 20:21

Ak kiteebe inendet kole, Konetindoni, kingen kele imwae ak inetisiei eng’ iman, ago metiytii chi, ak ineti iman oretab Jehovah:

POISYONIGAP CHE KIYOKTOI 26:18

si kobiit ing’any konyekwak, ak koweek eng’ mesundeito kobwanji lapkeiyet, ak eng’ kimnatetab Setani kobwanji Jehovah, si konyor ichek nyoetab kaat ne bo tengekwogik ak borotet eng’ ichek che kigitilil amu kayanet ne mi eng’ ane.

NG'ATUTIK 33:10

Ineti Jakobo kiruogutiguk, Ak koneti Israel ng’atutieng’ung’: Indoi taing’ung’ nyamdutik che kibeelei, Ak konde kagochinet ne kibeelei komugul kaptisisieng’ung’.

NG'ATUTIK 33:8

Ak kile agobo Lawi, Mi Tumim neng’ung’, ak Urim neng’ung’ koboto neng’ung’ ne tilil, Ne kiitiem eng’ Masa, Ak kioborie eng’ beekab Meriba;

NG'ATUTIK 33:9

Ne kimwa agobo kwandanyi ak kamet, kole, Ma ageer inendet; Ama nai che tupcho, Ama nai lagokyik: Amu kiisub ichek ng’olyondeng’ung’, Ak kirib kayomiseng’ung’.

NG'ANG'UTYET 14:5

Ama kinyorji kutuswekwak lembeita: ama tinyei tisia.

1 SAMUEL 2:12

Werikab Eli ko ki werikab Belial; kima nai ichek Jehovah.