MALAKI 2:14 - BUKUIT NE TILIL

¹⁴ Ago, omwae ole, Kalya? Amu kogoek Jehovah baoriat eng’ kwenung’wong’, inye ak osotiotab ming’inateng’ung’, ne kiiberber, nganda, inendet ko chamaneng’ung’, ak ko osotiotab kayomisutieng’ung’.

Bukuit Ne Tilil

¹⁴ Ago oteebe ole, “Amu nee si ma kotaachei?” Amu kogoek Kamuktaindet ne Toroor paoryat eng' kwenung'wong', inyee ak osotyotap ming'inateng'ung' ne ki iberber, nganda ineendet ko chamaneng'ung' ak ko osotyotap kayomisutyeng'ung'.

BUKUIT NE TILIIL Sireet ne Dutero Kanon

¹⁴ Ago oteebe ole, “Amu nee si ma kotaachei?” Amu kogoek Kamuktaindet ne Toroor paoryat eng' kwenung'wong', inyee ak osotyotap ming'inateng'ung' ne ki iberber, nganda ineendet ko chamaneng'ung' ak ko osotyotap kayomisutyeng'ung'.

MALAKI 2:14 ပူးပေါင်းရင်းမြစ်များ

TAUNET 2:18

Kimwa Jehovah Kamuktaindet kole, Ma mie kotebi chi inegei; ayachini ne toreti ne kergei ak inendet.

TAUNET 31:50

Ngot ko tun ius tibikyuk, anan ngot ko tun itun osotik alak isione tibikyuk, ko mami chi kwenunnyo; keero, baoriat Kamuktaindet eng’ kwenunnyo, inye ak ane.

KALEWANAIK 2:17

Ne metoi choruet ne kinerjindos, Ak koutie kayomisetab Kamuktaindennyi:

KALEWANAIK 30:20

U ni atebetab kwondo ne tinyei ibetab ge; Amisiei ak kouus kutit, Ak komwa kole, Ma ayai kiy ne ya.

KALEWANAIK 5:20

Amu nee werinnyu, si ibaibaege chepkugoniot, Ak isuub tegetab chepkugoniot?

AMDOINDET 9:9

Otebi eng’ boiboiyet ak osotiot ne ichame, betusiek tugul che bo sobeng’ung’ ne bo buch, che kigonin inendet eng’ kureretab asista, betusieguk tugul che bo buch: amu kebebertang’ung’ noto kote isobe ak eng’ boisieng’ung’ ne iyaei eng’ kureretab asista.

TYENDO NE SIIREI TUGUL 1:15

Keero, i kararan mising’ inye chamanennyu; keero, i kararan; U konyeguk che bo cheptugenik.

ISAIAH 54:6

Amu kigoguurin Jehovah ko u osotiot ne kigebagakta, ne kigigochi koarogen eng’ muguleldanyi, osotiot ne ta ko ming’in, ye kagion, mwaei Kamuktaindeng’ung’.

ISAIAH 58:3

Mwaei ichek kole, Amu nee si kirugutige, amegeere? Amu nee si kinyalil achek sobonwekyok, amemage kiy? Ogeero, onyoru boiboiyeng’wong’ eng’ betutab karuguteng’wong’ bo ge, ak omage bik tugul che boisiewok tuguk che siirtoot.

JEREMIA 29:23

amu kigoyai berberindo eng’ Israel, ak koyai ibetab ge ak osotikab bikab kokwenywa, ak kigomwa ng’alek che bo lembech eng’ kainennyu, che kima ang’at ichek; ak ko anendet ne angen, ak ko a baoriat, mwaei Jehovah.

JEREMIA 42:5

Kimwachi anyun ichek Jeremia kolenji, Ingoek Jehovah baoriat ne bo iman ak ko ne kiyani eng’ kwenunnyo, ngot ko magiyai ko u ng’olyot age tugul ne kaiyogunenen Jehovah Kamuktaindeng’ung’ iibwech.

JEREMIA 8:12

Tos kiililanso ye kingoyai tuguk che kiwechei? Achicha, ma ililanso agot kitigin, ama walogis togochikwak: ibutos anyun koboto icheget chek ibutos: tun kiwirtoi ichek eng’ betut ne kibirei, mwaei Jehovah.

JEREMIA 9:2

Kata mie nda katinye eng’ ong’atet ole menyei bik che rutoi; si kobiit abagakta bikyuk, ak awe! Amu icheget tugul koyaei ibetab ge, tuiyetab bik che iberberisiei.

EZEKIEL 16:8

Ak kingabun ye imi, ageerin, keero, betusieguk ko ki bo betusiekab chamnyet; ak kiatugunen ngoriennyu ak atuch ach ngorieng’ung’: ee, kiayosieun, ak kigoyomisge ak inye, mwaei Kiptaiyat Jehovah, ak kiibunja.

MIKAH 1:2

Ogas okwek bororiosiek, okwek tugul, oepchi it, ee ng’ony, ak tugul che mi oloto: ak ingoek Kiptaiyat Jehovah baoriat eng’ okwek, Kiptaiyat ne mi hekalunnyi ne tilil.

MALAKI 2:15

Ak tos kima yai inendet koek agenge, nganda kitinyei tamirmiriet ne king’et? Amu nee si koek agenge? Kicheng’ iyotet ne iywei Kamuktaindet. Orib anyun tamirmirikwok, amat koberber chi osotiotab ming’inatennyi.

MALAKI 3:5

Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

MALAKI 3:8

Tos chorei chi Kamuktaindet? Ago ochora. Ago omwae ole, Kigichorten ano? Kiochor kebeberwekab taman ak kagochinoik.

KIRUOGIK 11:10

Ak kilenji boisiekab Gilead Jepta, Egu Jehovah baoriat eng’ kwenunnyo; kiyae iman ko u ng’olyondeng’ung’.

1 SAMUEL 12:5

Ak kilenji ichek, Baoriat Jehovah agobo okwek, ak baoriat eng’ betuni nenyi ne kigiil, kole, ma onyoru kiy eng’ eunnyu. Ak kile, Baoriat inendet.