MALAKI 2:12 - BUKUIT NE TILIL

¹² Igesu Jehovah chito ne yachin inendet kiito, inendet ne kosu ak inendet ne wolu, kiistoe ichek emaisiekab Jakobo, koboto inendet ne igoitoi kagochinet, kogochin Jehovah ne bo lugosiek.

Bukuit Ne Tilil

¹² Igeesu Kamuktaindet ne Toroor chiito ne yachin ineendet kiito, ineendet ne kosu ak ineendet ne wolu. Ki istoe icheek emaisyegap Jakobo, kobooto ineendet ne igoitoi kagoochinet, kogoochin Kamuktaindet ne Toroor ne po lugoosyek.

BUKUIT NE TILIIL Sireet ne Dutero Kanon

¹² Igeesu Kamuktaindet ne Toroor chiito ne yachin ineendet kiito, ineendet ne kosu ak ineendet ne wolu. Ki istoe icheek emaisyegap Jakobo, kobooto ineendet ne igoitoi kagoochinet, kogoochin Kamuktaindet ne Toroor ne po lugoosyek.

MALAKI 2:12 ပူးပေါင်းရင်းမြစ်များ

1 ATEPTAP PEETUUSYEK 25:8

Ak kiser barbarek agobo boisionikwak, kogergeit tugul, che mengechen ak che eechen, konetindet ak ne kineti.

ISAIAH 61:8

Amu achame ane Jehovah kiruoget, aweche rebisiet koboto tengekto; ak ayaakyini ichek eng’ imanit, ak kiyomisyige ak ichek kayomiset ne bo koigeny.

ISAIAH 66:3

Inendet ne barei teta ko kergei ak inendet ne barei chito; inendet ne igoitoi aruetab kechir koek tiseiywot, ko kergei ak inendet ne kiriei kaatitab seset; inendet ne igoitoi kagochinet ko kergei ak inendet ne kigoitoi korotikab toret; inendet ne beelei tuguk che nyamdut ko kergei ak inendet ne iberuri kanamwet: ee, kigolewen ortinwekwak ak kochamei sobonwekwak tugukwak che kiwechei;

EZEKIEL 14:10

Ak koib ichek tengektanywa: tengektab maotiot ko u tengektab chito ne cheng’ei inendet;

EZEKIEL 24:21

Ng’alalji gotab Israel, ilenji, Mwaei Kiptaiyat Jehovah ko u ni kole: Ogeero, amuruoni oldanyu ne tilil, menotetab kimnateng’wong’, ne iboiboi konyekwok, ne rire sobonwekwok; ak kebare rotwetab chok werikwok ak tibikwok che kiobagakte.

HOSEA 9:12

Agot nganda igui lagokwak, agochini kobegune lagok, si mang’et chi: ee, bwa kogeny eng’ ichek ye amete!

ATEPTAP LAWIK 18:29

Amu king’etoi eng’ bikwak chi age tugul ne yaei kiy age tugul eng’ tuguchu samis.

ATEPTAP LAWIK 20:3

Ak wechei togennyu agine chichoto, ak ang’etoi eng’ bikyik; amu koigochi inendet lagokyik Molek, si komuruon gonnyu ne tilil, ak koreny kainennyu ne tilil.

AMOS 5:22

Ee, agot ngogona kagochinoikwok che kibeelei ak kagochinoikwok che bo busiek, ko mataache: amaiiti kagochinoikwok che bo kalyet, che bo che kiyagi che akwaen.

SEKARIA 12:7

Sib kosoru Jehovah emaisiekab Juda, si maeet torornatetab gotab Daudi ak torornatetab bik che menyei Jerusalem, kosiir Juda.

MALAKI 1:10

Kata kaigai nda kami chi eng’ okwek ne kerei kurgotik, si molaal mat eng’ kaptisisiennyu buch! Maabaibai eng’ okwek, agot kitigin, mwaei Jehovah ne bo lugosiek, amataache kagochinet ne bunu eunekwok.

MALAKI 1:13

Omwae kogeny ole, Ogeero, kaiimetab ge ne tia! Ak ogututae serunek, mwaei Jehovah ne bo lugosiek; ak kioibu che kigoam tiondo ak che ing’waldos, ak che miandos; oibu kagochinet ko u noto: tos ataach nito ne bunu eunekwok? Mwaei Jehovah.

MALAKI 2:10

Tos magitinye achek tugul kwanda agenge? Tos ma yaech Kamuktaindet agenge? Amu nee si koberberi age tugul eng’ achek tupchennyi, king’waniti kayomisetab kwanisiekyok?

KAITOSYEK 24:5

Ee Jakobo, kororon ne tia emaisieguk, Ee Israel, kororon ne tia goriguk!

MATAYO 15:14

Obagakte ichek: kandoik che koriotin. Ak ngondochi kipkoratiat kipkoratiat, kororokyin tuwai keringet.

2 TIMOTEO 3:13

Ago tesoksei kiptengeginik ak kenik eng’ yaitiet, koberberisiei ak kiberberi.

NG'ANG'UTYET 19:20

Ak kiginam tiondo, koboto maotiondonoto ki bo lembech ne kiyaei kaborunoik eng’ tainnyi, ne kiiberberi che kiga kinde berutietab tiondo, ak ichek che kiilosu kanamwennyi: kigiwirji choto tuwai kosoptos araraita ne bo mat ne lalei eng’ koik che laldos:

1 SAMUEL 3:14

Noto anyun kiayosie agobo gotab Eli ale, magitisei tengektab gotab Eli, eng’ tiseiywek anan ko eng’ kagochinoik agoi koigeny.