MALAKI 1:6 - BUKUIT NE TILIL

⁶ Teechei werit kwandanyi, ak koteech otwogindet kiptaiyandennyi: ngot ko a kwanda anyun, ko mi ano teegistanyu? Ak ngot ko a kiptaiyat, komi ano kaiyweisiet ne kiywea? Mwawok Jehovah ne bo lugosiek, ee tisiik, che osase kainennyu. Ak omwae ole, Kigisas eng’ nee kaineng’ung’?

Bukuit Ne Tilil

⁶ Igoochin konyit weeriit kwandanyi, ak kogonyiti otwogindet kiptaiyandennyi. Ngot ko aa kwanda anyun, komi ano teegistanyu? Ak ngot ko aa kiptaiyat, komi ano kaiyweisyet ne kiywea? Mwaiwok Kamuktaindet ne Toroor ne po lugoosyek ee tisiik, che osase kainennyu. Omwae ole ki kisaste ano kaineng'ung'?

BUKUIT NE TILIIL Sireet ne Dutero Kanon

⁶ Igoochin konyit weeriit kwandanyi, ak kogonyiti otwogindet kiptaiyandennyi. Ngot ko aa kwanda anyun, komi ano teegistanyu? Ak ngot ko aa kiptaiyat, komi ano kaiyweisyet ne kiywea? Mwaiwok Kamuktaindet ne Toroor ne po lugoosyek ee tisiik, che osase kainennyu. Omwae ole ki kisaste ano kaineng'ung'?

MALAKI 1:6 ပူးပေါင်းရင်းမြစ်များ

TIENWOGIKAL 123:2

Ogeero, ko u ye keerei otwogik eutab kiptaiyandenywa, Ko u ye keerei chepto eutab chebioset ne bou inendet; Ko u noto keerei konyekyok Jehovah Kamuktaindennyo, Agoi korirenech.

KOMONG'U 20:12

Teech kwandang’ung’ ak komet: si kochang’a betusieguk eng’ emet ne konin Jehovah Kamuktaindeng’ung’.

KALEWANAIK 17:6

Chepkuletab boisiek mochogoronikwak; Ak torornatetab lagok kwanisiekwak.

KALEWANAIK 30:11

Mi ibinda ne chubei kwanisiekwak, Amaiberuri kametisiekwak.

KALEWANAIK 30:17

Kondab chito ne chotei kwandanyi, Ama chamei kogas it kamet, Kobalu chepkuginik che bo atebwet, kong’ato, Ak koam arekab kipsichinik.

ISAIAH 1:2

Ogas, ee kipsengwetisiek, ak oeb it, inye ng’ony, amu kagotwek Jehovah, kole: kiagu lagok, ak kianet, ak kigongelelja.

ISAIAH 43:23

Ma igetwa areguk koek kagochinoiguk che kibeelei; ama igonyitena tiseiyweguk. Ma abirjin iotisie kagochinoik, ama aiimenen tuguk che nyamdut.

ISAIAH 45:10

Bwa eng’ inendet ne lenjin kwandanyi, Iyie nee? Anan koteebe kwondo kolenji, Amin moet agobo nee?

ISAIAH 64:7

Ama mi ne kuurei kaineng’ung’, ne igiilegei si kobiit konamin: amu kiiung’enech togeng’ung’, ak kiigeswech amu tengekwogikyok.

ISAIAH 64:8

Ara anyun, ee Jehovah, i kwandanyo; ki menet, ak ko i mimiindennyo; ak ki boisionikab euneguk achek tugul.

JEREMIA 23:11

Amu muruon maotiot ak tisiindet; ee, kianyorji gonnyu yaitienywa, mwaei Jehovah.

JEREMIA 3:4

Tos mechame irirja koboch nguno, ile, Baba, i kandoindetab ming’inatennyu?

JEREMIA 31:9

Bwanei koririonu, ak amutune sautik: agochini kobendat eng’ ole negit ainosiek, eng’ oret ne litit eng’ ole maginachi: amu a kwanda eng’ Israel, ak taitanyu Epraim.

JEREMIA 35:16

Amu kagoyai werikab Jonadab weritab Rekab ng’atutietab kwandanywa, ne king’at ichek, ago ma kasa it bichu;

EZEKIEL 22:26

Kigobut tisiikyik ng’atutiennyu, ak komuruon tugukyuk che tililen: ma ibesio che tililen ak che ma tililen, ama inet bik koguiyo tuguk che ma ianyinyotin ak che ianyinyotin, ak kigotuch konyekwak si mageer sabatosiekyuk, ak kiging’wanita eng’ kwenunywa.

HOSEA 12:8

Ak kimwa Epraim kole, Iman, kaaegu magoriot, kaanyoru magornatet: matun nyoru ichek yaitiet ne ki tengekto, eng’ boisionikyuk tugul.

HOSEA 4:6

Kigeng’em bikyuk amu matinyei naet: amu kiiesie naet, aesioin agane, si ma iegu tisiindet eng’ ane: amu kiiutie ng’atutikab Kamuktaindeng’ung’, autie agane lagoguk.

HOSEA 5:1

Ogas nito, ee okwek tisiik, ak koeb it, okwek gotab Israel, ak ogas komie, ee, gotab laitoriat, amu nyonjinok kiruoget; amu kioegu mestet eng’ Mispa, ak mestet ne u regereiywot ne kiitoi eng’ Tabor.

ATEPTAP LAWIK 19:3

Ingoiywei chi age tugul kamet, ak kwandanyi, ak orib sabatosiekyuk: a Jehovah Kamuktaindeng’wong’.

SEPANIA 3:4

Bik che tangusen ak koberberisiei maotikyik: kigomuruon tisiikyik ole tilil, kigong’em ng’atutik.

MALAKI 2:1

Ee okwek tisiik, neng’wong’ ng’atutioni.

MALAKI 2:10

Tos magitinye achek tugul kwanda agenge? Tos ma yaech Kamuktaindet agenge? Amu nee si koberberi age tugul eng’ achek tupchennyi, king’waniti kayomisetab kwanisiekyok?

MALAKI 2:8

Ago kiomaste eng’ oret; kionach che chang’ eng’ ng’atutiet; kiong’em kayomisetab Lawi, mwaei Jehovah ne bo lugosiek.

MALAKI 3:5

Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

MATAYO 15:4

Amu king’at Jehovah kole, Teech kwandang’ung’ ak komet: ak, Inendet ne mwaei ne ya agobo kwandanyi anan kamet, komeei iman.

MATAYO 15:6

ko mateechei inendet kwanda ak kamet; kaowal anyun ng’olyotab Jehovah koek buch amu bitonwekwok.

MATAYO 19:19

Teech kwandang’ung’ ak komet: ak, Cham chitab kokwet ko u ye ichamdoige.

MATAYO 6:9

Noto anyun osa ko u ni: Kwandanyo ne mi kipsengwet, Ingotililit kaineng’ung’.

MATAYO 7:21

Maitei age tugul bounatetab kipsengwet ne lenjina, Kiptaiyandani, Kiptaiyandani; ago inendet ne yaei magetab Baba ne mi kipsengwet.

MARIKO 10:19

Ingen inye ng’atutik, Amerumisie, Amoipge, Amechorse, Amebaorianji lembech, Ameng’alse, Teech kwandang’ung’ ak komet.

MARIKO 7:10

Amu kile Musa, Teech kwandang’ung’ ak komet; ak, Inendet ne mwaei yaitiet agobo kwandanyi anan kamet, komeei iman:

LUKA 10:29

Ago ye kimachei komieitgei, kolenji Jesu, Ng’o chitab kokwennyu?

LUKA 18:20

Ingen Ng’atutik, Amoipge, Amerumisie, Amechorse, Amebaorian lembech, Teech kwandang’ung’ ak komet.

LUKA 6:36

Oegu che tinyei rirenetab ge, ko u Kwandang’wong’ ne tinyei rirenetab ge.

LUKA 6:46

Amu nee si oguurena Kiptaiyat, Kiptaiyat, amoyae tuguk che amwae?

EPESOEK 6:2

Teech kwandang’ung’ ak komet (nito ng’atutiet ne bo tai ne boto kayomiset),

NG'ATUTIK 1:31

ak eng’ ong’atet ole kiigeer ile kigesenunenen Jehovah Kamuktaindeng’wong’, ko u ye keseni chi werinnyi, eng’ ortinwek tugul che kiobunu agoi oitu olito.

NG'ATUTIK 32:6

Tos kongoi ne ogochini Jehovah ni, Okwek bik che o abusotin che ma o ng’omen? Tos ma kwandang’ung’ inendet, ne kialin? Kiyain, ak kogimitin.

NG'ATUTIK 5:16

Teech kwandang’ung’ ak komet, ko u ye king’atin Jehovah Kamuktaindeng’ung’: si kochang’ait betusieguk, ak komieit eng’ inye eng’ emet ne konin Jehovah Kamuktaindeng’ung’.

1 PETERO 1:17

Ak ngot oguure inendet olen Kwanda, ne iruochi ko u ole teptoi boisietab chi age tugul, ama eng’ tiytiet, obendoti eng’ kaiyweisiet eng’ betusiekwok che omi ko o toek: