MALAKI 1:2 - BUKUIT NE TILIL

² Kiachamak, mwaei Jehovah. Ago omwae ole, Kiichamenech nee? Tos kima ko ng’etab kametab Jakobo Esau? Mwaei Jehovah: ago kiacham Jakobo;

Bukuit Ne Tilil

² Ki achamak, mwaei Kamuktaindet ne Toroor. Ago omwae ole, “Ki ichamenech nee?” Komwa Kamuktaindet ne Toroor kole: Tos ki ma ko ng'eetap kametap `Jakobo Esau? Nga uu nooto ko ki acham Jakobo;

BUKUIT NE TILIIL Sireet ne Dutero Kanon

² Ki achamak, mwaei Kamuktaindet ne Toroor. Ago omwae ole, “Ki ichamenech nee?” Komwa Kamuktaindet ne Toroor kole: Tos ki ma ko ng'eetap kametap `Jakobo Esau? Nga uu nooto ko ki acham Jakobo;

MALAKI 1:2 ပူးပေါင်းရင်းမြစ်များ

TAUNET 25:23

Ak kilenji Jehovah, Mitei moeng’ung’ bororiosiek aeng’u, Ak tun pcheegei bororiosiek aeng’u che bunu moeng’ung’; Ak kogimitu bororiet age kosiir age; Ak koot ne o ne ming’in.

TAUNET 25:25

Ak kiindoi ne o ak ki birir, ki sabul borto tugul ko u sambut; ak kiguure kainennyi Esau.

TAUNET 25:26

Ak kongobata noto kesich ng’etab kamet, ak kinamonu kwariatab Esau; ak kigiguure kainennyi Jakobo: ak ki bo Isak kenyisiek tamanwogik lo ye kingosichei osotiondennyi lagochoto.

TAUNET 27:33

Ak kibotan Isak mising’ kot, ak kole, Ng’o anyun ne kacheng’ tugukab loget ak koibwa, ak kaamisie kotom iitu, ak kaaberur inendet? Ee, ak koberurot inendet.

TAUNET 48:4

ak kilenja, Keero, agonin iyotet, ak abarain, ak ayain iegu bororiosiek che chang’; ak tun agochini emoni iyotet ne biitu let eng’ inye, koek nenywa koigeny.

1 LAITORINIK 10:9

Iberurot Jehovah Kamuktaindeng’ung’, ne kibaibait eng’ inye, ak kondein ng’echeretab laitornatetab Israel: amu kicham Jehovah Israel koigeny, koyain anyun iegu laitoriat, si iyai kiruoget ak imanda.

2 LAITORINIK 3:8

Ak kile, Kitogostoe oret ne bunei ano? Ak kiwol kole, Kitogoste oretab ong’atetab Edom.

ISAIAH 43:4

Amu koiegu eng’ ane ne achame mising’, ak ne kigonyiti, ak kiachamin; agoitoi anyun bik agobo inye, ak agoite bik agobo sobeng’ung’.

ISAIAH 63:1

Ng’o ne bunu Edom, ne tinyei ngoroik che kigisal kobiriritu, eng’ Bosra: ne tinyei ngoroik che bo torornatet, kowendi eng’ oindab kimnatennyi? Anendet ne ang’alali eng’ imanda, ne atinye kamuget asor.

JEREMIA 2:31

Ee ibini, ogeer ng’olyotab Jehovah. Tos kiaegu emetab mesundeito ne o? Amu nee anyun si komwa bikyuk kole, Kigitiachech; ma kebwane kogeny ole imi?

JEREMIA 2:5

Mwaei Jehovah ko u ni kole, Nee kit ne ma bo iman ne kinyorja kwanisiekwok, kot kolooitena, ak kosubot tangoita, ak kagoek buch?

JEREMIA 31:3

Kimong’ja Jehovah keny, kolenja, Ee, kiachamin eng’ chamnyet ne bo koigeny: kiachuutun anyun eng’ chamnyet ne tala.

AMOS 1:11

Mwaei Jehovah ko u ni kole: Maaweechi biret ne abire Edom, amu bistaosiekyik somok, ee agot ang’wan; amu kione tupchennyi rotwetab chok, ak kiisto rirenetab ge tugul, ak kinerechi mising’ kotugul, ak kigonor neregekyik koigeny:

MALAKI 2:17

Kooiim Jehovah eng’ ng’alekwok. Ago omwae ole, Kigiime nee? Amu omwae ole, Mie age tugul eng’ taitab Jehovah ne yaei yaitiet ak koboiboitune bichoto: anan mi ano Kamuktaindet ne bo kiruoget?

LUKA 10:29

Ago ye kimachei komieitgei, kolenji Jesu, Ng’o chitab kokwennyu?

JOHANA 15:12

Ng’atutiennyu ni, ale ochamnye, ko u ye kiachamak.

NG'ATUTIK 10:15

Ago kibaibait Jehovah eng’ kwanisieguk kocham ichek, ak kilewen iyotenywa ne biitu let, okwek choto, eng’ bik tugul, ko u rani.

NG'ATUTIK 23:5

Ago kima kasyi Jehovah Kamuktaindeng’ung’ Balaam; ago kiiweech Jehovah Kamuktiandeng’ung’ chubisiet koek kaberuret, amu kichamin Jehovah Kamuktaindeng’ung’.

NG'ATUTIK 33:3

Ee, kichamei bororiosiek; Mi eung’ung’ bikyik tugul che tililen: Ak kitebe ole bo kelyeguk; Taachei age tugul eng’ ng’aleguk.

NG'ATUTIK 4:37

Amu kichamei kwanisieguk, kolewen anyun inendet iyotenywa ne biitu let, ak komoong’un eng’ Misri ko mi koboten, eng’ kimnatennyi ne o;