MALAKI 1:14 - BUKUIT NE TILIL

¹⁴ Ago chubot kaberberindet, ne tinyei mengit eng’ akwennyi, ak koarorto, yeityo koeng’ji Kiptaiyat kit ne tinyei berutiet: amu a laitoriat ne o, mwaei Jehovah ne bo lugosiek, ak kiywei kainennyu eng’ Bororiosiek.

Bukuit Ne Tilil

¹⁴ Ago chuboot kaberberindet, ne tinyei mengit eng' akweennyi, ak koarorto, yeityo koeng'ji Kiptaiyat kiit ne tinyei perutyet. Amu Aa Laitoryat ne oo, ak kiywei kainennyu eng' pororyosyek mwaei Kamuktaindet ne Toroor ne po lugoosyek.

BUKUIT NE TILIIL Sireet ne Dutero Kanon

¹⁴ Ago chuboot kaberberindet, ne tinyei mengit eng' akweennyi, ak koarorto, yeityo koeng'ji Kiptaiyat kiit ne tinyei perutyet. Amu Aa Laitoryat ne oo, ak kiywei kainennyu eng' pororyosyek mwaei Kamuktaindet ne Toroor ne po lugoosyek.

MALAKI 1:14 ပူးပေါင်းရင်းမြစ်များ

TAUNET 27:12

Abere imuchi kosapsaba baba, ak aegu kaberberindet eng’ inendet; si aek ne kisasei, ama anyoru berurto.

2 SAMUEL 24:24

Ak kilenji laitoriat Arauna, Achicha: aalenen iman eng’ alyet: magochini Jehovah Kamuktaindennyu kagochinoik che kibeelei che ma agoite kiy. Kial anyun Daudi ruanyunoto kiborse koboto tuga eng’ sekelisiek konom che bo feda.

TIENWOGIKAL 102:16

Amu kagoteech Jehovah Sion, Kagotook eng’ torornatennyi;

TIENWOGIKAL 47:2

Amu bo kamuiset Jehovah ne Toror Mising’; Inendet ko Laitoriat ne o ne bou ng’ony komugul.

TIENWOGIKAL 47:3

Iterterwech inendet bik si kebou, Ak koterterwech bororiosiek eng’ kelyekyok.

TIENWOGIKAL 47:8

Bou Kamuktaindet bororiosiek: Tebe Kamuktaindet ng’echerennyi ne tilil ne bo laitornatet.

TIENWOGIKAL 48:2

Mi tulwetab Sion ole kararan, ole toogunot, inendet boiboindab ng’ony komugul, Ne tokyingei murot ne bo katam, Nganasetab Laitoriat ne o.

TIENWOGIKAL 68:35

Ee Kamuktaindet, kiywein eng’ oldinweguk che tililen: Kamuktaindetab Israel, ne igochin bikyik kimnatet ak kamuktaet. Iberurot Kamuktaindet.

TIENWOGIKAL 76:12

Tilei inendet sobonwekab bounik: Imui inendet laitorinikab ng’ony.

TIENWOGIKAL 95:3

Amu Kamuktaindet ne o Jehovah, Inendet laitoriat ne o ne siirei cheptalelisiek tugul.

ISAIAH 57:15

Amu mwaei ko u ni Inendet ne mi barak ak ko toror ne menyei koigeny, ne Tilil kainennyi, kole, Amenye ole toror, ak ko tilil, koboto inendet agine ne kigonyeratgei eng’ tamirmiriet, ak koming’ingei, si kobiit kisoob tamirmirietab ne iming’inegei, ak kisoob mugulelwekab che inyeratigei.

JEREMIA 10:10

Ago Jehovah ko Kamuktaindet ne bo iman; inendet ko Kamuktaindet ne sobei, ak ko laitoriat ne bo koigeny: botani ng’ony amu neregekyik: amaimuchi komuita bororiosiek eng’ neregekyik.

JEREMIA 46:18

Mwaei Laitoriat ne kainennyi ko Jehovah ne bo lugosiek, kole, Ko u ye asobe, nyonei iman inendet ko u Tabor eng’ tulonok, ak ko u Karmel eng’ ole negite nyanjet.

JEREMIA 48:10

Chubot inendet ne machuuljingei boisietab Jehovah, ak chubot inendet ne ete rotwennyi bo chok korotik.

JEREMIA 48:15

Kigong’emak Moab, kigotogosta ichek nganasokyik, kigoba barisiet murenikyik che kigilewen, mwaei Laitoriat, ne kainennyi ko Jehovah ne bo lugosiek.

DANIEL 4:37

Alosu anyun ane Nebukadnesar, ak atorori ak agonyiti Laitoriatab kipsengwet; amu bo iman boisionikyik tugul, ak ko bo kiruoget ortinwekyik: ak imuchi koming’in ichek che bendoti eng’ menotet.

DANIEL 9:4

Ak kiasa Jehovah Kamuktaindennyu, ak ang’ang’ji inendet ale, Ee Kiptaiyat, Kamuktaindet ne o ne kiywei, ne ribei kayomiset ak rirenet eng’ ichek che chamei inendet ak koribei ng’atutikyik;

SEPANIA 2:11

Egu Jehovah kamuiset eng’ ichek: amu itenyi cheptalelisiek tugul che bo ng’ony; ak kolos bik tugul inendet, ilosu chi age tugul eng’ oldanyi, koboto ngegusiek tugul che bo bororiosiek.

SEKARIA 14:9

Ak koek Jehovah laitoriatab ng’ony komugul: egu agenge Jehovah eng’ betunoto, ak koek agenge kainennyi.

MALAKI 1:11

Amu o kainennyu eng’ Bororiosiek koboch ole chorune asis agoi ole roroktoe; ak kigoitoi eng’ komosta age tugul nyamdutik che kibeelei agobo kainennyu, koboto kagochinet ne tilil: amu o kainennyu, eng’ Bororiosiek, mwaei Jehovah ne bo lugosiek.

MALAKI 1:8

Ak ye ogoitoi che koriotin koek tiseiywek, ko tos ma yaitiet noto? Ak ye ogoitoi che ing’waldos ak che miandos, ko tos ma yaitiet noto? Igochi anyun noto bounindeng’ung’; tos baibaitunenen? Anan tos taachin ye keerin? Mwaei Jehovah ne bo lugosiek.

MALAKI 2:1

Ee okwek tisiik, neng’wong’ ng’atutioni.

MALAKI 3:9

Kichubok eng’ chubet; amu ochora, agot bororioni komugul.

MATAYO 24:51

ak kobir mising’ ak kogochi kebebertanyi koboto chombilik: egu eng’ oloto rirek ak nyeetab kelek.

MATAYO 5:35

anan agobo ng’ony, amu keldebesaikab kelyekyik; anan agobo Jerusalem, amu nganasetab Laitoriat ne o.

MARIKO 14:8

Kagoyai ne imuchi: kasib koiil bortanyu agobo tubet.

LUKA 12:46

weeksei anyun kiptaiyat ne bo otwogindonoto eng’ betut ne kama kogeni, ak eng’ sait ne manaei, ak kobir mising’, ak kopchechi kebebertanyi koboto che matinyei kayanet.

2 KORINTOEK 8:12

Amu ngo chobot kabwatetab chi, ko taachaksei ko u ye tinyei chi, ma ko u ye matinyei.

NG'ATUTIK 28:58

Ngo merib iyai ng’alek tugul che bo ng’atutioni che kigisirji bukuini, si kobiit igonyit kainani bo teegisto, kainet ne kiywei JEHOVAH KAMUKTAINDENG’UNG’;

1 TIMOTEO 6:15

ne tun ibortoi eng’ betusiekyik, ne inendet ne iberurot ak ko Kamuktaindet inegei, Laitoriat ne bo laitorinik, ak Kiptaiyat ne bo kiptainik;

HEBRANIK 12:29

amu Jehovah nenyo ko mat ne igesu.

NG'ANG'UTYET 15:4

Ng’o ne maiywei kaineng’ung’, ak kotorori, ee Kiptaiyat? Amu i tilil inyege; amu bwanei bororiosiek tugul kogutung’so eng’ taing’ung’; amu kagong’ang’ak boisioniguk che bo imanda.

NG'ANG'UTYET 21:8

Ago che iyweisiei, ak che maiyani, ak che kiwechei, ak rumik, ak che soksei, ak bonik, ak che saei kanamonik, ak kiplembechonik tugul, kotinyei kebebertanywa eng’ araraita ne lale mat ak koik che laldos; ne noto ko meet ne bo aeng’.