MALAKI 1:13 - BUKUIT NE TILIL

¹³ Omwae kogeny ole, Ogeero, kaiimetab ge ne tia! Ak ogututae serunek, mwaei Jehovah ne bo lugosiek; ak kioibu che kigoam tiondo ak che ing’waldos, ak che miandos; oibu kagochinet ko u noto: tos ataach nito ne bunu eunekwok? Mwaei Jehovah.

Bukuit Ne Tilil

¹³ Omwae kogeny ole, Ogeero, kaimetapkei ne tya! Ak ogututae seruunek, mwaei Kamuktaindet ne Toroor ne po lugoosyek. Ki oibu che ki koam tyondo, che ing'waldos ak che myandos; oibu chooto koek tiseiywek. Tos ataach chuuto kobun eunekwok? Mwaei Kamuktaindet ne Toroor.

BUKUIT NE TILIIL Sireet ne Dutero Kanon

¹³ Omwae kogeny ole, Ogeero, kaimetapkei ne tya! Ak ogututae seruunek, mwaei Kamuktaindet ne Toroor ne po lugoosyek. Ki oibu che ki koam tyondo, che ing'waldos ak che myandos; oibu chooto koek tiseiywek. Tos ataach chuuto kobun eunekwok? Mwaei Kamuktaindet ne Toroor.

MALAKI 1:13 ပူးပေါင်းရင်းမြစ်များ

2 SAMUEL 24:24

Ak kilenji laitoriat Arauna, Achicha: aalenen iman eng’ alyet: magochini Jehovah Kamuktaindennyu kagochinoik che kibeelei che ma agoite kiy. Kial anyun Daudi ruanyunoto kiborse koboto tuga eng’ sekelisiek konom che bo feda.

ISAIAH 1:12

Ye obwa tainnyu, ko ng’o ne kimagenak kiito, si otiech seremusiekyuk?

ISAIAH 57:6

Mi kebebertang’ung’ koik che chaboen che bo atebwet; choto, choto ko kebebertang’ung’: kiirong’ji ichek kagochinet ne kieei, kiigochi kagochinet. Tos igoigoa tuguchuto?

ISAIAH 61:8

Amu achame ane Jehovah kiruoget, aweche rebisiet koboto tengekto; ak ayaakyini ichek eng’ imanit, ak kiyomisyige ak ichek kayomiset ne bo koigeny.

EZEKIEL 4:14

Kiamwa anyun ale, Bwa Kiptaiyat Jehovah! Keero, tom kimuruon sobondanyu: amu koboch ko a ming’in agoi nguno kotom aam kiy ne meei inegei, anan ne kabar tiong’ik; ama chut kutinnyu banyek che ng’wonen.

EZEKIEL 44:31

Maamei tisiik kiy age tugul ne kamee inegei, anan ne kobarei tiong’ik, ngo tarit anan ngo tiony.

HOSEA 13:9

Ng’emisieng’ung’ nito, ee Israel, amu igirindaa, igirindoi toretindeng’ung’.

ATEPTAP LAWIK 22:8

Amat koam banyekab tiong’ik che begu ichegei, anan che tonatoni tiong’ik, si mat kong’wanitgei eng’ choto: a Jehovah.

ATEPTAP LAWIK 6:4

koek anyun, ngo kayai tengekto, ak konam lelutiet, ingoweech noto kireb, anan kiy ne kiib eng’ sastaet, anan kiy ne kigigochi kogonor, anan kiy ne kinyor ne kiga kobet,

AMOS 8:5

olen, Meei au arawet ne kaleel, si kobiit kealde bek? Ak igesugei au sabato, si kobiit kimarte bek? Si keyai epah koming’init, ak keyai sekel koeet, si keyai kaberberisiet eng’ tuguk che kirogendoisie che bo ng’alset;

MIKAH 6:3

Kiayaiywok nee, ee okwek bikyuk? Ak kiaiimenak nee? Obaorianwa.

MALAKI 1:10

Kata kaigai nda kami chi eng’ okwek ne kerei kurgotik, si molaal mat eng’ kaptisisiennyu buch! Maabaibai eng’ okwek, agot kitigin, mwaei Jehovah ne bo lugosiek, amataache kagochinet ne bunu eunekwok.

MALAKI 2:12

Igesu Jehovah chito ne yachin inendet kiito, inendet ne kosu ak inendet ne wolu, kiistoe ichek emaisiekab Jakobo, koboto inendet ne igoitoi kagochinet, kogochin Jehovah ne bo lugosiek.

MALAKI 2:13

Ak ni kit age ne oyae kogeny, otumjini beekab kong’ kaptisisietab Jehovah, eng’ rirek, ak eng’ kateeiyet, kot ko ma koiiti kogeny kagochinet, ama kotaachei eng’ chamnyet che ogochini eng’ eunekwok.

MATAYO 6:16

Kogeny ye orugutge, ko moige chombilik, eng’ togochik che bo arogenet; amu walei togochikwak, si kogeer bik kole, koirugutgei. Amwawok, iman, ale, Kagonyor ichek melektanywa.

MATAYO 6:5

Ak ye osae, ko moige chombilik; amu chamei ichek kosaei kotonondos eng’ sunagogisiek ak besiebor si kobiit kogeer bik ichek. Amwawok, iman, ale, Kagonyor ichek melektanywa.

NG'ATUTIK 15:21

Ak ngo ma libwob, ngong’wali anan ngo korat, anan ngo tinyei berut age tugul ne ya, ko mat ieng’ji noto Jehovah Kamuktaindeng’ung’.

1 SAMUEL 2:29

Amu nee anyun si otiar tiseiywekyuk ak kagochinoikyuk, che kiang’at eng’ meng’otennyu; ak igonyit weriguk kosiira, si onerie kagochinoik che eechen eng’ tugul che bo bikyuk Israel?