LUKA 8:10 - BUKUIT NE TILIL

¹⁰ Ak kile, kagigonok okwek onai ung’otik che bo bounatetab Jehovah: ago kimwachin alak eng’ kalewenaik; si ye keertoi ko mageerei kiy, si ye kasei ko manaei.

Bukuit Ne Tilil

¹⁰ Ak ki le, “Kagigoonok okweek onai ung'ootik che po laitornatetap Kamuktaindet: ago kimwachin alak eng' kalewenaik; ‘si ye keertoi koma keerei kiy, si ye kasei koma naei.’

BUKUIT NE TILIIL Sireet ne Dutero Kanon

¹⁰ Ak ki le, “Kagigoonok okweek onai ung'ootik che po laitornatetap Kamuktaindet: ago kimwachin alak eng' kalewenaik; ‘si ye keertoi koma keerei kiy, si ye kasei koma naei.’

LUKA 8:10 ပူးပေါင်းရင်းမြစ်များ

TIENWOGIKAL 25:14

Mitei ung’otietab Jehovah koboto ichek che iywei inendet; Ak koborji ichek arorutiennyi.

ISAIAH 29:14

ogeer anyun-o, ayae boisiet ne kitang’ang’jin eng’ kwenutab bichu, boisiet ne kitang’ang’jin ak kekwong’e; ak kobet ng’omnatetab bikwak che ng’omen, ak keuny kaguiyetab bikwak che ng’omen.

ISAIAH 44:18

Maingen ichek, amaibwati: amu kigoger konyekwak, si mageerto; ak koger mugulelwekwak, si maiguiyo.

ISAIAH 6:9

Ak kile, Ui, ak imwachi bichu ilenji, Ogase iman, ago moguitosi; ak ogeere iman, ago monae.

JEREMIA 5:21

Ogas ni anyun, ee okwek bik che berber, che motinye kaguiyet; che otinye konyek, amogeertoe; che otinye itik, amogastoe:

EZEKIEL 12:2

Ee weritab chi, imenye kwenutab got ne ngeleliot, che tinyei konyek che keertoe, ama keerei kiy; che tinyei itik che kastoe, ama kasei kiy; amu ichek ko got ne ngeleliot.

MATAYO 11:25

Eng’ betusiechoto kowol Jesu kole, Amwaun kongoi, we Baba, Kiptaiyatab kipsengwet ak ng’ony, amu kiiung’e tuguchu che ng’omen ak che iguitos, ak kiing’ang’ji manyurunik:

MATAYO 16:17

Ak kiwol Jesu kolenji, Iberurot inye, Simon Barjona: amu kama ng’ang’un borto anan korotik, ago Baba ne mi kipsengwet.

MARIKO 4:11

Ak kilenji, Kagegonok okwek onai ung’otiet ne bo bounatetab Jehovah: ago ichek che mitei sang’, keyachin tuguk tugul eng’ kalewenaik:

MARIKO 4:12

si eng’ keeret kogeerei, ama ibestos; ak eng’ kaset kogasei, ama iguitos; si maweek, ak kenyochi kaat.

JOHANA 12:40

Kigotuch inendet konyekwak, ak kigogochi inendet mugulelwekwak kouuegitu; Si ma keere konyekwak, anan konai eng’ mugulelwekwak, Ak koweek, Ak asoob ichek.

ROMANIK 16:25

Nguno eng’ inendet ne imuchi kogimitok ko u logoiywekyuk che miach ak amdaetab Jesu Kristo, ko u ng’ang’utiet ne bo ung’ot ne kiga kiuny kosis koboch betusiek che bo koigeny,

1 KORINTOEK 12:11

ago boisie chuto tugul Tamirmiriet ne noto agenge, kopchechin age tugul ko u ye makyin.

NG'ATUTIK 29:4

ago kitom kogonok Jehovah muguleldo ne oguiye, anan konyek che ogeere, anan itik che ogase, agoi rani.

KOLOSAIK 2:2

si kobiit kigaigai mugulelwekwak, ak keropchin eng’ chamnyet, ak eng’ magornatosiek tugul che bo nyiietab kaguiyet, si kobiit konai ichek ung’otietab Jehovah, inendet Kristo,

1 TIMOTEO 3:16

Ak ne matiny, ko o ung’otiot ne bo kaiyweet ne kiywei Jehovah; Inendet ne king’ang’ak eng’ borto, Kigiityi imanda eng’ tamirmiriet, Ne kigeer malaikaisiek, Ne kigiamda eng’ Bororiosiek, Ne kiiyan che bo ng’ony, Ne kigimut kwo barak eng’ torornatet.