LUKA 6:23 - BUKUIT NE TILIL

²³ Oboiboitu eng’ betunoto, ak otorombense eng’ boiboindo: amu, ogeero, o melektang’wong’ eng’ kipsengwet: amu kiyachi kwanisiekwak maotik ko u noto.

Bukuit Ne Tilil

²³ Oboiboitu eng' peetuunooto ak otorombense eng' poiboiyet, amu, ogeero, oo melektang'wong' eng' kipsengwet; amu ki yachi `kwanisyekwak maotik ko uu nooto.

BUKUIT NE TILIIL Sireet ne Dutero Kanon

²³ Oboiboitu eng' peetuunooto ak otorombense eng' poiboiyet, amu, ogeero, oo melektang'wong' eng' kipsengwet; amu ki yachi `kwanisyekwak maotik ko uu nooto.

LUKA 6:23 ပူးပေါင်းရင်းမြစ်များ

2 SAMUEL 6:16

Ak kingoit moingetab Jehovah nganasetab Daudi, koiit Mikal cheptab Saul eng’ tirisiet, ak kogeer laitoriat Daudi kotorombeni kourereni eng’ taitab Jehovah; ak kisas inendet eng’ muguleldanyi.

1 LAITORINIK 18:4

amu ye kiga bar Jesebel maotikab Jehovah, komut Obadia maotik bogol, ak kouny kobeate konom eng’ kebenet, ak kobae ichek makatinik ak beek.)

1 LAITORINIK 19:10

Ak kile, Kigoama ng’etkong’ mising’ agobo Jehovah, Kamuktaindetab lugosiek; amu kigobagakta lagokab Israel kayomiseng’ung’, kobut kaptisisiosieguk, ak kobar maotiguk eng’ rotwetab chok: ak kiang’etu, ane, anege; ak cheng’ei ichek sobondanyu kobar.

1 LAITORINIK 19:14

Ak kile, Kigoama ng’etkong’ mising’ agobo Jehovah, Kamuktaindet ne bo lugosiek; amu kigobagakta lagokab Israel kayomiseng’ung’, kobut kaptisisiosieguk, ak kobar maotiguk eng’ rotwetab chok; kiang’etu ane anege; ak cheng’ei ichek sobondanyu kobar.

1 LAITORINIK 19:2

Koyokto anyun Jesebel chito kwo ole mi Elija, kolenji, Ingoyaiywa kanamonik ko u noto, ak kotes, ngot ko mayai sobondang’ung’ koigei sobondab age eng’ ichek mutai ko negit saini.

1 LAITORINIK 21:20

Ak kilenji Ahab Elija, Kainyorua-o, bunyodennyu? Ak kiwol kole, Ee, kaanyorun: amu kaialdege iyai yaitiet eng’ taitab Jehovah.

1 LAITORINIK 22:27

ak kolenji, Kamwa laitoriat ko u ni, kole, Onde chichi korgoret, ak obae amitwogikab nyalilda, ak beekab nyalilda, agoi aweeige eng’ kalyet.

1 LAITORINIK 22:8

Ak kilenji laitoriatab Israel Jeosapat, Ta komi chito agenge ne kimuchi keteepse eng’ Jehovah, Mikaia weritab Imla: ago aweche inendet; amu mamaoteni tuguk che miachen agobo ane, kobate yaitiet. Ak kile Jeosapat, Amat komwa laitoriat ko u no.

2 LAITORINIK 6:31

Yeityo komwa kole, Ingoyaiywa Kamuktaindet ko u noto ak kotes, ngot kotebi metitab Elisha weritab Sapat rani.

2 ATEPTAP PEETUUSYEK 36:16

Ago kireny bichoto kiiyoktoi Kamuktaindet, ak kisas ng’alekyik, kogengenie maotikyik, agoi konerekyi Jehovah bikyik, kot ko ma komi kit ne kinyae.

NEEMIA 9:26

Ago ma kas it, ak kongeleljin, ak kiwirta Ng’atutiguk kotuktochi batai, ak kobar maotiguk che kibaorianji ichek, kole koweech ichek kobwanjin, ak koyai tagisiosiek che eechen.

TIENWOGIKAL 58:11

Si komwa bik kole, Mitei iman melekto ne bo chito ne bo imanda: Mi iman Kamuktaindet ne iruochi eng’ ng’ony.

ISAIAH 35:6

Yeityo kotoromben chito ne ing’wali ko u cheptirgichet, ak kotien ng’elyeptab ne namat kut: amu kutu beek eng’ ong’atet, ak kobiit kererusiek eng’ surkwen.

JEREMIA 2:30

Kiabir lagokwok buch; ma cham kotigonet: kigobar rotweng’ung’ bo chok maotikwok, ko u ng’etundo ne ng’emisiei.

MALAKI 4:1

Amu, ogeero, nyonei betut, ne lalei ko u mat ne o, ak koigei mobek menotik tugul, koboto ichek tugul che yaei tengekto: ak kobeel ichek betut ne nyonei, mwaei Jehovah ne bo lugosiek, kot ko mang’etyi tigitiot anan ko temet.

MATAYO 5:12

Oboiboitu, ak ogasge mising’: amu o melektang’wong’ eng’ kipsengwet: amu kigiusaus ko u noto maotik che kiindounenok.

LUKA 1:41

Ak ye kingogas Elisabet kagatetab Maria, koureren lakwet eng’ moennyi; kinyi anyun Tamirmiriet ne Tilil Elisabet;

LUKA 1:44

Amu, keero, ye kangoit itikyuk kutitab kagateng’ung’, koureren lakwet eng’ moennyu eng’ boiboiyet.

LUKA 6:35

Ago ocham bunikwok, ak oyai ne mie, ak obesende, amongen onyoru kogeny; si koeet melektang’wong’, ak oegu werikab Inendet ne Toror Mising’: amu tala inendet eng’ icheget che matinyei kongoi ak che yaachen.

POISYONIGAP CHE KIYOKTOI 14:10

komwa eng’ kutit ne o kole, Tonon komie eng’ kelyeguk. Ak kitoromben ak kowendot.

POISYONIGAP CHE KIYOKTOI 3:8

King’eet kochokyi, ak kotonon, ak kotoi kowendot; ak kiba hekalut orit koboto icheget, kowendoti, kotorombenoti, ak kolosu Jehovah.

POISYONIGAP CHE KIYOKTOI 5:41

Koba anyun eng’ taitab kapkiruok koboiboi amu kagiit kele nyoljin konyor katewerisiet agobo Kainanato.

ROMANIK 5:3

Ak ma u noto kityo, ago ongeboiboitu eng’ nyalilwogikyok: kingen kele ibu nyalilda muitaet;

2 KORINTOEK 12:10

Noto anyun, abaibai eng’ nyalulnatosiek, eng’ ng’woninwek, eng’ kagiigosiek, eng’ usisiosiek, eng’ tiritinwek, agobo Kristo: amu ye a nyalulat, ko yoto anyun ye a kim.

KOLOSAIK 1:24

Abaibai anyun nguno eng’ nyalilwogikyuk agobo okwek, ak anyiiti eng’ komostanyu noto ne rarunot agobo nyalilwogikab Kristo eng’ bortanyu agobo bortanyi, noto kaniset;

2 TIMOTEO 2:12

ngemuite, ko tun kibou koboto inendet: ngot keesie inendet, ko tun esioech agine:

HEBRANIK 11:26

koiit tewernatet ne kiteweri Kristo kole magornatosiek che eechen kosiir konoraik che bo Misri: amu kiigeni melekto.

HEBRANIK 11:6

ak ngo mami kayanet ko ma imugaksei kibaibai inendet: amu inendet ne rikyin Jehovah konyoljin koyan kole mi inendet, ak kole igochin melekto icheget che cheng’ei inendet.

JAKOBO 1:2

Tupchosiekyuk, oiit ole boiboiyet kityo ye konyoru yomsosiek che terotin;

1 PETERO 4:13

ago oboiboitu, ko u ye o yamdoikab nyalilwogikab Kristo; si tun oboiboitu eng’ boiboiyet ne o eng’ ng’ang’etab lilindanyi agine.

NG'ANG'UTYET 2:17

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri, agochini che bo mana che ung’otin, ak agochi koita ne leel, ak kigisirji koyata kainet ne leel, ne maingen chi kobate inendet ne taachei.

NG'ANG'UTYET 2:26

Ak inendet ne iterteri, ak koribei boisionikyuk agoi kagesunet, kotun agochini kimnatet koboi bororiosiek:

NG'ANG'UTYET 2:7

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri, agochini koam che bo ketitab sobondo ne mi Paradis ne bo Jehovah.

NG'ANG'UTYET 21:7

Inendet ne iterteri konamei tuguchu; ak aegu Jehovah nenyi, ak koek inendet werinnyu.

NG'ANG'UTYET 3:12

Inendet ne iterteri, ayae koek toloita eng’ hekalut ne bo Jehovah nenyu, ama komandoi sang’ kogeny: ak asirjini inendet kainetab Jehovah nenyu, ak kainetab nganasetab Jehovah nenyu, noto Jerusalem ne leel, ne chorugei eng’ kipsengwet kobunu Jehovah nenyu, ak kainennyu ne leel.

NG'ANG'UTYET 3:5

Inendet ne iterteri kotun kilaakyin ko u noto ngoroik che leelach; ak magoi abuch kainennyi eng’ bukuitab sobondo, ago ang’anye kainennyi eng’ taitab Baba, ak eng’ taitab malaikaisiekyik.