LUKA 4:6 - BUKUIT NE TILIL

⁶ Ak kilenji anyun oindet inendet, Agonin kimnatoni tugul, ak telunatenywa tugul; amu kigigona; ak agochini age tugul ne amakyini.

Bukuit Ne Tilil

⁶ Ak ki leenji anyun chesawilyet ineendet, Agoonin kimnatoni tugul, ak telunatennywa tugul; amu ki kigoono; ak agoochini age tugul ne amakyini.

BUKUIT NE TILIIL Sireet ne Dutero Kanon

⁶ Ak ki leenji anyun chesawilyet ineendet, Agoonin kimnatoni tugul, ak telunatennywa tugul; amu ki kigoono; ak agoochini age tugul ne amakyini.

LUKA 4:6 ပူးပေါင်းရင်းမြစ်များ

ESTA 5:11

Ak kimwachi Haman ichek torornatetab magornatosiekyik, ak chang’indab lagokyik, ak tuguk tugul che kiieete laitoriat inendet kosiir bounik ak otwogik che bo laitoriat.

ISAIAH 23:9

Kigochob noto Jehovah ne bo lugosiek, si kobiit komuruon menotet tugul ne bo torornatet, ak kotewer bik tugul che konyitotin che bo ng’ony.

ISAIAH 5:14

Noto anyun, kigobarait oldab che kigobek, ak kigoseng’eng’ ne ma aechin ak kiy: ak chorjingei oloto teegistanywa, ak chang’indanywa, ak etunatenywa, koboto inendet ne igasegei eng’ kwenunywa.

LUKA 4:7

Ngot iloswa anyun, eng’ tainnyu, kobunjinin tugul.

JOHANA 12:31

Kabiit nguno kiruogetab ng’onyuni: ak kagitoorta anyun nguno ne o ne bo ng’ony komanda.

JOHANA 14:30

Mang’alalwok mising’, amu nyonei ne o ne bo ng’ony: ama tinyei kiy eng’ ane;

JOHANA 8:44

O bo kwandang’wong’ oindet, ak ochame oyai magutikab kwandang’wong’. Ki rumindet koboch taunet, ama tononi eng’ imanit, amu mami imanit eng’ inendet. Ye mwaei lembech, komwaei agobo tugukyik: amu kiplembechwa inendet, ak kwanda ne bo noto.

2 KORINTOEK 11:14

Ama mi kwong’et; amu agot Setani kowalegei koek malaikaiyatab lapkeiyet.

EPESOEK 2:2

che kiobendote ye kinye ko u biteetab ng’onyuni, osubi ne o ne bo kimnatet ne bo soet, ne bo tamirmiriet ne boisiei nguno eng’ werikab ngelelnatet;

1 PETERO 1:24

Amu, U suswek borwek tugul, Ak u taptokab suswek torornatenywa tugul. Restos suswek, ak kobutyo taptok:

1 JOHANA 5:19

Kingen kele ki bo Jehovah achek, ak mitei ng’ony komugul eng’ bounatetab inendet ne ya.

NG'ANG'UTYET 12:9

Ak kigiturur maswetinoto o konyo ng’ony, erenet ne bo keny, ne kiguure Oindet ak ko Setani, kaberberindetab ng’ony komugul; kigiturur konyo ng’ony, ak kigiturur malaikaisiekyik koboto inendet.

NG'ANG'UTYET 13:2

Ak ki u tiondo ne kiageer cheblanget, ak ki u kelyekyik kelyekab tiondo ne u keerit, ak ki u kutinnyi kutitab ng’etundo: ak kiigochi maswetit inendet kamugennyi, ak ng’echerennyi ne bo laitornatet, ak kimnatet ne o.

NG'ANG'UTYET 13:7

Ak kigigochi inendet kobargei ak bik che tililen, ak koterter ichek; ak kigigochi inendet kimnatet koboi oret age tugul ak bik alak tugul, ak kutit age tugul ak bororiet age tugul.